| - ᠡᠭᠡᠵᠡᠭᠡᠢ ᠠᠭᠠᠷᠤᠤᠯ ᠢᠷᠤᠭᠠᠷ ᠲᠤᠨᠢ ᠳᠡᠪᠲᠦᠭᠰᠡᠨ ᠡᠵᠢ ᠶᠢᠨ ᠪᠣᠷᠣ ᠠᠶᠠᠭᠠ ᠬᠠᠷᠠᠭᠳᠠᠭᠠᠳ ᠪᠠᠶᠢᠨᠠ ᠳ᠋ᠠ | ᠡᠵᠢ ᠵᠠᠯᠠᠭᠤ ᠪᠠᠶᠢᠬᠤ ᠳᠠᠭᠠᠨ ᠳᠠᠩᠳᠠ ᠰᠠᠭᠠᠯᠢ ᠶᠢᠨ ᠦᠨᠦᠷ ᠲᠠᠢ᠂ ᠴᠠᠢ ᠶᠢᠨ ᠠᠮᠲᠠᠲᠠᠢ ᠰᠠᠨᠠᠭᠳᠠᠳᠠᠭ ᠰᠠᠨ᠃ ᠲᠣᠮᠣ ᠪᠣᠯᠣᠭᠠᠳ᠂ ᠠᠶᠢᠯ ᠪᠣᠯᠤᠭᠰᠠᠨ ᠴᠤ | ᠬᠠᠶᠠ ᠨᠢᠭᠡ ︽ᠠᠶᠢᠯᠴᠢᠯᠠᠬᠤ︾ ᠪᠣᠯᠭᠠᠨ ᠳᠤ ᠮᠥᠨ ᠯᠡ ᠲᠡᠶᠢᠮᠦ ᠯᠡ ᠦᠨᠦᠷ ᠲᠡᠶᠢᠮᠤ ᠯᠡ ᠠᠮᠲᠠ ᠭᠡᠷ ᠣᠷᠣᠨ ᠠᠴᠠ ᠨᠢ ᠴᠤ ᠠᠩᠬᠢᠯᠤᠨ ᠠᠮᠲᠠᠭᠳᠠᠵᠤ᠂ | ᠦᠨᠦᠷᠲᠦᠭᠳᠡᠵᠦ ᠪᠠᠶᠢᠳᠠᠭ ᠨᠢ ᠪᠦᠷ ᠬᠠᠷᠠ ᠪᠠᠭᠠ ᠠᠴᠠ ᠰᠡᠳᠬᠢᠯ ᠳᠤ ᠰᠢᠩᠭᠡᠴᠢᠬᠡᠭᠰᠡᠨ ᠤ ᠬᠢ ᠶᠤᠮ ᠦᠦ︕ | ᠥᠨᠥ ᠬᠡᠳᠦ᠋ᠢᠪᠡᠷ ᠡᠵᠢ ᠬᠡᠪᠲᠡᠷᠢ ᠳᠤ ᠣᠷᠣᠭᠰᠠᠨ ᠴᠤ ᠣᠷᠣ ᠳᠡᠷᠡ ᠲᠦᠰᠢᠨ ᠰᠠᠭᠤᠭᠠᠳ ᠬᠠᠭᠤᠷᠤᠭᠰᠠᠨ ᠠᠮᠤ ᠬᠤᠷᠤᠳ ᠰᠢᠷᠠ ᠲᠣᠰᠣ ᠪᠤᠷᠠᠮ | ᠲᠡᠷᠢᠭᠦᠲᠡᠨ ᠢᠶᠠᠨ ᠵᠢᠵᠢᠭᠬᠡᠨ ᠴᠠᠢ ᠶᠢᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠪᠠᠨ ᠲᠠᠩᠰᠤᠭ ᠦᠷᠦᠴᠢᠭᠡᠭᠡᠳ ᠨᠠᠳᠠ ᠳᠤ ᠬᠠᠨᠢᠰᠤᠨ ᠤᠳᠠᠭᠠᠨ ᠴᠠᠶᠢᠯᠠᠵᠤ ᠰᠠᠭᠤᠯᠠ᠃ ᠲᠡᠷᠡ ᠬᠦ | ᠡᠨᠡᠷᠢᠩᠭᠦᠢ ᠬᠠᠷᠠᠴᠠᠨ ᠠᠴᠠ ᠨᠢ ᠭᠦᠷᠲᠡᠯᠡ ︽ᠬᠡᠦᠬᠡᠳ ᠮᠢᠨᠢ︕︾ ᠬᠡᠮᠡᠬᠦ ᠬᠠᠶᠢᠷᠠ ᠶᠢᠨ ᠠᠮᠲᠠ᠂ ᠡᠨᠡᠷᠢᠭᠰᠡᠨ ᠰᠡᠳᠬᠢᠯ ᠲᠣᠳᠣᠷᠠᠭᠠᠳ ᠯᠡ ᠁ ᠰᠡᠳᠬᠢᠯ | ᠠᠶᠠᠭᠦ᠋ᠢᠷᠡᠭᠡᠳ᠂ ᠪᠦᠷ ᠴᠤ ᠶᠡᠭᠡ ᠰᠢᠮᠰᠢᠷᠡᠭᠰᠡᠨ ᠢ ᠬᠡᠯᠡᠬᠦ ᠦᠦ︕ ᠮᠠᠨ ᠠᠴᠠ ᠠᠯᠭᠤᠷ ᠠᠭᠠᠵᠢᠮ ᠢᠶᠠᠷ ᠬᠤᠯᠠᠳᠠᠵᠤ ᠪᠤᠢ ᠠᠮᠢ ᠨᠠᠰᠤ ᠨᠢ ᠡᠵᠢ ᠶᠢᠨ ᠦᠨᠦᠷ | ᠰᠢᠩᠭᠡᠭᠰᠡᠨ ᠴᠠᠢ ᠪᠠᠷ ᠤᠮᠳᠠᠯᠠᠵᠤ ᠶᠠᠪᠤᠭᠰᠠᠨ ᠪᠠᠭᠠ ᠨᠠᠰᠤ ᠲᠠᠢ ᠮᠢᠨᠢ ᠶᠠᠭᠤᠲᠠᠢ ᠢᠵᠢᠯ ᠠᠵᠢ᠃ ᠶᠠᠭ ᠯᠡ ᠭᠡᠷ ᠤᠨ ᠮᠢᠨᠢ ᠬᠠᠵᠠᠭᠤ ᠪᠠᠷ ᠤᠬᠲᠤ ᠠᠮᠠᠷᠠᠯ ᠦᠭᠡᠢ | ᠤᠷᠤᠰᠤᠭᠠᠳ ᠤᠷᠤᠰᠤᠭᠠᠳ ᠬᠤᠯᠠᠳᠠᠳᠠᠭ ᠬᠠᠬᠢᠷ ᠤᠨ ᠭᠤᠣᠯ ᠤᠨ ᠤᠰᠤ ᠰᠢᠤᠬᠠᠨ ᠰᠠᠨᠠᠭᠳᠠᠬᠤ ᠶᠤᠮ᠃ | ᠪᠣᠷᠣᠭᠠᠨ ᠣᠷᠣᠬᠤ ᠭᠡᠵᠦ ᠪᠠᠶᠢᠭᠠ ᠶᠤᠮ ᠪᠣᠯᠪᠠᠤ︖ ᠭᠡᠷ ᠤᠨ ᠡᠮᠦᠨᠡᠬᠢ ᠰᠠᠭᠯᠠᠭᠠᠷ ᠤᠳᠠᠨ ᠳᠤ ᠰᠦᠷᠦᠭ ᠪᠣᠯᠵᠣᠮᠣᠷ ᠪᠣᠰᠣᠨ ᠰᠠᠭᠤᠨ ᠨᠢᠭᠡ ᠶᠡᠭᠡ | ᠱᠤᠯᠤᠭᠠᠨᠠᠯᠳᠤᠭᠠᠳ ᠯᠡ᠃ ᠡᠵᠢ ᠶᠢᠨ ᠮᠢᠨᠢ ᠬᠤᠶᠠᠩ ᠰᠢᠷᠠ ᠤᠰᠤ ᠲᠠᠢ ᠬᠥᠯ ᠨᠢ ᠱᠠᠷᠬᠢᠷᠠᠨ ᠡᠪᠡᠳᠴᠦ ᠪᠤᠢ ᠪᠤᠯᠤᠯᠲᠠᠢ᠂ ᠭᠦᠨ ᠭᠦᠨ ᠠᠲᠤᠷᠢᠶᠠ | ᠬᠤᠨᠢᠶᠠᠰᠤ ᠲᠠᠢ ᠮᠠᠩᠨᠠᠢ ᠳᠤᠨᠢ ᠪᠤᠷᠴᠠᠭ ᠤᠨ ᠬᠥᠯᠥᠰᠦ ᠲᠠᠭᠠᠪᠤᠷᠢᠯᠠᠬᠤ ᠶᠤᠮ᠃ ᠪᠢ ᠡᠵᠢ ᠶᠢᠨ ᠨᠥᠮᠥᠷᠴᠦ ᠪᠠᠶᠢᠭᠠ ᠨᠢᠮᠭᠡᠨ ᠭᠦᠨᠵᠢᠯᠡ ᠶᠢᠨ ᠳᠡᠭᠡᠷᠡ | ᠬᠠᠵᠠᠭᠤ ᠳᠤᠨᠢ ᠪᠠᠶᠢᠭᠰᠠᠨ ᠨᠣᠣᠰᠣᠨ ᠭᠦᠷᠮᠡ ᠶᠢ ᠨᠢ ᠠᠪᠴᠤ ᠳᠠᠪᠬᠤᠴᠠᠨ ᠨᠦᠮᠦᠷᠢᠭᠦᠯᠵᠦ ᠥᠭᠭᠦᠭᠡᠳ ᠡᠵᠢ ᠶᠢᠨ ᠬᠥᠬᠡ ᠴᠠᠮᠴᠠ ᠶᠢ ᠡᠭᠡᠯᠳᠦᠷᠭᠡᠯᠡᠨ ᠭᠠᠳᠠᠨᠠ | ᠳᠣᠲᠣᠨᠠ ᠪᠠᠶᠢᠬᠤ ᠵᠦᠢᠯ ᠢ ᠪᠦᠷᠬᠦᠬᠦ ᠶᠢ ᠨᠢ ᠪᠦᠷᠬᠦᠵᠦ ᠭᠡᠷ ᠲᠤ ᠤᠷᠣᠭᠤᠯᠬᠤ ᠶᠢ ᠨᠢ ᠣᠷᠣᠭᠤᠯᠵᠤ ᠮᠤᠩᠭᠠᠨᠢᠪᠠ᠃ ᠡᠵᠢ ᠶᠢᠨ ᠲᠡᠷᠡ ᠴᠠᠮᠴᠠᠨ ᠠᠴᠠ ᠲᠡᠷᠡ ᠯᠡ | ᠨᠢᠭᠡ ᠲᠠᠨᠢᠯ ᠦᠨᠦᠷ ᠲᠠᠨᠢᠯ ᠠᠮᠲᠠ ᠬᠠᠮᠠᠷ ᠤᠷᠤᠭᠤ᠂ ᠰᠡᠳᠬᠢᠯ ᠤᠷᠤᠭᠤ ᠰᠡᠩᠭᠢ ᠲᠠᠲᠠᠨᠠ᠃ ᠠᠢ ᠳ᠋ᠠ᠂ ᠡᠨᠡ ᠯᠡ ᠦᠨᠦᠷ ᠡᠨᠡ ᠯᠡ ᠠᠮᠲᠠ ᠪᠢᠳᠠ ᠬᠤᠶᠠᠷ | ᠤᠳᠠᠯ ᠦᠭᠡᠢ ᠶᠢᠷᠲᠢᠨᠴᠦ ᠶᠢᠨ ᠵᠢᠮᠡ ᠪᠠᠷ ᠰᠠᠯᠤᠨᠠ ᠳ᠋ᠠ ᠭᠡᠬᠦ ᠠᠴᠠ ᠰᠡᠳᠬᠢᠯ ᠪᠠᠰᠠ ᠴᠦ ᠤᠶᠠᠷᠠᠪᠠ᠃ | ᠪᠢ ᠡᠳᠦᠷᠵᠢᠨ ᠡᠵᠢ ᠶᠢᠨ ᠢᠶᠠᠨ ᠲᠡᠷᠡ ᠴᠠᠮᠴᠠ ᠶᠢ ᠡᠭᠡᠯᠳᠦᠷᠭᠡᠯᠡᠭᠰᠡᠨ ᠬᠡᠪ ᠲᠡᠭᠡᠨ ᠭᠡᠷ ᠭᠠᠳᠠᠨᠠ ᠶᠠᠭᠠᠷᠠᠭᠠᠳ ᠯᠡ ᠪᠠᠶᠢᠯᠠ᠃ ᠡᠵᠢ ᠮᠢᠨᠢ ᠡᠷᠡᠭᠦᠯ ᠪᠠᠶᠢᠬᠤ ᠳᠤ | ᠳᠠᠩᠳᠠ ᠬᠢᠳᠡᠭ ᠲᠡᠳᠡᠭᠡᠷ ᠠᠵᠢᠯ ᠤᠳ ᠢ ᠪᠠᠶᠢᠷᠢ ᠪᠠᠶᠢᠷᠢ ᠳᠤᠨᠢ ᠣᠷᠣᠭᠤᠯᠵᠤ ᠲᠠᠯᠪᠢᠬᠤ ᠪᠠᠷ ᠡᠵᠢ ᠮᠢᠨᠢ ᠪᠠᠶᠠᠷᠯᠠᠬᠤ ᠪᠠᠶᠢᠬᠠ ᠭᠡᠵᠦ ᠰᠠᠨᠠᠯᠠ᠃ ᠲᠡᠷᠡ ᠦᠨᠦᠷ ᠢ | ᠲᠡᠷᠡ ᠠᠮᠲᠠ ᠶᠢ ᠨᠢ ᠪᠡᠶᠡ ᠳᠡᠭᠡᠨ ᠰᠢᠩᠭᠡᠭᠡᠳ ᠠᠪᠤᠶᠠ ᠭᠡᠵᠦ ᠰᠠᠨᠠᠭᠰᠠᠨ ᠶᠤᠮ᠃ ᠬᠡᠵᠢᠶᠡ ᠨᠢᠭᠡ ᠡᠳᠦᠷ ᠡᠵᠢ ᠮᠢᠨᠢ ᠳᠡᠷᠭᠡᠳᠡ ᠠᠴᠠ ᠨᠢᠰᠤᠨ ᠤᠳᠬᠤ ᠪᠠᠷ ᠲᠡᠷᠡ | ᠨᠠᠨᠳᠢᠨ ᠦᠨᠦᠷ ᠠᠮᠲᠠ ᠶᠢ ᠴᠤ ᠭᠡᠰᠡᠨ ᠦᠨᠦᠰᠦᠭᠡᠳ ᠦᠭᠡᠶᠢᠯᠡᠨ ᠰᠠᠭᠤᠬᠤ ᠰᠠᠨ ᠬᠡᠮᠡᠨ ᠪᠤᠳᠤᠨᠠ᠃ ᠬᠠᠷᠠ ᠪᠣᠷᠣ ᠠᠵᠢᠯ ᠳᠤ ᠪᠣᠷᠪᠢ ᠪᠣᠬᠢᠰᠬᠢᠯ ᠦᠭᠡᠢ | ᠡᠳᠦᠷ ᠤᠳ ᠢ ᠨᠢ ᠪᠤᠲᠣᠵᠤ ᠰᠠᠨᠠᠵᠤ ᠶᠠᠪᠤᠬᠤ ᠰᠠᠨ ᠬᠡᠮᠡᠨ ᠪᠤᠳᠣᠨᠠ᠃ ᠬᠥᠮᠥᠨ ᠦᠷᠡ ᠬᠡᠦᠬᠡᠳ ᠤᠨ ᠢᠶᠠᠨ ᠰᠡᠳᠬᠢᠯ ᠳᠤ ᠨᠢᠭᠡ ᠶᠠᠭᠤᠮᠠ ᠬᠤᠨᠣᠭᠰᠢᠭᠤᠯᠤᠨ | ᠦᠯᠡᠳᠡᠭᠡᠨᠡ ᠭᠡᠳᠡᠭ ᠶᠠᠮᠠᠷ ᠰᠠᠶᠢᠬᠠᠨ ᠠ᠋᠃ ᠪᠢ ᠴᠤ ᠥᠲᠡᠯᠦᠭᠡᠳ ᠢᠷᠡᠬᠦ ᠪᠠᠷ ︽ᠡᠪᠦᠭᠡ ᠴᠢᠨᠢ ᠡᠮᠡᠭᠡ ᠴᠢᠨᠢ ᠁︾ ᠬᠡᠮᠡᠨ ᠦᠭᠡᠨ ᠤ ᠤᠭᠤᠲᠠ ᠪᠠᠨ | ᠳᠡᠯᠭᠡᠨᠡ᠃ ᠬᠡᠦᠬᠡᠳ ᠤᠳ ᠮᠢᠨᠢ ᠬᠤᠵᠢᠮ ᠤᠨ ᠬᠤᠵᠢᠮ ᠪᠠᠰᠠ ᠨᠠᠳᠠ ᠰᠢᠤᠬᠠᠨ ︽ᠡᠪᠦᠭᠡ ᠴᠢᠨᠢ ᠡᠮᠡᠭᠡ ᠴᠢᠨᠢ︾ ᠭᠡᠬᠦ ᠪᠣᠯᠣᠨᠠ᠃ ᠬᠥᠮᠥᠨ ᠤ ᠤᠳᠤᠮ | ᠤᠭᠰᠠᠭᠠ ᠭᠡᠵᠦ ᠡᠶᠢᠮᠦ ᠯᠡ᠂ ᠬᠤᠶᠢᠨᠠ ᠬᠤᠶᠢᠨᠠ ᠠᠴᠠ ᠪᠠᠨ ᠦᠷᠭᠦᠯᠵᠢᠯᠡᠭᠡᠳ ᠁ | ᠪᠢ ᠡᠵᠢ ᠳᠡᠭᠡᠨ ᠤᠰᠤ ᠴᠠᠢ ᠳᠥᠬᠦᠭᠦᠯᠵᠦ ᠥᠭᠬᠦ ᠪᠠᠷ ᠤᠳᠠᠬᠤ ᠦᠭᠡᠢ ᠤᠳᠠᠬᠤ ᠦᠭᠡᠢ ᠭᠡᠷ ᠲᠤ ᠣᠷᠣᠨᠠ᠃ ᠡᠵᠢ᠄ ︽ᠬᠦᠦ ᠮᠢᠨᠢ ᠵᠦᠭᠡᠷ ᠯᠡ ᠳᠡᠷᠭᠡᠳᠡ | ᠮᠢᠨᠢ ᠰᠠᠭᠤ᠃ ᠬᠥᠮᠥᠨ ᠨᠢᠭᠡ ᠨᠠᠰᠤ ᠪᠠᠷ ᠢᠶᠠᠨ ᠠᠵᠢᠯ ᠢ ᠬᠢᠭᠡᠳ ᠪᠠᠷᠠᠳᠠᠭ ᠦᠭᠡᠢ᠃ ᠠᠵᠢᠯ ᠴᠤ ᠪᠠᠷᠠᠭᠳᠠᠰᠢ ᠦᠭᠡᠢ᠃ ᠨᠢᠭᠡ ᠢᠷᠡᠭᠰᠡᠨ ᠢᠶᠠᠨ ᠠᠮᠠᠷᠠᠯ ᠳ᠋ᠠ ᠁ | ︾ ᠭᠡᠳ ᠯᠡ ᠰᠤᠯᠠᠬᠠᠨ ᠳᠤᠤᠭᠠᠷᠪᠠ᠃ ᠲᠡᠶᠢᠮᠤ ᠠ᠋ ᠠᠵᠢᠯ ᠭᠡᠳᠡᠭ ᠢ ᠬᠢᠭᠡᠳ ᠪᠠᠷᠠᠳᠠᠭ ᠦᠭᠡᠢ᠂ ᠪᠠᠰᠠ ᠪᠠᠷᠠᠭᠳᠠᠰᠢ ᠦᠭᠡᠢ ᠪᠠᠶᠢᠳᠠᠭ ᠶᠤᠮ ᠰᠠᠨ᠃ ᠪᠢᠳᠠ ᠭᠡᠷ | ᠪᠦᠯᠢ ᠪᠠᠷ ᠢᠶᠠᠨ ᠵᠢᠯ ᠤᠨ ᠵᠢᠯ ᠠᠪᠤ ᠡᠵᠢ ᠲᠠᠢ ᠪᠠᠨ ᠰᠢᠨᠡᠯᠡᠬᠦ ᠪᠠᠷ ᠪᠢᠲᠡᠭᠦᠨ ᠳᠤ ᠢᠷᠡᠨᠡ᠃ ᠢᠷᠡᠬᠦ ᠪᠣᠯᠭᠠᠨ ᠠᠪᠤ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠰᠢᠨᠡ ᠶᠢᠨ ᠨᠢᠭᠡᠨ ᠤ | ᠥᠷᠯᠥᠭᠡ ᠣᠲᠣᠷ ᠲᠤ ᠣᠴᠢᠵᠤ ᠬᠥᠯᠳᠡᠭᠦᠰᠦ ᠠᠪᠴᠤ᠂ ᠮᠠᠯ ᠢᠶᠠᠨ ᠡᠪᠡᠰᠦᠯᠡᠵᠦ ᠤᠰᠤᠯᠠᠳᠠᠭ᠃ ᠲᠡᠭᠡᠭᠡᠳ ᠪᠠᠭᠠ ᠦᠳᠡ ᠶᠢᠨ ᠠᠰ ᠢᠶᠠᠷ ᠣᠲᠣᠷ ᠤᠨ ᠭᠡᠷ ᠲᠡᠭᠡᠨ | ᠭᠠᠯ ᠬᠦᠰ ᠲᠦᠯᠡᠨ ᠤᠲᠤᠭᠠ ᠤᠨᠢᠶᠠᠷ ᠭᠠᠷᠭᠠᠨ ᠴᠠᠶᠢᠯᠠᠵᠤ ᠠᠪᠤᠭᠠᠳ ᠪᠤᠴᠠᠳᠠᠭ᠃ ᠬᠠᠷᠠ ᠪᠠᠭᠠ ᠠᠴᠠ ᠪᠠᠨ ᠮᠠᠯ ᠤᠨᠤᠭᠠ ᠭᠡᠳ ᠶᠠᠳᠠᠷᠠᠵᠤ ᠶᠠᠪᠤᠭᠠ | ᠳᠡᠭᠦᠦ ᠪᠠᠨ ᠰᠢᠨᠡ ᠶᠢᠨ ᠨᠢᠭᠡᠨ ᠤ ᠡᠳᠦᠷ ᠠᠮᠠᠷᠠᠭᠤᠯᠵᠤ ᠪᠤᠢ ᠨᠢ ᠲᠡᠷᠡ᠃ ᠭᠡᠲᠡᠯᠡ ᠬᠡᠵᠢᠶᠡᠳᠡ ᠠᠮᠠᠷᠠᠳᠠᠭ ᠦᠭᠡᠢ ᠨᠢ ᠠᠪᠤ ᠰᠢᠦ᠃ ᠨᠢᠭᠡ ᠨᠠᠰᠤ ᠪᠠᠷ ᠢᠶᠠᠨ ᠮᠠᠯ | ᠬᠤᠨᠢ ᠭᠡᠰᠡᠨ ᠠᠪᠤ ᠮᠢᠨᠢ ᠡᠵᠢ ᠰᠢᠭ ᠬᠡᠪᠲᠡᠷᠢ ᠳᠤ ᠪᠠᠶᠢᠬᠤ ᠳᠠᠭᠠᠨ ᠪᠠᠰᠠ ᠮᠠᠨᠤᠰ ᠢᠶᠠᠷ ᠲᠦᠰᠢᠭᠦᠯᠵᠦ ᠮᠠᠯ ᠠᠬᠤᠢ᠂ ᠬᠠᠰᠢᠶᠠ ᠰᠠᠷᠠᠪᠴᠢ ᠪᠠᠨ ᠠᠩᠬᠠᠷᠴᠤ᠂ | ᠬᠥᠮᠥᠨ ᠤ ᠠᠮᠢᠳᠤᠷᠠᠯ ᠤᠨ ᠠᠮᠢᠨ ᠬᠡᠰᠢᠭ ᠪᠣᠯᠤᠭᠰᠠᠨ ᠮᠠᠯ ᠠᠬᠤᠢ ᠪᠠᠨ᠂ ᠥᠪᠡᠷ ᠤᠨ ᠬᠢᠵᠦ ᠪᠦᠲᠦᠭᠡᠭᠰᠡᠨ ᠠᠮᠢᠳᠤᠷᠠᠯ ᠢᠶᠠᠨ ᠰᠡᠳᠬᠢᠯ ᠳᠡᠭᠡᠨ ᠰᠢᠩᠭᠡᠭᠡᠵᠦ | ᠪᠠᠶᠢᠭᠰᠠᠨ᠃ ᠠᠪᠤ ᠯᠡ ᠡᠵᠢ ᠶᠢᠨ ᠪᠦᠬᠦᠢ ᠵᠦᠢᠯ ᠥᠩᠭᠡ ᠳᠦᠷᠢ᠂ ᠦᠭᠡ ᠵᠣᠭᠤᠭ᠂ ᠤᠬᠠᠭᠠᠨ ᠰᠠᠨᠠᠭᠠᠨ ᠳᠤ ᠬᠠᠳᠠᠩᠰᠢᠨ ᠥᠨᠢ ᠳᠤᠷᠠᠰᠤᠯ ᠪᠣᠯᠣᠨ ᠦᠯᠡᠳᠡᠳᠡᠭ᠃ | ᠠᠢ ᠬᠥᠭᠡᠷᠦᠬᠦᠢ᠂ ᠬᠥᠮᠥᠨ ᠬᠡᠦᠬᠡᠳ ᠤᠨ ᠢᠶᠠᠨ ᠰᠡᠳᠬᠢᠯ ᠳᠤ ᠢᠩᠭᠢᠵᠦ ᠯᠡ ᠮᠥᠩᠬᠡᠷᠡᠳᠡᠭ ᠪᠠᠶᠢᠵᠤ ᠳ᠋ᠠ︕ | ᠡᠵᠢ ᠨᠠᠮᠠᠶᠢ ᠵᠠᠬᠢᠵᠤ ᠬᠠᠨᠠ ᠳᠠᠭᠠᠭᠤᠯᠤᠭᠰᠠᠨ ᠠᠪᠳᠠᠷᠠ ᠠᠴᠠ ᠪᠠᠨ ᠪᠣᠭᠤᠳᠠᠯ ᠪᠠᠭᠯᠠᠭᠠ ᠭᠠᠷᠭᠠᠯᠭᠠᠪᠠ᠃ ᠪᠣᠭᠤᠳᠠᠯ ᠳᠤᠨᠢ ᠨᠠᠭᠠᠴᠤ ᠡᠮᠡᠭᠡ ᠶᠢᠨ ᠵᠢᠷᠠᠨ ᠨᠢᠭᠡᠨ | ᠨᠠᠰᠤᠨ ᠤ ᠵᠢᠯ ᠤᠨ ᠪᠠᠶᠠᠷ ᠢᠶᠠᠷ ᠡᠮᠦᠰᠦᠭᠰᠡᠨ ᠴᠠᠶᠢᠪᠤᠷ ᠴᠡᠩᠬᠡᠷ ᠪᠥᠰ ᠳᠣᠲᠣᠷ ᠲᠠᠢ ᠪᠣᠷᠣ ᠲᠣᠷᠭᠠᠨ ᠲᠡᠷᠯᠢᠭ ᠪᠠᠶᠢᠯᠠ᠃ ᠡᠵᠢ ᠮᠢᠨᠢ ᠡᠵᠢ ᠳᠡᠭᠡᠨ ᠭᠡᠵᠦ | ᠭᠠᠷ ᠤᠨ ᠢᠶᠠᠨ ᠤᠷᠠ ᠶᠢ ᠭᠠᠷᠭᠠᠨ ᠱᠠᠭᠯᠠᠭᠰᠠᠨ ᠲᠡᠷᠡ ᠲᠡᠷᠯᠢᠭ ᠢᠶᠠᠨ ᠠᠪᠴᠤ᠄ ︽ᠴᠢᠨᠦ ᠨᠠᠭᠠᠴᠤ ᠡᠮᠡᠭᠡ ᠶᠢᠨ ᠴᠢᠨᠢ᠃ ᠨᠠᠭᠠᠴᠤ ᠡᠮᠡᠭᠡ ᠶᠢᠨ ᠴᠢᠨᠢ ᠪᠡᠶᠡ ᠴᠢᠨᠦ | ᠡᠬᠡᠨᠡᠷ ᠤᠨ ᠪᠡᠶᠡ ᠬᠠᠳᠠ ᠲᠠᠢ ᠪᠠᠷᠤᠭ ᠣᠴᠢᠨᠠ᠃ ᠡᠬᠡᠨᠡᠷ ᠲᠡᠭᠡᠨ ᠠᠪᠠᠴᠢᠵᠤ ᠥᠭᠭᠦᠭᠡᠷᠡᠢ᠃ ᠶᠠᠭᠤᠮᠠ ᠬᠡᠦᠮᠡ ᠳᠤ ᠭᠠᠮᠲᠠᠢ᠂ ᠪᠠᠰᠠ ᠶᠠᠭᠤᠮᠠ ᠶᠢ ᠶᠠᠭᠤᠮᠠ | ᠪᠤᠯᠭᠠᠵᠤ ᠴᠢᠳᠠᠳᠠᠭ ᠬᠡᠦᠬᠡᠳ ᠶᠤᠮ︾ ᠭᠡᠳ ᠳᠡᠭᠡᠷᠡ ᠳᠣᠣᠷᠠ ᠳᠠᠪᠬᠤᠴᠠᠬᠤ ᠠᠮᠢᠰᠬᠤᠭᠠ ᠪᠠᠨ ᠲᠡᠩᠴᠡᠭᠦᠯᠵᠦ ᠠᠭᠠᠵᠢᠮ ᠶᠠᠷᠢᠨᠠ᠃ ᠪᠢ ᠬᠡᠴᠢᠨᠡᠨ ᠵᠢᠯ | ᠳᠠᠷᠤᠭᠳᠠᠨ ᠬᠠᠳᠠᠭᠠᠯᠠᠭᠳᠠᠭᠰᠠᠨ ᠡᠨᠡ ᠲᠡᠷᠯᠢᠭ ᠢ ᠲᠣᠰᠣᠨ ᠠᠪᠴᠤ ᠦᠨᠦᠷᠯᠡᠵᠦ ᠲᠡᠪᠡᠷᠢᠵᠦ ᠥᠬᠢᠨ ᠪᠦᠰᠡᠭᠦᠢ ᠮᠡᠲᠦ ᠦᠭᠡ ᠦᠭᠡᠢ ᠨᠡᠯᠢᠶᠡᠳ ᠰᠠᠭᠤᠪᠠ᠃ ᠠᠢ | ᠳ᠋ᠠ᠂ ︽ᠡᠳ᠋ ᠮᠥᠩᠬᠡ ᠡᠵᠡᠨ ᠨᠢ ᠬᠡᠪᠡᠷᠡᠭ︾ ᠭᠡᠳᠡᠭ ᠢ ᠡᠨᠡ ᠯᠡ ᠲᠡᠷᠯᠢᠭ ᠬᠠᠷᠠᠭᠤᠯᠤᠭᠠᠳ ᠪᠠᠶᠢᠨᠠ ᠭᠡᠭᠡᠴᠢ︕ ᠪᠢ ᠡᠵᠢ ᠪᠠᠨ ᠪᠠᠶᠠᠰᠬᠠᠬᠤ ᠭᠡᠵᠦ ᠲᠡᠷᠯᠢᠭ ᠢ | ᠪᠡᠶᠡ ᠳᠡᠭᠡᠨ ᠲᠠᠭᠠᠷᠠᠭᠤᠯᠤᠨ ᠬᠡᠦᠬᠡᠳ ᠭᠡᠮᠡᠷ ᠠᠯᠢᠶᠠᠯᠠᠨ ᠡᠷᠭᠢᠯᠳᠦᠪᠡ᠃ ᠲᠡᠭᠡᠵᠦ ᠬᠡᠳᠦᠨᠲᠡ ᠡᠷᠭᠢᠯᠳᠦᠬᠦ ᠪᠠᠷ ᠰᠡᠪᠡᠯᠵᠡᠭᠰᠡᠨ ᠵᠢᠪᠠᠷ ᠠᠴᠠ ᠨᠢ ᠮᠥᠨ ᠯᠡ ᠴᠠᠢ ᠶᠢᠨ | ᠠᠮᠲᠠ᠂ ᠴᠠᠢ ᠶᠢᠨ ᠦᠨᠦᠷ ᠰᠦ ᠰᠠᠭᠠᠯᠢ ᠠᠷᠭᠠᠯ ᠬᠤᠷᠭᠤᠯ ᠤᠨ ᠦᠨᠦᠷ ᠬᠠᠩᠬᠤᠯᠤᠭᠠᠳ᠃ | ᠮᠢᠨᠤ ᠨᠢᠳᠦᠨ ᠳᠤ ᠨᠢᠯᠪᠤᠰᠤ ᠵᠠᠶᠢᠷᠯᠠᠭᠠᠳ ᠁ ᠪᠢ ᠲᠦᠷᠭᠡᠬᠡᠨ ᠭᠠᠳᠠᠨᠠ ᠭᠠᠷᠤᠯᠠ᠃ ᠵᠣᠨ ᠤ ᠰᠡᠭᠦᠯ ᠰᠠᠷᠠ ᠶᠢᠨ ᠲᠡᠭᠷᠢ ᠪᠠᠰᠠ ᠪᠣᠷᠣᠭᠠᠯᠠᠵᠤ ᠪᠠᠶᠢᠨᠠ | ᠪᠢᠯᠡ᠃ | ᠦᠭᠰᠦᠲᠦ ᠶᠢᠨ ᠥᠨᠳᠥᠷ ᠣᠷᠣᠢ ᠪᠠᠨ ᠡᠯᠡᠭᠳᠡᠨᠡ ᠬᠡᠮᠡᠨ ᠪᠤᠲᠤᠭᠠ ᠦᠭᠡᠢ | ᠥᠯ ᠪᠤᠭᠤᠷᠤᠯ ᠡᠵᠢ ᠪᠠᠨ ᠥᠲᠡᠯᠦᠨᠡ ᠬᠡᠮᠡᠨ ᠪᠤᠳᠤᠭᠠ ᠦᠭᠡᠢ ᠁ |