| ᠡᠷᠲᠡ ᠤᠷᠢᠳᠤ ᠶᠢᠨ ᠬᠠᠭᠤᠴᠢ ᠦᠯᠢᠭᠡᠷ ᠰᠢᠭ | ᠡᠮᠡᠭᠡ ᠠᠭᠤᠯᠠ ᠬᠤᠶᠠᠷ ᠮᠢᠨᠢ ᠬᠥᠲᠥᠯᠥᠭᠰᠡᠨ | ᠣᠨ ᠵᠢᠯ ᠤᠨ ᠪᠤᠭᠤᠷᠤᠯ ᠵᠠᠮ ᠢ ᠡᠪᠬᠡᠬᠦ ᠳᠤ | ᠣᠪᠣᠭᠠᠲᠤ ᠶᠢᠨ ᠬᠥᠨᠳᠡᠢ ᠮᠢᠨᠢ ᠲᠤᠰᠤᠨᠠ | ᠠᠭᠤᠯᠠ ᠴᠡᠴᠡᠭ ᠬᠤᠶᠠᠷ ᠤᠨ ᠢᠶᠠᠨ ᠳᠤᠮᠳᠠ ᠭᠦᠶᠦᠨᠡᠮ | ᠲᠣᠷᠦ᠋ᠢᠭ᠌ᠰᠠᠭᠠᠷ ᠬᠤᠴᠣᠷᠤᠭᠰᠠᠨ ᠡᠵᠢ ᠶᠢᠨ ᠮᠢᠨᠢ | ᠲᠣᠷᠮᠦ᠋ᠢᠵᠤ ᠰᠠᠭᠤᠭᠠ ᠲᠡᠭᠷᠢ ᠶᠢᠨ ᠦᠷ | ᠲᠤᠷᠳᠤᠩ ᠤᠨ ᠥᠩᠭᠡ ᠪᠠᠷ ᠡᠬᠢᠯᠡᠬᠦ ᠳᠤ | ᠲᠤᠤᠯᠢᠮᠠ ᠬᠤᠷᠸᠠ ᠬᠠᠳᠠᠭ ᠤᠨ ᠴᠡᠩᠬᠡᠷ ᠨᠠᠮᠢᠷᠠᠨᠠ | ᠳᠡᠩᠳᠡᠭᠦᠦ ᠶᠡᠭᠡ ᠠᠴᠢ ᠶᠢ ᠨᠢ ᠰᠠᠨᠠᠬᠤ ᠳᠤ | ᠳᠡᠯᠡᠬᠡᠢ ᠳᠦᠭᠦᠷᠡᠩ ᠬᠠᠶᠢᠷᠠ ᠡᠨᠡᠷᠢᠯ ᠦᠷᠭᠦᠯᠵᠢᠯᠡᠨᠡᠮ | ᠳᠤᠲᠠᠭᠤ ᠲᠠᠢ ᠬᠤᠷᠸᠠ ᠶᠢᠨ ᠬᠠᠲᠠᠭᠤ ᠶᠢ ᠲᠠᠨᠢᠭᠤᠯᠵᠤ | ᠳᠠᠭᠤᠤ ᠳᠤ ᠯᠡ ᠦᠯᠡᠳᠡᠭᠰᠡᠨ ᠠᠪᠤ ᠪᠠᠨ ᠮᠥᠷᠥᠭᠡᠳᠬᠦᠢ | ᠳᠠᠭᠤᠲᠤ ᠶᠢᠨ ᠪᠣᠷᠣ ᠲᠠᠯᠠ ᠵᠡᠭᠦᠳᠦᠨ ᠳᠤ ᠳᠡᠯᠭᠡᠭᠳᠡᠭᠡᠳ | ᠲᠤᠰᠤᠭᠠᠳ ᠤᠭᠲᠤᠳᠠᠭ ᠬᠥᠲᠥᠯ ᠵᠡᠭᠦᠳᠦᠨ ᠳᠤ ᠲᠣᠷᠦ᠋ᠢᠭᠠᠳ | ᠲᠤᠮᠤᠭ ᠤᠨ ᠪᠠᠭᠠᠲᠤᠷ ᠰᠢᠭ᠋ ᠡᠷᠡ ᠮᠣᠷᠢᠲᠠᠢ ᠢᠷᠡᠨ ᠪᠠᠭᠤᠵᠤ | ᠲᠣᠰᠣ ᠲᠠᠢ ᠴᠠᠢ ᠤᠤᠭᠤᠵᠤ ᠬᠥᠯᠥᠷᠡᠨ ᠰᠠᠭᠤᠨᠠᠮ | ᠳᠤᠷᠠᠳᠬᠠᠯ ᠪᠢᠳᠡ ᠬᠤᠶᠠᠷ ᠪᠡᠶᠡ ᠪᠡᠶᠡ ᠳᠡᠭᠡᠨ ᠡᠷᠬᠡᠯᠡᠨᠡᠮ | ᠡᠪᠡᠰᠦᠨ ᠤ ᠲᠣᠯᠣᠭᠠᠢ ᠪᠥᠬᠦᠯᠵᠡᠬᠦ ᠬᠢᠷᠠᠭᠤᠲᠤ ᠥᠷᠯᠥᠭᠡ | ᠡᠭᠦᠯᠡ ᠳᠠᠯᠳᠠᠯᠠᠭᠰᠠᠨ ᠪᠤᠭᠤᠷᠤᠯ ᠤᠳ ᠢᠶᠠᠨ ᠳᠤᠷᠠᠰᠬᠤᠢ | ᠡᠭᠡᠯ ᠦᠭᠡᠢ ᠤᠬᠠᠭᠠᠨᠲᠤ ᠭᠡᠭᠡᠷᠡᠭᠦᠢ ᠶᠢᠨ ᠰᠤᠷᠭᠠᠯ ᠨᠢ | ᠡᠰ ᠪᠦᠭᠦᠨ ᠢ ᠮᠢᠨᠢ ᠢᠪᠡᠭᠡᠨ ᠳᠠᠭᠤᠳᠠᠨᠠᠮ | ᠠᠭᠤᠯᠠᠰ ᠤᠨ ᠢᠶᠠᠨ ᠴᠢᠯᠠᠭᠤ ᠶᠢ ᠥᠭᠡᠳᠡ ᠨᠢ ᠲᠡᠭᠰᠢᠯᠡᠬᠦ | ᠤᠬᠠᠭᠠᠨ ᠤ ᠲᠡᠮ ᠳᠤ ᠦᠷᠡᠰ ᠨᠢ ᠥᠰᠦᠨᠡᠮ | ᠡᠷᠬᠢᠮᠰᠦᠭ ᠭᠤᠸᠠ ᠣᠷᠣᠰᠢᠬᠤᠢ ᠳᠤ ᠭᠠᠵᠠᠷ ᠤᠨ ᠠᠮᠢᠰᠬᠤᠭᠠ ᠲᠡᠨᠢᠢᠨ | ᠡᠩᠭᠡᠷ ᠤᠨ ᠭᠤᠷᠪᠠᠨ ᠨᠠᠭᠤᠷ ᠢᠷᠭᠤᠢ ᠵᠠᠬᠠᠯᠠᠨ ᠤᠷᠢᠬᠠᠨ ᠬᠠᠪᠤᠷ ᠢᠷᠡᠵᠦ | ᠡᠬᠢᠯᠡᠯ ᠲᠡᠭᠦᠰᠬᠡᠯ ᠢ ᠶᠢᠷᠲᠢᠨᠴᠦ ᠶᠢᠨ ᠴᠢᠨᠠᠳᠤ ᠳᠤ ᠠᠶᠠᠯᠭᠤ ᠲᠦᠷᠢᠨ | ᠢᠷᠦᠭᠡᠯ ᠤᠨ ᠰᠠᠴᠤᠯᠢ ᠲᠠᠢ ᠲᠡᠭᠷᠢ ᠳᠤ ᠨᠠᠮᠤᠷ ᠤᠨ ᠰᠢᠪᠠᠭᠤᠳ ᠪᠤᠴᠠᠭᠰᠠᠭᠠᠷ | ᠶᠢᠰᠦᠨ ᠬᠦᠰᠡᠯ ᠤᠨ ᠡᠬᠡ ᠣᠷᠣᠨ ᠮᠢᠨᠢ ᠦᠷᠡ ᠪᠠᠨ ᠪᠠᠷᠠᠯᠠᠨᠠᠮ | ᠡᠩᠭᠡᠰᠬᠡᠲᠦ ᠬᠠᠴᠠᠷ ᠢᠶᠠᠨ ᠥᠭᠴᠦ ᠦᠨᠦᠰᠦᠭᠦᠯᠬᠦ | ᠡᠯᠢᠭᠡᠨ ᠬᠦᠷᠡᠩ ᠠᠭᠤᠯᠠᠰ ᠮᠢᠨᠢ ᠲᠡᠪᠡᠷᠢᠨᠡᠮ᠃ |