| ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠲᠡᠮᠡᠭᠡ ᠲᠡᠵᠢᠭᠡᠬᠦ ᠵᠠᠩ ᠦᠢᠯᠡ ᠪᠣᠯ ᠤᠯᠤᠰ ᠤᠨ ᠲᠡᠰ ᠤᠨ ᠪᠣᠳᠠᠰ ᠤᠨ ᠪᠤᠰᠤ ᠰᠣᠶᠣᠯ ᠤᠨ ᠥᠪ ᠪᠣᠯᠣᠨᠠ᠃ ᠠᠯᠠᠱᠠ ᠨᠤᠲᠤᠭ | ᠪᠣᠯ ᠲᠡᠮᠡᠭᠡ ᠶᠢ ᠨᠡᠯᠢᠶᠡᠳ ᠲᠥᠪᠯᠡᠷᠡᠭᠦᠯᠦᠨ ᠲᠡᠵᠢᠭᠡᠵᠦ ᠪᠠᠶᠢᠭᠠ ᠭᠠᠵᠠᠷ ᠣᠷᠣᠨ ᠪᠠᠶᠢᠵᠤ᠂ 5000 ᠭᠠᠷᠤᠢ ᠵᠢᠯ ᠤᠨ ᠲᠡᠮᠡᠭᠡ ᠭᠠᠷᠰᠢᠭᠤᠯᠤᠭᠰᠠᠨ ᠲᠡᠦᠬᠡ ᠲᠠᠢ᠃ | ᠤᠷᠳᠤ ᠤᠳᠠᠭᠠᠨ ᠲᠡᠦᠬᠡ ᠶᠢᠨ ᠶᠠᠪᠤᠴᠠ ᠳᠤ᠂ ᠠᠯᠠᠱᠠᠴᠤᠳ ᠲᠡᠮᠡᠭᠡ ᠲᠠᠢ ᠪᠠᠨ ᠬᠠᠮᠲᠤ ᠠᠵᠤ ᠲᠦᠷᠦᠵᠤ᠂ ᠲᠡᠮᠡᠭᠡ ᠲᠠᠢ ᠪᠠᠨ ᠬᠠᠮᠲᠤ ᠨᠡᠭᠦᠳᠡᠯᠯᠡᠵᠦ᠂ ᠣᠷᠣᠰᠢᠨ | ᠠᠮᠢᠳᠤᠷᠠᠬᠤ ᠳᠣᠲᠣᠨᠣ ᠬᠠᠨᠢ ᠪᠣᠯᠵᠠᠢ᠃ ᠡᠭᠦᠨ ᠤ ᠲᠥᠷᠥᠳᠡᠰᠦ ᠪᠣᠯᠤᠭᠰᠠᠨ ᠲᠡᠮᠡᠭᠡᠨ ᠰᠣᠶᠣᠯ ᠤᠨ ᠠᠭᠤᠯᠬᠤᠨ ᠡᠴᠢᠨᠡ ᠭᠦᠨ ᠪᠠᠶᠢᠳᠠᠭ ᠤᠴᠢᠷᠲᠠᠢ᠃ | ᠵᠤᠨ ᠤ ᠰᠡᠭᠦᠯᠴᠢ ᠨᠠᠮᠤᠷ ᠤᠨ ᠡᠬᠢᠨ ᠤ ᠠᠯᠠᠱᠠ ᠨᠤᠲᠤᠭ ᠤᠨ ᠭᠤᠪᠢ ᠭᠡᠵᠦ ᠠᠭᠠᠭᠢᠮᠠ ᠬᠠᠯᠠᠭᠤᠨ ᠪᠠᠶᠢᠵᠤ᠂ ᠬᠤᠯᠠ ᠶᠢᠨ ᠪᠠᠷᠠ ᠭᠠᠵᠠᠷ ᠤᠨ ᠮᠠᠨᠠᠨ ᠳᠤ | ᠪᠥᠷᠲᠥᠯᠵᠡᠨ᠂ ᠬᠠᠳᠠ ᠴᠢᠯᠠᠭᠤᠨ ᠨᠠᠷᠠᠨ ᠤ ᠭᠡᠷᠡᠯ ᠢ ᠣᠶᠢᠯᠭᠠᠨ ᠭᠢᠯᠠᠰᠤᠨᠠ᠃ ᠪᠣᠯᠣᠳ ᠤᠨ ᠨᠤᠲᠤᠭ ᠪᠡᠯᠴᠢᠭᠡᠷ ᠨᠢ ᠠᠯᠠᠱᠠ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠠᠯᠲᠠᠨᠴᠤᠭ | ᠰᠤᠮᠤᠨ ᠤ ᠠᠯᠲᠠᠨᠲᠠᠯᠠ ᠭᠠᠴᠠᠭᠠᠨ ᠳᠤ ᠪᠠᠶᠢᠳᠠᠭ᠃ ᠠᠳᠡᠬᠢ ᠭᠠᠵᠠᠷ ᠤᠨ ᠪᠠᠶᠢᠴᠠ ᠥᠷᠭᠡᠨ ᠠᠭᠤᠵᠢᠮ ᠪᠠᠶᠢᠵᠤ᠂ ᠲᠡᠮᠡᠭᠡ ᠢᠳᠡᠬᠦ ᠳᠤᠷᠠᠲᠠᠢ ᠰᠢᠷᠠᠯᠵᠢ᠂ ᠬᠤᠨᠢᠨ | ᠰᠢᠷᠠᠯᠵᠢ᠂ ᠴᠠᠭᠠᠨ ᠵᠠᠭ᠂ ᠵᠠᠭ ᠮᠣᠳᠣ᠂ ᠲᠡᠮᠡᠭᠡᠨ ᠥᠷᠭᠡᠰᠦ ᠠᠷᠠᠮᠠᠭ ᠲᠠᠷᠠᠮᠠᠭ ᠤᠷᠭᠤᠵᠠᠢ᠃ ᠠᠳᠡᠬᠢ ᠨᠢ ᠠᠯᠠᠱᠠ ᠳᠤ ᠨᠠᠷᠠᠲᠠᠢ ᠬᠤᠷᠳᠤᠨ ᠲᠡᠮᠡᠭᠡᠨ ᠤ ᠨᠤᠲᠤᠭ | ᠪᠠᠶᠢᠵᠤ᠂ ᠨᠠᠭᠠᠳᠤᠮ ᠳᠤ ᠲᠦᠷᠦᠭᠦᠯᠡᠳᠡᠭ ᠲᠡᠮᠡᠭᠡ ᠤᠯᠠᠨ ᠭᠠᠷᠳᠠᠭ ᠢᠶᠠᠷ ᠢᠶᠠᠨ ᠠᠯᠳᠠᠷᠰᠢᠵᠠᠢ᠃ ᠦᠳᠡ ᠬᠡᠯᠪᠠᠶᠢᠬᠦ ᠦᠶᠡ ᠪᠠᠷ ᠪᠣᠯᠣᠳ ᠵᠤᠷᠰᠢᠯ ᠶᠣᠰᠣᠭᠠᠷ | ᠬᠤᠳᠳᠤᠭ ᠤᠨ ᠬᠠᠵᠠᠭᠤ ᠳᠤ ᠢᠷᠠᠵᠤ᠂ ᠲᠡᠮᠡᠭᠡᠳ ᠨᠢ ᠭᠤᠷᠪᠠ ᠲᠠᠪᠤ ᠪᠠᠷ ᠴᠤᠪᠤᠷᠠᠯᠳᠤᠨ ᠢᠷᠠᠵᠤ ᠤᠰᠤ ᠤᠤᠭᠤᠬᠤ ᠶᠢ ᠬᠠᠷᠠᠵᠤ ᠵᠣᠭᠰᠣᠨᠠ᠃ ᠭᠤᠪᠢ ᠨᠤᠲᠤᠭ | ᠲᠤ 4G ᠰᠦᠯᠵᠢᠶᠡ ᠲᠠᠢ ᠪᠣᠯᠤᠭᠰᠠᠨ ᠠᠴᠠ ᠲᠠᠷᠠ ᠬᠤᠳᠳᠤᠭ ᠳᠡᠭᠡᠷᠡ ᠪᠠᠨ ᠨᠠᠷᠠᠨ ᠡᠨᠧᠷᠭᠢ ᠶᠢᠨ ᠴᠠᠭᠢᠯᠭᠠᠨ ᠭᠠᠷᠭᠠᠭᠤᠷ᠂ ᠳ᠋ᠢᠶᠠᠨ ᡂᠢ᠂ ᠨᠠᠷᠠᠨ ᠡᠨᠧᠷᠭᠢ᠂ | ᠴᠠᠭᠢᠯᠭᠠᠨ ᠬᠤᠷᠢᠶᠠᠭᠤᠷ᠂ ᠤᠰᠤᠨ ᠬᠥᠭᠡᠷᠭᠡ ᠪᠣᠯᠣᠨ ᠠᠦ᠋ᠲ᠋ᠣᠴᠢᠯᠠᠭᠰᠠᠨ ᠲᠤᠨᠤᠭ ᠲᠥᠬᠦᠭᠡᠷᠦᠮᠵᠢ ᠤᠭᠰᠠᠷᠠᠵᠤ᠂ ᠭᠠᠷ ᠤᠲᠠᠰᠤ ᠪᠠᠷ ᠢᠶᠠᠨ ᠠᠯᠤᠰ ᠠᠴᠠ ᠡᠵᠡᠮᠳᠡᠨ | ᠤᠰᠤ ᠲᠠᠲᠠᠭᠠᠳ ᠮᠠᠯ ᠢᠶᠠᠨ ᠤᠰᠤᠯᠠᠴᠢᠬᠠᠳᠠᠭ ᠪᠣᠯᠵᠠᠢ᠃ ᠥᠩᠭᠡᠷᠡᠭᠰᠡᠨ ᠳᠤ ᠲᠡᠷᠡ ᠦᠷᠭᠦᠯᠵᠢ ᠠᠪᠤ ᠡᠵᠢ ᠪᠠᠨ ᠲᠠᠭᠠᠭᠠᠳ ᠬᠤᠳᠳᠤᠭ ᠳᠡᠭᠡᠷᠡ ᠬᠤᠪᠣᠭᠤ ᠪᠠᠷ | ᠤᠰᠤ ᠲᠠᠲᠠᠵᠤ ᠲᠡᠮᠡᠭᠡ ᠪᠠᠨ ᠤᠰᠤᠯᠠᠵᠤ᠂ ᠲᠡᠮᠡᠭᠡᠳ ᠤᠨ ᠤᠰᠤ ᠤᠤᠭᠤᠬᠤ ᠶᠢ ᠬᠠᠷᠠᠬᠤ ᠪᠠᠷ ᠳᠣᠲᠣᠷᠠ ᠨᠢ ᠰᠡᠷᠭᠦᠵᠦ᠂ 13 ᠨᠠᠰᠤᠨ ᠳᠠᠭᠠᠨ ᠠᠪᠤ ᠡᠵᠢ ᠪᠠᠨ | ᠬᠠᠪᠰᠤᠷᠴᠤ ᠠᠵᠢᠯ ᠬᠢᠳᠡᠭ ᠪᠣᠯᠤᠭᠰᠠᠨ ᠳᠠᠭᠠᠨ ᠣᠮᠣᠭᠰᠢᠳᠠᠭ ᠪᠠᠶᠢᠯᠠ᠃ | ᠪᠤᠤᠷᠠ ᠰᠣᠩᠭᠤᠬᠤ | ᠶᠡᠷᠦ ᠨᠢ ᠲᠡᠮᠡᠭᠡ ᠤᠰᠤᠯᠠᠬᠤ ᠪᠠ ᠲᠡᠮᠡᠭᠡ ᠬᠠᠶᠢᠴᠢᠯᠠᠬᠤ ᠠᠴᠠ ᠭᠠᠳᠠᠨᠠ ᠲᠡᠮᠡᠭᠡᠴᠢᠳ ᠲᠡᠮᠡᠭᠡ ᠪᠠᠨ ᠣᠯᠵᠤ ᠬᠠᠷᠠᠳᠠᠭ ᠦᠭᠡᠢ᠃ ᠲᠡᠮᠡᠭᠡᠨ ᠰᠦᠷᠦᠭ ᠬᠡᠭᠡᠷᠡ | ᠪᠡᠯᠴᠢᠬᠦ ᠳᠡᠭᠡᠨ ᠬᠤᠷᠤᠭᠠ ᠬᠠᠰᠢᠶᠠᠨ ᠠᠴᠠ ᠪᠠᠨ ᠲᠠᠪᠤ ᠵᠢᠷᠭᠤᠭᠠᠨ ᠺᠢᠯᠤᠮᠧᠳ᠋ᠷ ᠵᠠᠶᠢᠲᠠᠢ ᠭᠠᠷᠤᠭᠠᠳ ᠰᠠᠶ᠋ᠢ ᠢᠳᠡᠰᠢᠯᠡᠳᠡᠭ᠃ ᠬᠤᠷᠣᠭᠠᠨ ᠤ ᠣᠶᠢᠷᠠᠯᠴᠠᠭᠠᠬᠢ | ᠡᠪᠡᠰᠦ ᠶᠢ ᠢᠳᠡᠳᠡᠭ ᠦᠭᠡᠢ᠂ ᠲᠡᠮᠡᠭᠡ ᠪᠣᠯᠣᠨ ᠲᠡᠮᠡᠭᠡᠴᠢᠨ ᠢᠨᠬᠭᠢᠵᠤ ᠭᠡᠷ ᠣᠷᠣᠨ ᠢᠶᠠᠨ ᠬᠠᠶᠢᠷᠠᠯᠠᠨ ᠬᠠᠮᠠᠭᠠᠯᠠᠳᠠᠭ ᠤᠴᠢᠷᠲᠠᠢ᠃ ᠪᠣᠯᠣᠳ ᠤᠨ ᠴᠡᠭᠡᠵᠢᠯᠡᠵᠦ | ᠪᠠᠶᠢᠬᠤ ᠪᠠᠷ᠂ ᠵᠢᠯ ᠤᠨ ᠥᠩᠭᠡ ᠰᠠᠶᠢᠨ ᠦᠶᠡᠰ ᠲᠡᠳᠡᠨᠡᠶᠢᠬᠢᠨ ᠬᠠᠮᠤᠭ ᠤᠨ ᠤᠯᠠᠨ ᠳᠠᠭᠠᠨ 100 ᠭᠠᠷᠤᠢ ᠲᠡᠮᠡᠭᠡ ᠲᠠᠢ ᠪᠠᠶᠢᠪᠠ᠃ ᠲᠡᠮᠡᠭᠡ ᠶᠡᠷᠦ ᠳᠡᠭᠡᠨ ᠡᠪᠦᠯ | ᠴᠠᠭ ᠣᠷᠤᠭᠠ ᠣᠷᠣᠳᠠᠭ᠂ ᠣᠷᠣᠭᠰᠠᠨ ᠪᠤᠤᠷᠠ ᠮᠠᠰᠢ ᠲᠤᠬᠰᠢᠨ ᠪᠠᠶᠢᠵᠤ᠂ ᠰᠦᠷᠦᠭ ᠲᠡᠭᠡᠨ ᠶᠡᠷᠦ ᠥᠭᠡᠷᠡ ᠪᠤᠤᠷᠠ ᠶᠢ ᠬᠠᠪᠢᠳᠠᠭᠤᠯᠳᠠᠭ ᠦᠭᠡᠢ᠃ ᠪᠤᠤᠷᠠ ᠶᠢᠨ | ᠬᠤᠭᠤᠷᠣᠨᠳᠤ ᠦᠬᠦᠵᠦ ᠰᠡᠭᠡᠭᠦ ᠲᠡᠮᠡᠴᠡᠭᠡᠨ ᠪᠣᠯᠵᠤ᠂ ᠵᠠᠪᠠᠯ ᠨᠢᠭᠡ ᠨᠢ ᠢᠯᠠᠵᠤ᠂ ᠨᠦᠭᠦᠭᠡ ᠪᠠᠨ ᠬᠠᠷᠢ ᠬᠤᠯᠠ ᠲᠠᠭᠤᠵᠤ ᠶᠠᠪᠤᠭᠤᠯᠤᠭᠠᠳ ᠰᠠᠶ᠋ᠢ ᠲᠡᠮᠡᠴᠡᠭᠡᠨ | ᠳᠠᠭᠤᠰᠳᠠᠭ᠃ | ᠪᠤᠤᠷᠠ ᠰᠣᠩᠭᠤᠵᠤ ᠪᠤᠶᠢᠵᠢᠭᠤᠯᠬᠤ ᠪᠣᠯ ᠲᠡᠮᠡᠭᠡᠴᠢᠨ ᠬᠥᠮᠥᠨ ᠤ ᠨᠢᠭᠡᠨ ᠲᠣᠮᠣ ᠰᠢᠯᠭᠠᠯᠲᠠ ᠮᠥᠨ᠃ ᠪᠠᠰᠠᠴᠤ ᠲᠡᠮᠡᠭᠡᠨ ᠰᠦᠷᠦᠭ ᠤᠨ ᠮᠠᠨᠳᠤᠯ ᠪᠠᠭᠤᠷᠠᠯ ᠲᠠᠢ | ᠬᠤᠯᠪᠣᠭᠳᠠᠬᠤ ᠵᠠᠨᠬᠭᠢᠯᠠᠭᠠ ᠶᠢᠨ ᠠᠰᠠᠭᠤᠳᠠᠯ ᠪᠣᠯᠣᠨᠠ᠃ ᠲᠡᠮᠡᠭᠡᠨ ᠰᠦᠷᠦᠭ ᠲᠠᠬᠢ ᠬᠠᠭᠤᠴᠢᠨ ᠪᠤᠤᠷᠠ 20 ᠨᠠᠰᠤ ᠶᠢ ᠬᠡᠲᠦᠷᠡᠭᠰᠡᠨ ᠪᠠᠶᠢᠪᠠᠯ ᠰᠢᠨᠡ ᠪᠤᠤᠷᠠ ᠶᠢ | ᠰᠣᠩᠭᠤᠨ ᠪᠤᠶᠢᠵᠢᠭᠤᠯᠬᠤ ᠬᠡᠷᠡᠭᠲᠡᠢ ᠪᠤᠯᠳᠠᠭ᠃ ᠬᠤᠶᠠᠷ ᠭᠤᠷᠪᠠᠨ ᠨᠠᠰᠤᠲᠠᠢ ᠬᠠᠷᠠᠬᠠᠨ ᠠᠭᠲᠠᠯᠠᠭᠠ ᠦᠭᠡᠢ ᠲᠣᠷᠤᠮ ᠲᠦᠢᠯᠤᠭ ᠤᠨ ᠳᠤᠮᠳᠠ ᠠᠴᠠ | ᠢᠷᠡᠭᠡᠳᠦᠢ ᠶᠢᠨ ᠪᠤᠤᠷᠠ ᠶᠢ ᠰᠢᠯᠢᠵᠦ ᠰᠣᠩᠭᠤᠨᠠ᠂ ᠰᠣᠩᠭᠤᠬᠤ ᠳᠠᠭᠠᠨ ᠡᠬᠡ ᠢᠩᠭᠡᠨ ᠤ ᠬᠢᠨᠢ ᠰᠦ ᠶᠢᠨ ᠭᠠᠷᠤᠯᠲᠠ ᠶᠢ ᠦᠵᠡᠬᠦ ᠶᠢᠨ ᠬᠠᠮᠲᠤ ᠪᠠᠰᠠ ᠲᠤᠰ | ᠪᠣᠲᠣᠭᠤᠨ ᠤ ᠬᠤᠣᠰ ᠪᠦᠭᠦ ᠨᠢ ᠰᠦᠷᠯᠢᠭ ᠰᠠᠶᠢᠬᠠᠨ᠂ ᠨᠣᠣᠰᠣᠨ ᠪ᠊ ᠬᠢᠨᠢ ᠥᠩᠭᠡ ᠨᠢ ᠲᠥᠪ ᠰᠠᠶᠢᠬᠠᠨ ᠪᠠᠶᠢᠬᠤ᠂ ᠨᠣᠣᠯᠣᠭᠤᠷ ᠨᠢ ᠵᠤᠵᠠᠭᠠᠨ ᠮᠥᠷᠲᠡᠭᠡᠨ | ᠵᠥᠭᠡᠯᠡᠨ᠂ ᠲᠦᠷᠪᠡᠨ ᠮᠥᠴᠢ ᠨᠢ ᠬᠦᠳᠡᠷᠯᠢᠭ ᠪᠠᠶᠢᠬᠤ᠂ ᠬᠦᠵᠦᠭᠦᠦ ᠨᠢ ᠡᠪᠯᠢᠭ᠂ ᠥᠩᠭᠡ ᠵᠢᠰᠦᠮ ᠨᠢ ᠰᠠᠶᠢᠬᠠᠨ ᠪᠠᠶᠢᠬᠤ ᠡᠰᠡᠬᠦ ᠶᠢ ᠪᠦᠷ ᠰᠢᠯᠭᠠᠨ ᠪᠠᠶᠢᠴᠠᠭᠠᠵᠤ᠂ | ᠬᠢᠷᠢ ᠲᠡᠩᠴᠡᠪᠡᠯ ᠰᠠᠶ᠋ᠢ ᠰᠣᠩᠭᠤᠭᠳᠠᠳᠠᠭ᠃ ᠡᠰᠡ ᠰᠣᠩᠭᠤᠭᠳᠠᠭᠰᠠᠨ ᠡᠷᠡ ᠪᠣᠲᠣᠭᠤ ᠶᠢ ᠪᠠᠷᠤᠭ ᠪᠦᠷ ᠠᠭᠲᠠᠯᠠᠵᠤ᠂ ᠤᠨᠤᠯᠭᠠ ᠠᠴᠢᠯᠭᠠ ᠳᠤ ᠬᠡᠷᠡᠭᠯᠡᠬᠦ ᠪᠤᠶᠤ | ᠤᠷᠤᠯᠳᠤᠭᠠᠨ ᠤ ᠲᠡᠮᠡᠭᠡ ᠪᠣᠯᠭᠠᠳᠠᠭ᠃ ᠢᠩᠭᠡᠨ ᠲᠡᠮᠡᠭᠡᠳ ᠨᠢ ᠰᠦ᠂ ᠨᠣᠣᠰᠣᠨ ᠤ ᠠᠰᠢᠭ ᠰᠢᠮᠡ ᠪᠠᠨ ᠥᠭᠬᠦ ᠵᠢᠴᠢ ᠬᠤᠶᠢᠴᠢ ᠦᠶᠡ ᠪᠠᠨ ᠦᠷᠡᠵᠢᠭᠦᠯᠬᠦ | ᠡᠭᠦᠷᠭᠡ ᠲᠠᠢ᠃ |