| ᠠᠯᠤᠰ ᠢ ᠬᠠᠷᠠᠭᠠᠳ ᠰᠠᠭᠤᠵᠤ ᠪᠠᠶᠢᠬᠤ ᠳᠤ ᠠᠷᠪᠢᠨ ᠶᠠᠭᠤᠮᠠ ᠭᠠᠳᠠᠭᠤᠷ ᠥᠩᠭᠡᠷᠡᠨᠡ᠃ | ᠠᠨᠢᠷ ᠦᠭᠡᠢ ᠬᠤᠯᠠ ᠶᠢᠨ ᠵᠦᠰᠡ ᠴᠡᠩᠬᠡᠷᠯᠡᠭᠡᠳ᠂ ᠠᠯᠳᠠᠷᠠᠨ ᠲᠤᠨᠤᠷᠠᠨ ᠵᠠᠬᠠ ᠠᠴᠠ ᠪᠠᠨ ᠰᠡᠮᠡᠰᠡᠷᠡᠵᠦ᠂ ᠠᠭᠠᠭᠵᠢᠵᠤ ᠠᠮᠵᠢᠬᠤ ᠶᠢᠨ ᠴᠠᠭ ᠬᠤᠭᠤᠴᠠᠭᠠ | ᠵᠢᠭᠠᠬᠠᠨ ᠴᠤ ᠪᠠᠶᠢᠬᠤ ᠦᠭᠡᠢ ᠲᠡᠷᠲᠡᠭᠡ ᠭᠢᠯᠠᠰᠤᠨ ᠱᠤᠬᠰᠢᠭᠤᠷᠠᠨᠠ᠃ ᠠᠷᠪᠠᠨ ᠵᠦᠭ ᠤᠨ ᠬᠢ ᠨᠢ ᠵᠣᠪᠬᠢᠰ ᠪᠦᠭᠦᠨ ᠳᠤᠭᠤᠶᠢᠷᠠᠨ ᠳᠠᠭᠤᠷᠢᠰᠴᠤ᠂ ᠨᠠᠷᠠ ᠨᠢ | ᠬᠤᠶᠢᠮᠤᠷ ᠢᠶᠠᠨ ᠲᠥᠪᠯᠡᠨ ᠲᠤᠶᠠᠭᠠᠳᠤᠵᠤ᠂ ᠬᠥᠪᠴᠢ ᠬᠠᠩᠭᠠᠢ᠂ ᠬᠦᠷᠡᠩ ᠭᠤᠪᠢ ᠨᠢ ᠬᠥᠭᠯᠡᠭᠡᠷ ᠴᠠᠭᠠᠨ ᠲᠠᠷᠠᠰᠤᠨ ᠨᠠᠮᠠᠭᠠ ᠳᠡᠭᠡᠭᠦᠷ ᠢᠶᠠᠨ ᠲᠤᠭᠤᠴᠠᠯᠠᠨ | ᠭᠦᠶᠦᠯᠳᠦᠵᠦ᠂ ᠤᠬᠠᠭᠠᠨ ᠰᠠᠨᠠᠭᠠᠨ ᠳᠤ ᠣᠷᠣᠮᠠ ᠦᠭᠡᠢ ᠤᠴᠠᠷᠠᠯ ᠤᠨ ᠨᠢᠭᠡᠨ ᠰᠠᠶᠢᠬᠠᠨ ᠨᠠᠮᠤᠷ ᠢ ᠤᠷᠵᠢ ᠶᠢᠨ ᠤᠷᠵᠢ ᠶᠢᠨ ᠴᠠᠭᠠᠲᠤ ᠵᠢᠯ ᠠᠴᠠ ᠠᠪᠴᠢᠷᠠᠵᠤ | ᠥᠭᠬᠦ ᠰᠢᠭ ᠦᠦᠭᠡ ᠲᠡᠤᠭᠡᠯᠢᠭ ᠮᠥᠷᠲᠡᠭᠡᠨ ᠤᠴᠢᠷ ᠨᠢᠭᠤᠴᠠᠯᠢᠭ ᠮᠢᠩᠭᠠᠨ ᠳᠤᠷᠠᠰᠤᠮᠵᠢ ᠲᠠᠢ᠂ ᠮᠥᠷᠥᠭᠡᠳᠦᠯ ᠤᠨ ᠨᠢᠭᠡ ᠶᠠᠭᠤᠮᠠ ᠶᠢ ᠣᠷᠣᠨ ᠭᠠᠷᠤᠨ | ᠦᠭᠡᠶᠢᠯᠡᠭᠦᠯᠵᠦ᠂ ᠤᠯᠠᠷᠢᠬᠤ ᠬᠤᠨᠤᠭ ᠤᠨ ᠤᠳᠤᠭᠠ ᠰᠤᠭᠤᠨᠠᠭ ᠪᠠᠷᠠ᠂ ᠤᠢ ᠰᠠᠨᠠᠮᠵᠢ ᠪᠦᠭᠦᠨ ᠢ ᠮᠢᠨᠢ ᠰᠡᠷᠭᠦᠭᠡᠵᠦ ᠪᠠᠰᠠ ᠳᠡᠩᠳᠡᠭᠦᠦ ᠤᠳᠠᠭᠠᠨ | ᠲᠥᠭᠡᠷᠢᠭᠳᠡᠭᠦᠯᠦᠨ ᠤᠨᠢᠶᠠᠷ ᠵᠦᠰᠡ ᠬᠠᠶᠠᠯᠠᠨ ᠴᠡᠩᠬᠡᠷᠯᠡᠨᠡ᠃ | ᠤᠷᠢᠳᠤ ᠶᠢᠨ ᠶᠠᠭᠤᠮᠠ ᠤᠷᠢᠳᠤ ᠠᠴᠠ ᠪᠠᠨ ᠭᠡᠳᠡᠭ ᠨᠢ ᠡᠨᠡ ᠪᠣᠯᠵᠤ ᠪᠠᠶᠢᠨᠠ ᠤᠤ ᠳ᠋ᠠ︕ | ᠡᠶᠢᠮᠦ ᠯᠡ ᠨᠢᠭᠡᠨ ᠮᠥᠴᠡ ᠳᠤ ᠢᠨᠢᠶᠡᠳᠦ ᠲᠠᠭᠤ ᠴᠠᠯᠭᠢᠭᠤᠯᠤᠭᠰᠠᠨ ᠠᠶᠢᠯ ᠤᠨ ᠮᠢᠨᠢ ᠵᠢᠭᠠᠬᠠᠨ ᠪᠦᠰᠡᠭᠦᠢ᠄ ︽ᠠᠬᠠ ᠲᠠ ᠮᠠᠨᠠᠶᠢᠬᠢ ᠪᠠᠷ ᠨᠢᠭᠡ ᠣᠷᠣᠵᠤ | ᠭᠠᠷᠴᠤ ᠪᠠᠢ ᠳ᠋ᠠ︕ ᠳᠡᠭᠦᠦ ᠴᠢᠨᠢ ᠭᠠᠷᠤᠭᠠᠳ ᠶᠠᠪᠤᠪᠠᠯ ᠲᠣᠯᠣᠭᠠᠢ ᠡᠷᠭᠢᠨᠡ ᠭᠡᠳᠡᠭ ᠢ ᠮᠡᠳᠡᠳᠡᠭ ᠦᠭᠡᠢ᠂ ᠭᠡᠷ ᠢᠶᠠᠨ ᠮᠠᠷᠲᠠᠭᠰᠠᠨ ᠭᠡᠰᠡᠷ ᠶᠤᠮ ᠰᠢᠭ᠋ ᠡᠯᠳᠡᠪ ᠤᠨ | ᠵᠠᠩ ᠲᠠᠢ ᠬᠥᠮᠥᠨ ᠰᠢᠤ︕ ᠡᠨᠡ ᠨᠠᠮᠤᠷ ᠶᠠᠭᠠᠬᠢᠭᠰᠠᠨ ᠤᠷᠳᠤ ᠨᠠᠮᠤᠷ ᠪᠤᠯᠬᠤ ᠨᠢ ᠪᠤᠢ︖︾ ᠭᠡᠵᠦ ᠮᠥᠨ ᠲᠡᠷᠡ ᠬᠦ ᠤᠢ ᠰᠠᠨᠠᠮᠵᠢ ᠶᠢ ᠮᠢᠨᠢ ᠳᠡᠩᠳᠡᠭᠦᠦ | ᠤᠳᠠᠭᠠᠨ ᠲᠥᠭᠡᠷᠢᠭᠳᠡᠭᠦᠯᠦᠭᠰᠡᠨ ᠬᠢᠵᠠᠭᠠᠷ ᠠᠯᠤᠰ ᠢ ᠬᠠᠷᠠᠩᠬᠠᠨ ᠬᠡᠯᠡᠭᠰᠡᠨ ᠦᠭᠡ ᠨᠢ᠂ ᠠᠭᠠᠷᠴᠠᠨ ᠬᠤᠷᠤᠳ ᠲᠠᠪᠠᠭᠯᠠᠵᠤ᠂ ᠠᠶᠠᠭᠠ ᠱᠠᠭᠠᠵᠠᠩ ᠬᠠᠷᠭᠤᠯᠳᠤᠬᠤ | ᠪᠦᠷᠢ ᠰᠡᠳᠬᠢᠯ ᠳᠤ ᠬᠠᠷᠰᠢᠨ ᠬᠠᠩᠭᠢᠨᠠᠯᠳᠤᠨᠠ᠃ | ᠲᠡᠶᠢᠮᠦ ᠰᠠᠶᠢᠬᠠᠨ ᠰᠡᠳᠬᠢᠯ ᠲᠠᠢ ᠪᠦᠰᠡᠭᠦᠢ ᠬᠥᠮᠥᠨ ᠤ ᠤᠷᠮᠠ ᠶᠢ ᠪᠠᠭᠠ ᠴᠤ ᠭᠡᠰᠡᠨ ᠬᠥᠭᠵᠢᠭᠡᠵᠦ ᠭᠠᠭᠴᠠ ᠮᠥᠴᠡ ᠴᠤ ᠶᠠᠷᠢᠵᠤ ᠰᠠᠭᠤᠬᠤ ᠪᠠᠨ ᠶᠠᠭᠠᠬᠢᠯᠠ | ᠪᠢ ᠭᠡᠵᠦ ᠭᠠᠭᠴᠠᠭᠠᠷ ᠪᠠᠶᠢᠬᠤ ᠳᠠᠭᠠᠨ ᠲᠡᠷᠡ ᠪᠦᠭᠦᠨ ᠢ ᠡᠷᠭᠢᠴᠡᠭᠦᠯᠦᠨ ᠬᠠᠷᠠᠮᠰᠠᠨ ᠮᠡᠳᠡᠷᠡᠨᠡ᠃ ᠢᠯᠳᠠᠮᠬᠠᠨ ᠰᠠᠶᠢᠬᠠᠨ ᠨᠢᠭᠡᠨ ᠪᠦᠰᠡᠭᠦᠢ ᠬᠥᠮᠥᠨ ᠤ ᠭᠠᠵᠠᠷ᠂ | ᠬᠥᠮᠥᠨ ᠤ ᠬᠥᠮᠥᠨ ᠪᠣᠯᠣᠭᠠᠳ ᠡᠵᠡᠭᠦᠢ ᠭᠠᠭᠴᠠᠭᠠᠷ᠂ ᠬᠥᠮᠥᠨ ᠬᠦᠰᠡᠵᠦ ᠰᠠᠭᠤᠨᠠ ᠭᠡᠳᠡᠭ ᠮᠢᠩᠭᠠᠨ ᠨᠠᠮᠤᠷ ᠤᠨ ᠤᠷᠳᠤ ᠨᠢᠭᠡ ᠡᠳᠦᠷ ᠢᠷᠡᠵᠤ ᠪᠠᠶᠢᠵᠤ ᠳ᠋ᠠ | ᠬᠥᠭᠡᠷᠦᠬᠦᠢ︕ | ᠠᠯᠤᠰ ᠢ ᠬᠠᠷᠠᠭᠠᠳ ᠰᠠᠭᠤᠵᠤ ᠪᠠᠶᠢᠬᠤ ᠳᠤ ᠠᠷᠪᠢᠨ ᠶᠠᠭᠤᠮᠠ ᠭᠠᠳᠠᠭᠤᠷ ᠥᠩᠭᠡᠷᠡᠨᠡ᠃ | ᠠᠯᠠᠭ ᠴᠣᠬᠤᠷ ᠡᠭᠦᠯᠡᠨ ᠰᠡᠭᠦᠳᠡᠷ ᠭᠠᠵᠠᠷ ᠢᠶᠠᠷ ᠨᠢᠭᠡ ᠨᠡᠬᠡᠯᠴᠡᠨ ᠬᠥᠭᠡᠭᠡᠴᠡᠯᠳᠦᠵᠦ᠂ ᠠᠷᠤ ᠳᠤᠨᠢ ᠬᠤᠴᠣᠷᠤᠭᠰᠠᠨ ᠲᠣᠯᠣᠭᠠᠳ ᠳᠡᠭᠡᠭᠦᠷ ᠬᠡᠰᠡᠭᠬᠡᠨ ᠪᠣᠷᠤᠭᠠ | ᠬᠥᠰᠢᠭᠡᠯᠡᠨ ᠴᠠᠶᠢᠷᠠᠵᠤ ᠢᠷᠡᠭᠰᠡᠨ ᠢᠶᠠᠨ ᠠᠯᠳᠠᠨ ᠭᠢᠯᠭᠠᠨᠠ ᠶᠢᠨ ᠦᠵᠦᠭᠦᠷ ᠲᠤ ᠲᠤᠩ ᠰᠣᠷᠭᠤᠭ ᠴᠢᠭᠢᠭ ᠤᠨ ᠦᠨᠦᠷ ᠰᠡᠩᠭᠢᠨᠡᠭᠦᠯᠬᠦ ᠶᠢᠨ ᠬᠢᠷᠢ ᠳᠤ ᠠᠯᠠᠭ | ᠲᠠᠭᠤ ᠶᠢᠨ ᠰᠦᠷᠦᠭ ᠠᠭᠠᠷ ᠲᠡᠭᠷᠢ ᠳᠤ ᠰᠡᠮᠡᠷᠡᠭᠰᠡᠨ ᠲᠤᠭ ᠰᠢᠭ᠋ ᠰᠡᠷᠪᠡᠯᠵᠡᠨ ᠨᠢᠰᠴᠦ᠂ ᠨᠠᠮᠤᠷᠵᠢᠶᠠ ᠡᠷᠭᠢᠨ ᠲᠣᠭᠤᠷᠢᠨ ᠠᠴᠠ ᠪᠠᠨ ᠬᠠᠩᠭᠠᠶᠢᠷᠠᠨ ᠰᠡᠶᠢᠭᠡᠵᠦ᠂ | ᠡᠩᠭᠡᠷ ᠬᠤᠷᠮᠣᠢ ᠠᠴᠠ ᠰᠡᠷᠴᠢᠭᠢᠨᠡᠨᠡ᠃ | ᠠᠪᠤ ᠶᠢᠨ ᠦᠭᠡᠶᠢᠯᠡᠳᠡᠭ ᠬᠡᠳᠦᠨ ᠠᠳᠤᠭᠤ ᠠᠨᠢᠪᠴᠢᠬᠤ ᠬᠤᠯᠠ ᠶᠢᠨ ᠮᠢᠷᠠᠯᠵᠠᠭᠠᠨ ᠢᠶᠠᠷ ᠦᠷᠭᠦᠵᠦ ᠨᠠᠳᠬᠤᠨ᠂ ᠤᠰᠤ ᠤᠷᠤᠭᠤ ᠣᠷᠣᠵᠤ ᠢᠷᠡᠬᠦ ᠰᠢᠭ | ᠪᠣᠯᠤᠭᠰᠠᠨ ᠢᠶᠠᠨ ᠠᠶᠠᠷᠬᠠᠨ ᠣᠷᠤᠭᠠ ᠬᠡᠭᠡᠷᠡ ᠶᠢᠨ ᠵᠡᠭᠦᠳᠦ ᠪᠣᠯᠣᠨ ᠵᠠᠮᠬᠠᠷᠠᠨᠠ᠃ | ᠠᠷᠤ ᠭᠠᠵᠠᠷ ᠤᠨ ᠥᠭᠰᠥᠭᠦᠷ ᠳᠠᠪᠠᠭᠠ ᠪᠠᠷᠲᠠᠭᠠᠨ ᠳᠡᠭᠡᠭᠦᠷ ᠢᠶᠠᠨ ᠠᠮᠢ ᠠᠮᠢᠳᠤᠷᠠᠯ᠂ ᠠᠳᠠᠯ ᠦᠢᠯᠡᠰ ᠬᠡᠮᠡᠨ ᠠᠮᠢᠰᠬᠤᠯ ᠮᠡᠩᠳᠡᠭᠦᠷᠡᠨ ᠴᠦᠷᠭᠦᠯᠳᠤᠭ᠍ᠰᠡᠨ | ᠬᠥᠰᠬᠡ ᠤᠨᠤᠭᠠ ᠬᠥᠬᠡᠮᠳᠦᠭ ᠬᠤᠯᠠ ᠶᠢᠨ ᠠᠶᠠᠨᠴᠢ ᠰᠡᠳᠬᠢᠯᠭᠡ ᠪᠠᠨ ᠲᠠᠭᠠᠵᠤ᠂ ᠨᠠᠮᠤᠷ ᠨᠠᠮᠤᠷ ᠬᠥᠮᠥᠨ ᠤ ᠨᠤᠲᠤᠭ ᠠᠴᠠ ᠬᠦᠷᠬᠦ ᠠᠯᠤᠰ ᠤᠨ ᠦᠷᠳᠡᠭᠡ ᠪᠠᠭᠤᠷᠢ | ᠤᠷᠤᠭᠤ ᠪᠠᠨ ᠰᠡᠭᠦᠯᠴᠢ ᠶᠢᠨ ᠰᠢᠪᠠᠭᠤᠳ ᠤᠨ ᠵᠡᠯᠡ ᠲᠠᠢ ᠰᠦᠮᠡᠶᠢᠨ ᠰᠦᠮᠡᠶᠢᠨ ᠤᠳᠤᠨᠠ᠃ ᠪᠦᠭᠦ ᠶᠠᠭᠤᠮᠠ ᠶᠠᠪᠤᠵᠤ ᠤᠳᠤᠭᠠᠳ᠂ ᠪᠦᠭᠦ ᠮᠥᠷᠥᠭᠡᠳᠦᠯ | ᠮᠥᠷᠥᠭᠡᠳᠴᠦ ᠭᠦᠢᠴᠡᠭᠡᠳ᠂ ᠪᠦᠭᠦ ᠶᠠᠭᠤᠮᠠ ᠬᠤᠭᠤᠰᠤᠷᠠᠭᠰᠠᠨ ᠶᠤᠮ ᠰᠢᠭ᠋ ᠪᠤᠳᠤᠬᠳᠠᠬᠤ ᠲᠡᠷᠡ ᠬᠤᠷᠣᠮ᠂ ᠠᠶᠢᠯ ᠤᠨ ᠵᠢᠭᠠᠬᠠᠨ ᠪᠦᠰᠡᠭᠦᠢ᠂ ᠠᠶᠢᠯ | ᠠᠶᠢᠮᠠᠭ ᠤᠨ ᠬᠢᠨ ᠲᠡᠭᠡᠨ ᠬᠡᠷᠬᠢᠨ ᠠᠵᠤ ᠲᠦᠷᠤᠵᠤ ᠶᠠᠪᠤᠭᠠ ᠶᠤᠮ ᠪᠣᠯ ᠠ᠋ ᠭᠡᠵᠦ ᠪᠠᠰᠠ ᠢᠯᠡᠭᠦᠴᠢ ᠰᠠᠨᠠᠭᠠ ᠪᠤᠳᠤᠯ ᠬᠤᠯᠠ ᠶᠢᠨ ᠬᠤᠯᠠ ᠳᠤ ᠰᠠᠪᠠᠭᠠ | ᠦᠭᠡᠶᠢᠳᠡᠨ ᠠᠯᠭᠠᠰᠠᠨᠠ᠃ ᠶᠡᠷᠦ ᠨᠢ ᠪᠢᠳᠡᠨ ᠲᠠᠢ ᠶᠠᠭ ᠵᠡᠷᠭᠡᠴᠡᠭᠡ ᠬᠠᠵᠠᠭᠤᠳᠠᠬᠠᠨ ᠣᠷᠣᠰᠢᠬᠤ ᠶᠢᠷᠲᠢᠨᠴᠦ ᠪᠣᠯ ᠪᠠᠶᠢᠬᠤ ᠶᠤᠮ ᠪᠠᠶᠢᠨᠠ ᠭᠡᠵᠦ ᠪᠢ ᠬᠤᠪᠢᠨ ᠳᠠᠭᠠᠨ | ᠲᠥᠰᠥᠭᠡᠯᠡᠵᠦ ᠪᠤᠳᠤᠳᠠᠭ᠃ ᠵᠠᠷᠢᠮ ᠨᠢᠭᠡ ᠲᠠᠨᠢᠬᠤ ᠦᠭᠡᠢ ᠭᠠᠵᠠᠷ ᠭᠦᠷᠤᠭ᠍ᠰᠡᠨ ᠴᠤ ᠪᠢ ᠠᠯᠢ ᠡᠷᠲᠡ ᠬᠡᠨ ᠨᠢᠭᠡᠨ ᠪᠠᠭᠠᠲᠤᠷ ᠢᠳᠡᠲᠡᠨ ᠲᠠᠢ ᠬᠠᠮᠲᠤ ᠢᠷᠡᠵᠤ | ᠥᠩᠭᠡᠷᠡᠭᠰᠡᠨ ᠪᠤᠶᠤ ᠶᠠᠮᠠᠷ ᠨᠢᠭᠡ ᠶᠡᠭᠡ ᠦᠢᠯᠡᠰ ᠤᠨ ᠲᠥᠯᠥᠭᠡ ᠵᠢᠳᠬᠦᠵᠦ ᠶᠠᠪᠤᠭᠠᠳ᠂ ᠳᠡᠩᠳᠡᠭᠦᠦ ᠤᠯᠠᠨ ᠵᠢᠯ ᠤᠨ ᠬᠢᠨᠢ ᠲᠠᠷᠠᠭᠠ ᠰᠠᠶ᠋ᠢ ᠨᠢᠭᠡ ᠡᠷᠭᠢᠨ ᠢᠷᠡᠵᠤ | ᠪᠠᠶᠢᠬᠤ ᠰᠢᠭ᠋ ᠲᠡᠶᠢᠮᠤ ᠲᠥᠷᠥᠭᠳᠡᠯ ᠣᠷᠣᠳᠠᠭ᠃ ᠲᠡᠨᠳᠡᠬᠢ ᠬᠠᠳᠠ ᠴᠢᠯᠠᠭᠤ᠂ ᠠᠭᠤᠯᠠ ᠨᠢᠷᠤᠭᠤᠳ᠂ ᠤᠰᠤ ᠭᠤᠣᠯ ᠪᠦᠭᠦᠨ ᠢ ᠬᠠᠷᠠᠭᠠᠳ ᠪᠠᠶᠢᠬᠤ ᠳᠤ ᠲᠡᠶᠢᠮᠤ | ᠲᠠᠨᠢᠯ ᠲᠠᠰᠤᠯᠬᠠᠨ︕ | ᠲᠡᠶᠢᠮᠤ ᠠ᠋︕ ᠡᠨᠡ ᠳᠡᠩᠳᠡᠭᠦᠦ ᠠᠭᠤᠵᠢᠭᠤ ᠰᠠᠶᠢᠬᠠᠨ ᠲᠠᠯᠠ ᠬᠥᠨᠳᠡᠢ ᠳᠤ ᠤᠷᠳᠤ ᠶᠢᠨ ᠳᠠᠭᠤᠤ ᠳᠠᠭᠤᠷᠢᠰᠤᠨ ᠴᠡᠩᠬᠡᠷᠳᠡᠵᠦ᠂ ᠮᠣᠷᠢᠲᠠᠢ ᠬᠥᠮᠥᠨ᠂ | ᠳᠥᠷᠥᠭᠡᠨ ᠳᠡᠭᠡᠷᠡ ᠪᠠᠨ ᠥᠨᠳᠡᠶᠢᠨ ᠰᠢᠷᠦᠭᠦᠨ ᠲᠡᠷᠭᠢᠭᠤᠯᠬᠤ ᠳᠤ ᠭᠦᠯᠦᠭ ᠤᠨ ᠲᠤᠭᠤᠷᠠᠢ ᠳᠤ ᠴᠠᠬᠢᠬᠤ ᠬᠠᠳᠠ ᠴᠢᠯᠠᠭᠤᠨ ᠠᠴᠠ ᠡᠬᠢᠯᠡᠨ᠂ ᠡᠪᠡᠰᠦ ᠪᠡᠯᠴᠢᠭᠡᠷ ᠤᠨ | ᠬᠢᠨᠢ ᠦᠵᠦᠭᠦᠷ ᠨᠠᠮᠠᠭᠠᠨ ᠠᠴᠠ ᠪᠠᠨ ᠢᠰᠭᠡᠷᠤᠩᠭᠡᠨ᠂ ᠬᠢᠵᠠᠭᠠᠷ ᠠᠯᠤᠰ ᠠᠴᠠ ᠪᠠᠨ ᠬᠠᠩᠭᠢᠷ ᠴᠢᠩᠭᠢᠷ ᠠᠨᠢᠷᠯᠠᠨ ᠪᠠᠶᠢᠳᠠᠭ᠃ ᠰᠠᠨᠠᠭᠠᠨ ᠤ ᠯᠡ ᠨᠢᠭᠡ ᠠᠶᠠᠰ ᠪᠢᠰᠢ᠂ | ᠦᠬᠦᠰᠢ ᠦᠭᠡᠢ ᠤᠷᠤᠭ ᠪᠤᠭᠤᠷᠤᠯ ᠬᠡᠭᠡᠷᠡ ᠲᠠᠯᠠ ᠶᠢᠨ ᠰᠦᠭ ᠰᠦᠨᠡᠰᠦ ᠵᠡᠷᠭᠡᠯᠭᠡ ᠲᠣᠭᠠᠯᠠᠨ ᠭᠦᠶᠦᠵᠦ ᠶᠠᠪᠤᠬᠤ ᠨᠢ ᠲᠡᠷᠡ ᠪᠤᠶᠤ᠃ ᠳᠠᠭᠤᠤ ᠡᠬᠢᠯᠡᠭᠡᠳ | ᠳᠠᠭᠤᠯᠠᠭᠰᠠᠨ ᠲᠠᠯᠠ ᠭᠡᠵᠦ ᠮᠥᠷᠥᠭᠡᠳᠦᠯ ᠤᠨ ᠲᠦᠮᠡᠨ ᠡᠷᠡᠭᠡᠯᠵᠡᠭᠡ ᠲᠠᠲᠠᠭᠠᠯᠵᠠᠯ ᠢ ᠬᠤᠴᠣᠷᠭᠠᠵᠤ ᠠᠪᠳᠠᠭ ᠰᠡᠳᠬᠢᠯ ᠤᠨ ᠠᠷᠬᠠᠭ ᠦᠭᠡᠢ ᠲᠤᠶᠠᠭᠠᠯᠢᠭ᠂ | ᠲᠡᠭᠷᠢ ᠶᠢᠨ ᠬᠠᠶᠠᠭᠠ ᠪᠠᠨ ᠰᠢᠷᠳᠡᠭᠦ ᠨᠢᠳᠦᠨ ᠳᠤ ᠨᠢᠯᠪᠤᠰᠤ ᠵᠠᠶᠢᠷᠲᠤᠭᠤᠯᠤᠯ ᠦᠭᠡᠢ᠂ ᠰᠢᠨᠠᠯᠬᠤ ᠵᠢᠷᠦᠬᠡᠨ ᠳᠤ ᠡᠮᠵᠡᠭ ᠲᠦᠷᠦᠭᠦᠯᠤᠯ ᠦᠭᠡᠢ ᠰᠢᠯᠤᠨ ᠪᠤᠯᠤᠷᠬᠠᠨ | ᠲᠤᠩᠭᠠᠯᠠᠭ ᠭᠡᠶᠢᠴᠡᠯᠡᠭᠦ ᠪᠢᠵᠡ ᠠ᠋᠃ | ᠠᠯᠤᠰ ᠢ ᠬᠠᠷᠠᠭᠠᠳ ᠰᠠᠭᠤᠵᠤ ᠪᠠᠶᠢᠬᠤ ᠳᠤ ᠠᠷᠪᠢᠨ ᠶᠠᠭᠤᠮᠠ ᠭᠠᠳᠠᠭᠤᠷ ᠥᠩᠭᠡᠷᠡᠨᠡ᠃ | ᠠᠯᠮᠠᠶᠢᠳᠠᠭᠤ ᠠᠯᠵᠢᠶᠠᠷᠠᠬᠤ ᠠᠯᠳᠠᠨ ᠲᠠᠯᠠ ᠶᠢᠨ ᠢᠶᠠᠨ ᠡᠩ ᠥᠷᠭᠡᠨ ᠢᠶᠠᠷ ᠲᠡᠮᠡᠭᠡᠳ ᠮᠥᠩᠭᠦᠨ ᠲᠡᠪᠡᠨᠡ ᠰᠢᠭ ᠰᠤᠨᠤᠯᠵᠠᠨ ᠪᠣᠰᠴᠤ ᠰᠤᠪᠤᠷᠭᠠᠯᠠᠨᠠ᠃ | ᠠᠯᠢ ᠨᠢ ᠲᠣᠯᠣᠭᠠᠳ᠂ ᠠᠯᠢ ᠨᠢ ᠲᠡᠮᠡᠭᠡᠳ ᠪᠤᠯᠬᠤ ᠶᠢ ᠢᠯᠭᠠᠵᠤ ᠶᠠᠳᠠᠮᠠ ᠬᠠᠨᠠᠷᠠᠯᠳᠤᠨᠡ᠃ | ᠬᠤᠯᠠᠳᠠᠨ ᠬᠤᠯᠠᠳᠠᠬᠤ ᠤᠯᠠᠷᠢᠯ ᠨᠠᠮᠤᠷ ᠤᠨ ᠠᠶᠠᠰ ᠢᠶᠠᠷ ᠬᠠᠷᠢᠬᠤ ᠴᠠᠭ ᠤᠨ ᠲᠡᠭᠷᠢ᠂ ᠬᠤᠯᠠ ᠳᠠᠭᠠᠨ ᠨᠢᠭᠡ ᠲᠠᠭᠠ ᠦᠭᠡᠢ ᠬᠥᠩᠬᠦ᠋ᠢᠨᠡ᠃ ᠬᠠᠮᠤᠭ ᠶᠠᠭᠤᠮᠠ | ᠲᠡᠭᠦᠨ ᠳᠤ ᠴᠢᠮᠡᠭᠯᠡᠭᠳᠡᠨ ᠬᠠᠮᠤᠭ ᠶᠠᠭᠤᠮᠠ ᠪᠦᠭᠦᠳᠡᠭᠡᠷ ᠢᠶᠠᠨ ᠤᠷᠤᠰᠤᠭᠠᠳ ᠣᠷᠣᠴᠢᠬᠠᠬᠤ ᠰᠢᠭ᠋ ᠠᠯᠠᠭᠠ ᠪᠣᠯᠣᠨᠠ᠃ ᠠᠯᠠᠭᠠ ᠯᠡ ᠪᠠᠶᠢᠳᠠᠭ ᠲᠡᠷᠡ ᠨᠠᠮᠤᠷ ᠤᠨ | ᠲᠡᠭᠷᠢ ᠶᠢᠨ ᠬᠠᠶᠠᠭᠠᠨ ᠳᠤ ᠠᠪᠤ ᠠᠳᠤᠭᠤ ᠲᠠᠢ ᠪᠠᠨ ᠣᠲᠣᠷᠯᠠᠵᠤ ᠶᠠᠪᠤᠵᠠᠢ᠃ | ᠬᠤᠷᠸᠠ ᠶᠢᠨ ᠬᠠᠭᠤᠷᠮᠠᠴᠢ ᠳᠤ ᠢᠲᠡᠭᠡᠯ ᠦᠭᠡᠢ ᠬᠡᠦᠬᠡᠳ ᠪᠣᠲᠣᠭᠤ ᠬᠤᠶᠠᠷ ᠯᠡ ᠬᠤᠨᠤᠭ ᠤᠨ ᠮᠠᠷᠭᠠᠰᠢ ᠠᠴᠠ ᠪᠦᠭᠦ ᠶᠠᠭᠤᠮᠠ ᠢᠷᠡᠬᠦ ᠶᠤᠮ ᠰᠢᠭ ᠡᠵᠢ ᠪᠠᠨ | ᠭᠡᠰᠡᠨ ᠬᠦᠯᠢᠶᠡᠯᠲᠡ᠂ ᠮᠥᠷᠥᠭᠡᠳᠦᠯ ᠤᠨ ᠦᠨᠡᠮᠰᠢᠯ ᠢᠶᠠᠨ ᠲᠦᠰᠢᠵᠦ᠂ ᠡᠯᠢᠭᠡ ᠡᠮᠲᠡᠷᠡᠭᠰᠡᠨ ᠥᠨᠥᠴᠢᠷᠡᠯ ᠭᠤᠨᠢᠭ ᠤᠨ ᠨᠢᠯᠪᠤᠰᠤᠨ ᠳᠠᠭᠠᠨ ᠲᠡᠪᠳᠤᠩᠭᠡᠨ ᠵᠦᠰᠡᠷᠡᠨᠡ | ᠃ ᠬᠠᠷᠢᠭᠰᠠᠨ ᠶᠠᠭᠤᠮᠠ ᠬᠡᠵᠢᠶᠡᠳᠡ ᠡᠷᠭᠢᠵᠦ ᠢᠷᠡᠰᠢ ᠦᠭᠡᠢ ᠭᠡᠵᠦ ᠬᠡᠨ ᠠᠯᠢᠨ ᠨᠢ ᠡᠰᠡ ᠬᠡᠯᠡᠵᠦ ᠭᠠᠷᠤᠨᠠ᠃ ᠬᠡᠯᠡᠵᠦ ᠭᠠᠷᠬᠤ ᠦᠭᠡᠢ ᠦᠭᠡᠨ ᠤ ᠴᠠᠭᠠᠨᠠ | ᠨᠢᠯᠪᠤᠰᠤ ᠪᠠᠨ ᠶᠡᠬᠡᠴᠦᠦᠯ ᠬᠤᠷᠢᠨᠠ᠃ ᠬᠡᠯᠡᠵᠦ ᠭᠠᠷᠬᠤ ᠦᠭᠡᠢ ᠦᠭᠡᠨ ᠤ ᠴᠠᠭᠠᠨᠠ ᠡᠬᠡᠴᠦᠦᠯ ᠬᠡᠦᠬᠡᠳ ᠪᠣᠲᠣᠭᠤ ᠬᠤᠶᠠᠷ ᠠᠴᠠ ᠬᠠᠷᠠᠴᠠ ᠪᠠᠨ ᠪᠤᠷᠤᠭᠤᠯᠠᠨᠠ᠃ | ᠬᠡᠯᠡᠵᠦ ᠭᠠᠷᠬᠤ ᠦᠭᠡᠢ ᠦᠭᠡᠨ ᠤ ᠴᠠᠭᠠᠨᠠ ᠬᠠᠭᠤᠷᠲᠠᠯ ᠦᠨᠡᠮᠰᠢᠯ ᠬᠤᠶᠠᠷ ᠢᠭᠡᠷᠡᠭᠡᠨ ᠵᠡᠷᠭᠡᠴᠡᠨᠡ᠃ ᠨᠠᠮᠤᠷ ᠨᠠᠮᠤᠷ ᠮᠢᠩᠭᠠ ᠮᠢᠩᠭᠠᠨ ᠬᠥᠮᠥᠨ ᠤ ᠰᠠᠶᠢᠬᠠᠨ | ᠰᠡᠳᠬᠢᠯ ᠳᠤᠷᠠᠰᠤᠮᠵᠢ ᠶᠢᠨ ᠬᠠᠭᠤᠳᠠᠰᠤᠨ ᠠᠴᠠ ᠥᠪᠡᠷ ᠤᠨ ᠬᠠᠶᠢᠷᠠᠲᠠᠢ ᠳᠤᠷᠠᠲᠠᠢ ᠮᠥᠷᠥᠭᠡᠳᠦᠯ ᠤᠨ ᠲᠦᠮᠡᠨ ᠡᠷᠭᠢᠴᠡᠭᠦᠯᠦᠯ ᠢᠶᠠᠨ ᠤᠷᠪᠠᠭᠤᠯᠤᠨᠠ᠃ | ᠠᠯᠤᠰ ᠭᠠᠵᠠᠷ ᠤᠨ ᠲᠡᠭᠷᠢ ᠡᠭᠦᠯᠡ ᠨᠢ ᠴᠠᠶᠢᠯᠵᠡᠩᠬᠠᠨ ᠥᠨᠳᠡᠶᠢᠨᠡ᠃ | ᠠᠷᠤ ᠭᠠᠵᠠᠷ ᠤᠨ ᠨᠠᠮᠤᠷ ᠬᠠᠶᠠᠭᠠ ᠬᠠᠳᠠᠪᠴᠢ ᠪᠠᠷ ᠱᠠᠷᠭᠢᠯᠳᠤᠨ ᠥᠩᠭᠡᠷᠡᠨᠡ᠃ | ᠠᠯᠤᠰ ᠢ ᠬᠠᠷᠠᠭᠠᠳ ᠰᠠᠭᠤᠵᠤ ᠪᠠᠶᠢᠬᠤ ᠳᠤ ᠠᠷᠪᠢᠨ ᠶᠠᠭᠤᠮᠠ ᠭᠠᠳᠠᠭᠤᠷ ᠥᠩᠭᠡᠷᠡᠨᠡ᠂ ᠭᠠᠳᠠᠨᠠ ᠠᠴᠠ ᠶᠠᠪᠤᠨᠠ᠃ |