| ᠨᠤᠲᠤᠭ ᠢᠶᠠᠨ ᠰᠠᠨᠠᠨ ᠡᠷᠭᠢᠨ ᠬᠤᠷᠭᠤᠳᠠᠬᠤ ᠬᠥᠮᠥᠨ ᠤ ᠰᠡᠳᠬᠢᠯ ᠢ ᠶᠠᠭᠤ ᠭᠡᠯᠲᠡᠢ᠃ ᠰᠢᠲᠦᠵᠦ ᠰᠦᠵᠢᠭᠯᠡᠭᠰᠡᠨ ᠣᠪᠣᠭᠠ ᠬᠠᠶᠢᠷᠬᠠᠳ᠂ ᠥᠰᠴᠦ | ᠲᠣᠷᠨᠢᠬᠤ ᠳᠤ ᠥᠯᠥᠭᠡᠶᠢᠳᠡᠵᠦ ᠪᠦᠪᠠᠶᠢᠯᠡᠭᠰᠡᠨ ᠮᠠᠩᠬᠠ ᠲᠣᠯᠣᠭᠠᠳ ᠮᠢᠨᠢ ᠰᠡᠳᠬᠢᠯ ᠳᠤ ᠬᠠᠳᠠᠭᠠᠯᠠᠭᠤᠰᠢᠲᠠᠢ᠃ ᠠᠯᠢ ᠡᠰᠡᠬᠦᠯᠡ ᠪᠠᠭᠠ ᠶᠢᠨ ᠭᠡᠨᠡᠨ ᠲᠤᠮᠤᠭ ᠲᠤ | ᠬᠡᠳᠦ᠋ᠢᠨ ᠪᠦᠳᠡᠭᠢᠷᠡᠵᠦ ᠣᠲᠣᠭᠰᠠᠨ ᠤᠨᠠᠭᠠᠨ ᠳᠤᠷᠠᠰᠤᠯ ᠥᠷᠥᠴᠡ ᠲᠡᠯᠡᠰᠦᠩᠭᠡᠨ ᠲᠤᠰᠬᠤ ᠨᠢ ᠶᠠᠮᠠᠷᠬᠠᠨ ᠰᠠᠶᠢᠬᠠᠨ ᠪᠢᠯᠡ᠃ | ᠠᠷᠭᠠᠯ ᠭᠡᠵᠦ ᠳᠤᠷᠠᠳᠬᠤ ᠳᠤ ᠬᠤᠳᠠ ᠶᠢᠨ ᠲᠠᠩᠰᠤᠭ ᠠᠮᠢᠳᠤᠷᠠᠯ ᠳᠤ ᠬᠥᠯ ᠤᠨ ᠲᠣᠭᠤᠰᠣ ᠬᠥᠳᠡᠯᠭᠡᠨ ᠨᠡᠭᠦᠷᠡᠰᠦ ᠴᠠᠭᠢᠯᠭᠠᠨ ᠢᠶᠠᠷ ᠳᠤᠯᠠᠭᠠᠴᠠᠨ ᠬᠤᠭᠤᠯᠠ | ᠤᠮᠳᠠ ᠪᠠᠨ ᠲᠥᠬᠦᠭᠡᠷᠴᠦ ᠶᠠᠪᠤᠭᠰᠠᠨ ᠬᠥᠮᠥᠰ ᠦᠯᠦ ᠣᠶᠢᠯᠠᠭᠠᠨᠠ᠃ ᠭᠡᠬᠦ ᠳᠤ ᠬᠥᠳᠡᠭᠡ ᠨᠤᠲᠤᠭ ᠠᠴᠠ ᠤᠬᠠᠭᠠ ᠰᠦᠯᠡᠵᠦ ᠦᠢᠯᠡᠰ ᠤᠨ ᠬᠠᠷᠭᠤᠢ | ᠬᠠᠶᠢᠭᠰᠠᠳ ᠲᠤ ᠠᠷᠭᠠᠯ ᠬᠤᠷᠭᠤᠯ ᠨᠢ ᠬᠠᠷᠢᠨ ᠬᠠᠷᠠᠴᠠᠨ ᠤ ᠬᠢᠨᠢ ᠴᠢᠮᠡᠭ ᠪᠣᠯᠵᠤ ᠤᠶᠤᠨ ᠰᠡᠳᠬᠢᠯ ᠤᠨ ᠬᠢᠨᠢ ᠤᠶᠠᠩᠭᠠ ᠶᠢᠨ ᠬᠥᠪᠴᠢ ᠶᠢ ᠴᠢᠪᠬᠠᠳᠠᠨ᠂ | ᠰᠠᠨᠠᠯ ᠤᠨ ᠦᠵᠦᠭᠦᠷ ᠰᠡᠷᠪᠡᠯᠵᠡᠳᠡᠭ᠃ | ᠬᠥᠳᠡᠭᠡ ᠶᠢᠨ ᠬᠥᠮᠥᠰ ᠠᠯᠵᠠᠭᠤ ᠵᠠᠯᠬᠠᠭᠤ ᠨᠢᠭᠡ ᠶᠢ ᠪᠠᠨ ︽ᠠᠷᠭᠠᠯ ᠲᠦᠯᠡᠭᠡᠨ ᠳᠡᠭᠡᠨ ᠵᠥᠪ ᠦᠭᠡᠢ︾ ᠭᠡᠵᠦ ᠲᠣᠬᠤᠭᠤᠷᠬᠠᠳᠠᠭ ᠪᠣᠯ ᠬᠠᠷᠢᠨ ᠡᠭᠦᠳᠡᠨ | ᠳᠤᠨᠢ ᠣᠪᠤᠭᠠᠯᠠᠭᠠᠰᠤᠲᠠᠢ ᠠᠷᠭᠠᠯ ᠤᠨ ᠣᠪᠣᠭᠠ ᠶᠢᠨ ᠭᠡᠯᠪᠡᠷᠢ ᠪᠠᠶᠢᠳᠠᠯ ᠢᠶᠠᠷ ᠠᠵᠢᠯᠴᠢ ᠠᠶᠢᠯ ᠢ ᠮᠠᠭᠲᠠᠳᠠᠭ᠃ ᠤᠬᠠᠭᠠ ᠣᠷᠣᠬᠤ ᠳᠤ ᠯᠡ ᠡᠵᠢ ᠮᠢᠨᠢ ᠥᠷᠯᠥᠭᠡ | ᠪᠦᠷᠢ ᠮᠠᠯ ᠤᠨ ᠪᠠᠭᠠᠰᠤ ᠪᠠᠨ ᠨᠢᠭᠡ ᠨᠢᠭᠡ ᠰᠠᠪᠠᠷ ᠢᠶᠠᠷ ᠵᠥᠭᠡᠭᠡᠨ ᠭᠠᠷᠭᠠᠵᠤ ᠨᠢᠮᠪᠠᠢ ᠰᠠᠶᠢᠬᠠᠨ ᠬᠡᠰᠡᠭᠯᠡᠨ ᠳᠡᠯᠭᠡᠵᠦ᠂ ᠬᠠᠲᠠᠭᠰᠠᠨ ᠢ ᠨᠢ ᠨᠢᠭᠡ ᠲᠡᠶᠢᠰᠢ | ᠳᠠᠯᠠᠩᠨᠠᠭᠤᠯᠤᠨ ᠣᠪᠣᠭᠠᠯᠠᠳᠠᠭ ᠪᠠᠶᠢᠭᠰᠠᠨ᠃ ᠪᠢ ᠡᠵᠢ ᠳᠡᠭᠡᠨ ᠲᠤᠰᠠ ᠪᠤᠯᠬᠤ ᠭᠡᠵᠦ ᠳᠡᠯᠳᠡᠭᠡᠨᠡᠵᠦ ᠡᠮᠦᠨᠡ ᠬᠤᠶᠢᠨᠠ ᠨᠢ ᠭᠦᠶᠦᠵᠦ ᠪᠠᠶᠢᠭᠠᠳ ᠨᠦᠢᠲᠠᠨ | ᠪᠠᠭᠠᠰᠤᠨ ᠳᠡᠭᠡᠷᠡ ᠪᠢᠯᠳᠠ ᠳᠠᠷᠤᠨ ᠤᠨᠠᠵᠤ ᠬᠤᠪᠴᠠᠰᠤ ᠬᠤᠨᠠᠷ ᠢᠶᠠᠨ ᠪᠣᠬᠢᠷᠲᠤᠭᠤᠯᠬᠤ ᠳᠤ ᠡᠵᠢ ᠮᠢᠨᠢ ᠬᠠᠷᠢᠨ ︽ᠬᠠᠶᠢᠷᠠᠨ ᠠᠷᠭᠠᠯ ᠢ ᠬᠡᠮᠬᠡᠯᠴᠢᠬᠡᠯᠡ︕︾ | ᠭᠡᠵᠦ ᠤᠴᠠᠭᠠᠷᠯᠠᠬᠤ ᠳᠤᠨᠢ ᠪᠢ ᠠᠷᠭᠠᠯ ᠢ ᠦᠷᠡ ᠠᠴᠠ ᠪᠠᠨ ᠢᠯᠡᠭᠦᠦ ᠬᠠᠶᠢᠷᠠᠯᠠᠳᠠᠭ ᠡᠵᠢ ᠳᠡᠭᠡᠨ ᠭᠤᠮᠣᠳᠠᠨ ᠤᠰᠤᠨ ᠨᠢᠳᠦᠯᠡᠬᠦ ᠳᠤ ᠡᠵᠢ ᠮᠢᠨᠢ ᠥᠬᠦᠭᠡᠷᠳᠡᠨ | ᠦᠨᠦᠰᠴᠦ ᠰᠠᠶᠢᠬᠠᠨ ᠦᠯᠢᠭᠡᠷ ᠶᠠᠷᠢᠵᠤ ᠦᠭᠳᠡᠭ ᠪᠠᠶᠢᠭᠰᠠᠨ᠃ | 1981 ᠣᠨ ᠤ ᠴᠠᠭᠠᠨ ᠰᠠᠷᠠ ᠶᠢᠨ ᠬᠤᠷᠢᠳ ᠢᠶᠠᠷ ᠶᠡᠭᠡ ᠴᠠᠰᠤ ᠰᠢᠭᠤᠷᠤᠭᠰᠠᠨ ᠶᠤᠮ᠃ ᠲᠠᠭᠢᠶᠠ ᠵᠢᠯ ᠤᠨ ᠵᠤᠳ ᠭᠡᠳᠡᠭ ᠨᠢ ᠲᠡᠷᠡ᠃ ᠮᠠᠭᠤ ᠡᠷᠡ ᠶᠢᠨ | ᠮᠠᠯᠠᠭᠠᠢ ᠶᠢᠨ ᠴᠢᠨᠡᠭᠡ ᠴᠠᠰᠤ ᠬᠤᠶᠠᠷ ᠡᠳᠦᠷ ᠨᠢᠭᠡ ᠰᠥᠨᠢ ᠯᠠᠪᠰᠠᠯᠠᠭᠠᠳ ᠭᠠᠳᠠᠭᠰᠢ ᠪᠠᠨ ᠨᠡᠭᠡᠭᠡᠯᠭᠡ ᠲᠠᠢ ᠡᠭᠦᠳᠡ ᠨᠡᠭᠡᠭᠡᠭᠳᠡᠬᠦ ᠪᠠᠨ ᠪᠣᠯᠢᠵᠤ᠂ ᠬᠥᠮᠥᠰ | ᠴᠣᠩᠬᠤ ᠪᠠᠨ ᠨᠡᠭᠡᠭᠡᠨ ᠰᠢᠨᠡᠬᠡᠨ ᠴᠠᠭᠠᠨ ᠴᠠᠰᠤ ᠶᠢ ᠳᠡᠪᠢᠭᠦᠷ ᠢᠶᠠᠷ ᠬᠤᠳᠬᠤᠨ ᠠᠪᠴᠤ ᠴᠠᠢ ᠪᠠᠨ ᠴᠢᠨᠠᠵᠤ ᠪᠠᠶᠢᠵᠠᠢ᠃ | ︽ᠦᠢᠯᠡ ᠲᠠᠢ ᠬᠥᠮᠥᠨ ᠤ ᠦᠷᠡ︾ ᠭᠡᠵᠦ ᠶᠠᠭ ᠴᠢᠮᠠ ᠶᠢ ᠬᠡᠯᠡᠨᠡ᠃ ᠲᠡᠶᠢᠮᠦ ᠶᠡᠭᠡ ᠵᠤᠳ ᠤᠨ ᠬᠤᠷᠸᠠ ᠳᠤ ᠵᠠᠶᠠᠭᠠᠴᠢᠬᠠᠨᠠ ᠭᠡᠳᠡᠭ ᠴᠢᠨᠢ᠃ ᠭᠡᠷ ᠲᠤ | ᠣᠷᠣᠭᠤᠯᠤᠭᠰᠠᠨ ᠬᠡᠳᠦᠨ ᠰᠠᠭᠰᠤ ᠠᠷᠭᠠᠯ ᠳᠠᠭᠤᠰᠴᠢᠬᠠᠭᠠᠳ ᠴᠢᠯᠳᠡᠩ ᠬᠦᠢᠲᠡᠨ ᠭᠡᠷ ᠲᠤ ᠨᠢᠭᠡ ᠬᠠᠨᠵᠤᠨ ᠳᠤ ᠠᠪᠠᠭᠠ ᠨᠠᠷ ᠴᠢᠨᠢ ᠪᠥᠭᠡᠮᠨᠡᠷᠡᠨ ᠨᠦᠭᠦᠭᠡ | ᠬᠠᠨᠵᠤᠨ ᠳᠤ ᠪᠢ ᠳᠠᠪᠬᠤᠷ ᠳᠠᠪᠬᠤᠷ ᠭᠦᠨᠵᠢᠯᠡ ᠪᠠᠷ ᠣᠷᠢᠶᠠᠭᠠᠳ ᠬᠡᠪᠲᠡᠵᠦ ᠪᠠᠶᠢᠯᠠ᠃ | ᠶᠠᠭ ᠲᠡᠷᠡ ᠦᠶᠡᠰ ᠴᠢᠨᠦᠬᠢ ᠪᠠᠨ ᠬᠥᠮᠥᠨ ᠪᠣᠯᠵᠤ ᠲᠤᠩᠬᠠᠭᠯᠠᠭᠰᠠᠨ ᠠᠩᠬᠠᠨ ᠤ ᠲᠠᠭᠤ ᠶᠢ ᠰᠣᠨᠣᠰᠴᠤ ︽ᠦᠷᠡ ᠲᠠᠢ ᠬᠥᠮᠥᠨ ᠤ ᠡᠯᠢᠭᠡ ᠥᠨᠳᠡᠯᠵᠡᠬᠦ︾ | ᠶᠣᠰᠣ ᠪᠠᠷ ᠮᠠᠨ ᠤ ᠭᠡᠷ ᠲᠤ ᠪᠥᠭᠡᠮ ᠪᠠᠶᠠᠷ ᠪᠣᠯᠤᠭᠰᠠᠨ᠃ ᠠᠪᠤ ᠴᠢᠨᠢ ᠤᠨᠠᠨ ᠲᠤᠰᠤᠨ ᠠᠷᠭᠠᠯ ᠤᠨ ᠣᠪᠣᠭᠠ ᠵᠦᠭ ᠱᠤᠩᠭᠤᠯᠠᠪᠠ᠃ ᠠᠱᠢᠭᠦᠢ ᠮᠠᠨ ᠤ ᠭᠡᠷ ᠤᠨ | ᠠᠷᠭᠠᠯ ᠤᠨ ᠣᠪᠣᠭᠠ ᠥᠨᠳᠥᠷ ᠪᠠᠶᠢᠳᠠᠭ ᠢᠶᠠᠷ ᠴᠠᠰᠤᠨ ᠳᠤ ᠪᠤᠯᠠᠬᠳᠠᠭᠠ ᠦᠭᠡᠢ ᠣᠷᠣᠢ ᠨᠢ ᠬᠠᠷᠠᠯᠠᠨ ᠬᠠᠷᠠᠭᠳᠠᠵᠤ ᠪᠠᠶᠢᠵᠠᠢ᠃ ᠲᠡᠭᠡᠭᠡᠳ ᠯᠡ ᠴᠢᠮᠠ ᠪᠠᠨ | ᠪᠦᠯᠢᠶᠡᠰᠬᠡᠨ ᠠᠪᠤᠭᠰᠠᠨ ᠪᠠᠶᠢᠬᠤ ᠦᠭᠡᠢ ᠤᠤ ᠁ ᠡᠵᠢ ᠮᠢᠨᠢ ᠠᠳᠡ ᠭᠦᠷᠳᠡᠯᠡ ᠶᠠᠷᠢᠭᠠᠳ ᠠᠷᠭᠠᠯ ᠤᠨ ᠣᠪᠣᠭᠠ ᠪᠠᠨ ᠰᠡᠮᠡᠭᠡᠷ ᠬᠠᠷᠠᠵᠤ ᠵᠤᠤᠮᠠᠯᠵᠠᠨ ᠢᠨᠢᠶᠡᠪᠡ | ᠃ | ᠬᠥᠳᠡᠭᠡ ᠶᠢᠨ ᠬᠡᠦᠬᠡᠳ ᠤᠨ ᠬᠠᠮᠤᠭ ᠲᠦᠷᠦᠭᠦᠨ ᠳᠤ ᠬᠢᠵᠦ ᠰᠤᠷᠳᠠᠭ ᠨᠢ ᠡᠵᠢ ᠪᠠᠨ ᠬᠠᠪᠰᠤᠷᠴᠤ ᠬᠠᠭᠠᠰ ᠰᠠᠭᠰᠤ ᠠᠷᠭᠠᠯ ᠢᠶᠠᠨ ᠭᠤᠭᠤᠵᠢᠭᠤᠯᠤᠨ | ᠴᠤᠪᠤᠭᠤᠯᠤᠨ ᠲᠣᠭᠤᠭᠠᠨ ᠭᠡᠷ ᠲᠤ ᠣᠶᠢᠷᠠᠲᠤᠭᠤᠯᠬᠤ ᠠᠵᠢᠯ ᠪᠣᠯᠣᠨᠠ᠃ ᠲᠡᠷᠡ ᠦᠶᠡ ᠳᠤ ︽ᠮᠢᠨᠤ ᠬᠡᠦᠬᠡᠨ ᠠᠷᠭᠠᠯ ᠠᠪᠴᠢᠷᠠᠬᠤ ᠲᠡᠩᠬᠡᠭᠡ ᠲᠠᠢ ᠪᠣᠯᠣᠯᠠ︕︾ | ᠭᠡᠳᠡᠭ ᠦᠭᠡ ᠰᠢᠬᠢᠷ ᠪᠤᠷᠠᠮ ᠠᠴᠠ ᠠᠮᠲᠠᠲᠠᠢ ᠰᠠᠨᠠᠭᠳᠠᠳᠠᠭ ᠪᠠᠶᠢᠭᠰᠠᠨ᠃ ᠡᠪᠦᠯ ᠤᠨ ᠠᠮᠠᠷᠠᠯᠲᠠ ᠲᠠᠯᠪᠢᠭᠰᠠᠭᠠᠷ ᠡᠷᠲᠡᠯᠡᠨ ᠪᠣᠰᠴᠤ ᠬᠤᠪᠴᠠᠰᠤ ᠮᠠᠯᠠᠭᠠᠢ ᠪᠠᠨ | ᠵᠤᠵᠠᠭᠠᠯᠠᠨ᠂ ᠵᠢᠵᠢᠭ ᠠᠷᠤᠭ ᠢᠶᠠᠨ ᠡᠭᠦᠷᠴᠦ ᠵᠡᠭᠦᠨ ᠪᠠᠷᠠᠭᠤᠨ ᠠᠶᠢᠯ ᠤᠨ ᠬᠡᠦᠬᠡᠳ ᠲᠠᠢ ᠤᠷᠤᠯᠳᠤᠨ ᠬᠥᠯᠳᠡᠭᠦᠰᠦ ᠲᠡᠭᠦᠳᠡᠭ ᠠᠯᠳᠠᠷᠠᠢ ᠪᠠᠭᠠ ᠨᠠᠰᠤ ᠮᠢᠨᠢ | ᠶᠠᠭᠠᠬᠢᠭᠰᠠᠨ ᠰᠡᠷᠮᠡᠭᠦᠬᠡᠨ ᠪᠠᠶᠢᠯᠠ⁈ | ᠪᠢ ᠥᠭᠡᠳᠡ ᠲᠠᠪᠢᠯᠠᠩ ᠢᠶᠠᠷ ᠬᠠᠭᠤᠴᠢ ᠲᠡᠦᠬᠡ ᠶᠡᠬᠡᠲᠡᠢ ᠬᠤᠷᠴᠢᠨ ᠨᠤᠲᠤᠭ ᠲᠤ ᠵᠠᠶᠠᠭᠠᠭᠰᠠᠨ ᠬᠥᠮᠥᠨ᠃ ᠡᠪᠦᠯ ᠤᠨ ᠤᠷᠳᠤ ᠰᠥᠨᠢ ᠠᠷᠭᠠᠯ ᠢᠶᠠᠨ ᠵᠤᠤᠬᠠ | ᠳᠦᠭᠦᠷᠲᠡᠯᠡ ᠨᠡᠮᠡᠨ᠂ ᠦᠳᠡᠯᠦᠭᠡ ᠵᠠᠯᠠᠭᠤ ᠪᠦᠭᠦᠳᠡᠭᠡᠷ ᠬᠠᠨᠵᠤ ᠳᠦᠭᠦᠷᠡᠩ ᠰᠠᠭᠤᠵᠤ᠂ ᠬᠠᠷᠠ ᠴᠠᠢ ᠪᠠᠨ ᠣᠭᠤᠴᠢᠯᠠᠨ᠂ ᠬᠤᠭᠤᠷ ᠤᠨ ᠦᠯᠢᠭᠡᠷ ᠰᠤᠨᠤᠰᠬᠤ ᠪᠤᠶᠤ | ᠦᠯᠢᠭᠡᠷᠲᠦ ᠳᠠᠭᠤᠤ ᠠᠴᠠ ᠬᠡᠳᠦᠨ ᠪᠠᠳᠠᠭ ᠶᠠᠪᠤᠭᠤᠯᠬᠤ ᠳᠤ ᠠᠷᠭᠠᠯ ᠤᠨ ᠳᠤᠯᠠᠭᠠᠨ ᠢᠯᠴᠢᠨ ᠠᠴᠠ ᠠᠶᠢᠷᠠᠭ ᠤᠨ ᠬᠦᠴᠦ᠂ ᠠᠮᠢᠳᠤᠷᠠᠯ ᠤᠨ ᠢᠯᠴᠢ ᠠᠮᠲᠠᠭᠳᠠᠨ | ᠤᠯᠠᠨ ᠵᠠᠭᠤᠨ ᠵᠢᠯ ᠤᠨ ᠲᠤᠷᠰᠢ ᠣᠷᠴᠢᠭᠰᠠᠭᠠᠷ ᠢᠷᠡᠭᠰᠡᠨ ᠨᠡᠭᠦᠳᠡᠯᠴᠢᠨ ᠮᠣᠩᠭᠤᠯᠴᠤᠳ ᠤᠨ ᠮᠢᠨᠢ ᠤᠯᠠ ᠮᠥᠷ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠲᠣᠳᠣᠷᠠᠨᠠ᠃ | ᠠᠷᠭᠠᠯ ᠤᠨ ᠭᠠᠯ ᠪᠠᠶᠢᠭᠰᠠᠨ ᠠᠴᠠ ᠬᠥᠳᠡᠭᠡ ᠨᠤᠲᠤᠭ ᠤᠨ ᠠᠮᠢᠳᠤᠷᠠᠯ ᠬᠠᠯᠠᠭᠤᠨ ᠳᠤᠯᠠᠭᠠᠨ᠂ ᠠᠷᠭᠠᠯ ᠤᠨ ᠭᠠᠯ ᠳᠦᠷᠡᠯᠵᠡᠨ ᠨᠣᠴᠣᠵᠤ ᠪᠠᠶᠢᠳᠠᠭ ᠠᠴᠠ | ᠮᠣᠩᠭᠤᠯᠴᠤᠳ ᠤᠨ ᠮᠢᠨᠢ ᠲᠤᠯᠭᠠ ᠶᠢᠨ ᠭᠠᠯ ᠮᠥᠩᠬᠡ ᠴᠤᠭ ᠲᠠᠢ ᠬᠡᠪ ᠢᠶᠠᠷ ᠢᠶᠠᠨ᠃ | ᠠᠪᠤ ᠮᠢᠨᠢ ᠥᠷᠯᠥᠭᠡ ᠠᠴᠠ ᠦᠳᠡᠰᠢ᠂ ᠦᠳᠡᠰᠢ ᠠᠴᠠ ᠥᠷᠯᠥᠭᠡ ︽ᠥᠷᠥ ᠶᠤ᠋ ᠵᠢᠷᠦᠬᠡ ᠮᠢᠨᠢ︾ ᠭᠡᠵᠦ ᠮᠥᠰᠥ ᠤᠬᠠᠭᠠᠨ ᠢᠶᠠᠨ ᠰᠢᠪᠬᠠᠨ ᠬᠤᠷᠸᠠ ᠶᠢᠨ | ᠲᠡᠩᠭᠡᠯᠢᠭ ᠲᠡᠩᠴᠡᠭᠦᠷᠢᠰᠢᠭᠦᠯᠦᠨᠡ᠃ ᠬᠤᠨᠤᠭ ᠤᠨ ᠰᠢᠪᠠᠭᠤᠳ ᠤᠨ ᠵᠢᠷᠭᠢᠭᠡ ᠲᠠᠭᠠᠨ ᠪᠤᠭᠤᠷᠤᠯᠲᠤᠬᠤ ᠠᠪᠤ ᠪᠠᠨ ᠬᠠᠷᠠᠭᠠᠳ ᠤᠶᠠᠷᠠᠬᠤ ᠳᠤ ᠠᠷᠭᠠᠯ ᠤᠨ ᠴᠡᠩᠬᠡᠷ | ᠤᠳᠤᠭᠠ ᠥᠯᠵᠡᠢ ᠵᠠᠩᠭᠢᠶᠠ ᠵᠠᠩᠭᠢᠳᠤᠨ ᠠᠯᠤᠰ ᠤᠨ ᠣᠭᠲᠠᠷᠭᠤᠢ ᠳᠤ ᠰᠤᠨᠤᠯᠵᠠᠵᠤ᠂ ᠤᠷᠳᠤ ᠶᠢᠨ ᠤᠷᠳᠦ ᠠᠮᠢᠳᠤᠷᠠᠯ ᠲᠡᠦᠬᠡ ᠲᠡᠨᠳᠡ ᠠᠴᠠ ᠴᠡᠩᠬᠡᠷᠯᠡᠨ | ᠬᠠᠷᠠᠭᠳᠠᠨᠠ᠃ |