| ᠴᠠᠰᠤ ᠣᠷᠣᠬᠤ ᠪᠠᠷ ᠰᠠᠨᠠᠭᠠ ᠣᠨᠳᠣᠷᠣᠨᠠ | ᠴᠡᠩᠬᠡᠷ ᠲᠡᠭᠷᠢ ᠪᠠᠨ ᠨᠠᠮᠠᠶᠢᠳᠠᠯᠠ ᠰᠢᠷᠳᠡᠨᠡ | ᠴᠠᠭᠠᠨᠠ ᠠᠴᠠ ᠬᠠᠪᠤᠷ ᠢᠷᠡᠵᠦ ᠪᠤᠢ ᠶᠢᠨ ᠰᠤᠪᠢᠩ | | | ᠰᠢᠭᠤᠷᠭᠠ ᠪᠤᠵᠢᠭᠢᠨᠠᠬᠤ ᠪᠠᠷ ᠪᠤᠳᠣᠯ ᠬᠥᠭᠯᠡᠷᠡᠨᠡ | ᠰᠢᠵᠢᠷᠭᠡᠨ ᠳᠡᠯᠡᠬᠡᠢ ᠪᠠᠨ ᠤᠶᠠᠷᠠᠲᠠᠯᠠ ᠰᠦᠯᠡᠨᠡ | ᠰᠠᠯᠬᠢᠨ ᠤ ᠡᠷᠴᠢ ᠪᠤᠴᠠᠵᠤ ᠪᠤᠢ ᠶᠢᠨ ᠰᠤᠪᠢᠩ | | | ᠡᠭᠦᠯᠡ ᠨᠡᠭᠦᠬᠦ ᠪᠠᠷ ᠰᠡᠳᠬᠢᠯ ᠬᠥᠭᠰᠡᠨᠡ | ᠥᠷᠥ ᠵᠢᠷᠦᠬᠡᠨ ᠳᠤ ᠲᠡᠦᠬᠡ ᠠᠨᠢᠷᠲᠤᠨᠠ | ᠦᠯᠢᠭᠡᠷ ᠤᠨ ᠮᠣᠷᠢᠳ ᠦᠦᠷᠰᠡᠵᠦ ᠪᠤᠢ ᠶᠢᠨ ᠰᠤᠪᠢᠩ | | | ᠴᠠᠰᠤ ᠰᠡᠮᠡᠷᠡᠬᠦ ᠪᠠᠷ ᠬᠠᠶᠢᠷᠠ ᠮᠡᠯᠳᠡᠷᠡᠨᠡ | ᠴᠡᠭᠡᠵᠢᠨ ᠤ ᠪᠤᠬᠢᠨᠢᠳᠤᠯ ᠠᠷᠢᠭᠤᠰᠣᠨ ᠠᠭᠤᠵᠢᠷᠠᠨᠠ | ᠴᠠᠮᠴᠠᠨ ᠤ ᠡᠩᠭᠡᠷ ᠠᠴᠠ ᠰᠦ ᠦᠨᠦᠷᠲᠦᠵᠦ ᠪᠤᠢ ᠶᠢᠨ ᠰᠤᠪᠢᠩ | | | ᠦᠦᠷ ᠴᠠᠶᠢᠬᠤ ᠪᠠᠷ ᠬᠠᠷᠠᠭᠠ ᠵᠥᠭᠡᠯᠡᠷᠡᠨᠡ | ᠠᠭᠤᠯᠠᠰ ᠤᠨ ᠪᠠᠷᠠ ᠵᠡᠷᠭᠡᠯᠭᠡ ᠬᠠᠶᠠᠯᠠᠨᠠ | ᠤᠷᠭᠤᠮᠠᠯ ᠪᠣᠳᠠᠰ ᠠᠮᠢᠯᠠᠵᠤ ᠪᠤᠢ ᠶᠢᠨ ᠰᠤᠪᠢᠩ | | | ᠨᠠᠷᠠᠨ ᠮᠠᠨᠳᠤᠬᠤ ᠪᠠᠷ ᠠᠮᠢᠳᠤᠷᠠᠯ ᠳᠠᠭᠤᠯᠠᠨᠠ | ᠨᠡᠭᠦᠳᠡᠯ ᠤᠨ ᠬᠠᠷᠭᠤᠢ ᠬᠥᠬᠡᠷᠡᠨ ᠳᠤᠷᠠᠶᠢᠨᠠ | ᠨᠠᠭᠠᠰᠢᠯᠠᠵᠤ ᠪᠠᠶᠢᠭᠠ ᠪᠦᠭᠦᠨ ᠴᠡᠴᠡᠭᠯᠡᠵᠦ ᠪᠤᠢ ᠶᠢᠨ ᠰᠤᠪᠢᠩ | | | ᠴᠠᠢ ᠪᠠᠨ ᠤᠤᠭᠤᠬᠤ ᠪᠠᠷ ᠳᠤᠷᠠᠰᠤᠯ ᠭᠦᠪᠦᠷᠡᠨᠡ | ᠴᠡᠴᠡᠭ ᠤᠨ ᠰᠢᠭᠦᠳᠡᠷᠢ ᠲᠠᠩᠨᠠᠢ ᠳᠤ ᠠᠮᠲᠠᠭᠳᠠᠨᠠ | ᠴᠠᠶᠢᠯᠭᠠᠨ ᠡᠵᠢ ᠪᠠᠨ ᠰᠠᠨᠠᠵᠤ ᠪᠤᠢ ᠶᠢᠨ ᠰᠤᠪᠢᠩ | | | ᠠᠳᠤᠭᠤᠨ ᠤ ᠴᠢᠮᠡᠭᠡ ᠪᠠᠷ ᠨᠤᠲᠤᠭ ᠨᠠᠯᠠᠭᠠᠷᠳᠠᠨᠠ | ᠠᠩᠭᠢᠷᠬᠠᠨ ᠨᠠᠰᠣᠨ ᠤ ᠠᠭᠠᠯᠢ ᠲᠣᠳᠣᠷᠠᠨᠠ | ᠠᠴᠢᠲᠤ ᠠᠪᠤ ᠪᠠᠨ ᠦᠭᠡᠶᠢᠯᠡᠵᠦ ᠪᠤᠢ ᠶᠢᠨ ᠰᠤᠪᠢᠩ | | | ᠬᠠᠪᠤᠷ ᠢᠷᠡᠬᠦ ᠪᠠᠷ ᠮᠥᠷᠥᠭᠡᠳᠦᠯ ᠵᠦᠰᠡᠷᠡᠨᠡ | ᠬᠠᠪᠤᠷᠵᠢᠶᠠᠨ ᠤ ᠳᠤᠤᠯᠢᠶᠠᠨ ᠳᠤ ᠵᠢᠷᠭᠠᠯ ᠪᠢᠯᠬᠠᠷᠠᠨᠠ | ᠬᠠᠷᠠᠭᠠᠨ ᠵᠦᠭ ᠤᠨ ᠲᠡᠭᠷᠢ ᠨᠠᠮᠬᠠᠷᠠᠵᠤ ᠪᠤᠢ ᠶᠢᠨ ᠰᠤᠪᠢᠩ | |