| ᠭᠤᠷᠪᠠᠨ ᠵᠠᠭᠤ ᠵᠢᠷᠠᠨ ᠲᠠᠪᠤᠨ ᠡᠳᠦᠷ ᠢ ᠮᠥᠷᠥᠯᠡᠵᠦ | ᠭᠤᠸᠠ ᠰᠢᠷᠭᠠᠯ ᠨᠠᠷᠠᠨ ᠤ ᠠᠯᠳᠠᠨ ᠰᠠᠴᠤᠷᠠᠭ ᠲᠠᠮᠤᠵᠤ | ᠬᠡᠭᠡᠷᠡ ᠬᠤᠨᠣᠭᠰᠠᠨ ᠵᠢᠬᠡᠭᠦᠨ ᠰᠠᠯᠬᠢᠨ ᠤ ᠴᠢᠬᠢᠨ ᠳᠤ | ᠭᠦᠳᠡᠯᠮᠦᠷᠢ ᠶᠢᠨ ᠪᠠᠶᠠᠷ ᠵᠢᠷᠭᠠᠯ ᠳᠠᠭᠤᠯᠠᠭᠰᠠᠨ ᠲᠠ | | | ᠭᠦᠯᠦᠭ ᠤᠨ ᠵᠢᠯᠣᠭᠤ ᠳᠤᠭᠲᠤᠷᠴᠤ ᠠᠳᠤᠭᠤᠨ ᠤ ᠲᠠᠯᠠ ᠳᠤ ᠮᠣᠷᠳᠠᠬᠤ ᠳᠠᠭᠠᠨ | ᠬᠥᠳᠡᠯᠮᠦᠷᠢᠴᠢᠨ ᠤ ᠳᠠᠷᠬᠠᠨ ᠬᠡᠶᠢᠮᠣᠷᠢ ᠶᠢ ᠦᠶᠡ ᠵᠠᠯᠭᠠᠨ ᠮᠠᠨᠳᠤᠭᠤᠯᠵᠤ | ᠬᠦᠷᠳᠦᠲᠦ ᠲᠡᠷᠭᠡ ᠪᠠᠨ ᠨᠢᠰᠬᠡᠵᠦ ᠡᠪᠦᠯᠵᠢᠶᠡ ᠪᠠᠨ ᠨᠢᠭᠡ ᠡᠷᠭᠢᠬᠦ ᠳᠡᠭᠡᠨ | ᠭᠦᠳᠡᠯᠮᠦᠷᠢ ᠦᠢᠯᠡᠰ ᠤᠨ ᠬᠤᠷᠳᠤ ᠶᠢ ᠡᠷᠢᠨ ᠤ ᠮᠡᠯᠮᠡᠢ ᠳᠤ ᠭᠠᠶᠢᠬᠠᠭᠤᠯᠵᠤ | | | ᠢᠰᠡᠭᠡᠢ ᠤᠭᠤᠲᠠ ᠲᠠᠢ ᠬᠤᠷᠠᠭᠠ ᠪᠠᠨ ᠬᠠᠪᠤᠷ ᠲᠠᠢ ᠡᠭᠦᠷᠴᠦ ᠢᠷᠡᠬᠦ ᠳᠤ | ᠬᠥᠳᠡᠯᠮᠦᠷᠢᠴᠢᠨ ᠲᠠᠨ ᠤ ᠪᠠᠶᠠᠰᠤᠯ ᠪᠣᠯ ᠲᠥᠯ ᠤᠨ ᠳᠠᠭᠤ ᠶᠤᠮ ᠰᠢᠦ | ᠢᠩᠭᠡᠨ ᠲᠡᠮᠡᠭᠡ ᠤᠶᠠᠷᠠᠭᠠᠵᠤ ᠭᠤᠯᠣᠭᠳᠠᠭᠰᠠᠨ ᠪᠣᠲᠣᠭᠤ ᠠᠪᠤᠭᠤᠯᠬᠤ ᠳᠤ | ᠬᠥᠳᠡᠯᠮᠦᠷᠢᠴᠢᠨ ᠲᠠᠨ ᠤ ᠵᠢᠷᠭᠠᠯ ᠪᠣᠯ ᠬᠠᠶᠢᠷᠠ ᠶᠢᠨ ᠠᠶᠠᠯᠭᠤ ᠶᠤᠮ ᠰᠢᠦ | | | ᠡᠩ ᠴᠢᠴᠤᠷᠠᠨ ᠳᠠᠪᠠᠯᠭᠠᠯᠠᠬᠤ ᠡᠪᠡᠰᠦᠨ ᠤ ᠪᠠᠶᠠᠨ ᠳᠠᠯᠠᠢ ᠪᠣᠯ | ᠡᠬᠡ ᠭᠠᠵᠠᠷ ᠠᠴᠠ ᠲᠠᠨ ᠳᠤ ᠪᠠᠷᠢᠭᠰᠠᠨ ᠨᠠᠨᠳᠢᠨ ᠪᠡᠯᠡᠭ ᠶᠤᠮ ᠰᠢᠦ | ᠡᠭᠦᠯᠡᠨ ᠤ ᠭᠡᠵᠢᠭᠡ ᠪᠣᠯᠵᠤ ᠨᠠᠮᠢᠷᠠᠭᠰᠠᠨ ᠵᠥᠭᠡᠯᠡᠨ ᠴᠡᠩᠬᠡᠷ ᠪᠣᠷᠤᠭᠠ ᠪᠣᠯ | ᠡᠴᠢᠭᠡ ᠲᠡᠭᠷᠢ ᠠᠴᠠ ᠲᠠᠨ ᠳᠤ ᠬᠠᠶᠢᠷᠠᠯᠠᠭᠰᠠᠨ ᠬᠡᠰᠢᠭ ᠪᠤᠶᠠᠨ ᠶᠤᠮ ᠰᠢᠦ | | | ᠰᠢᠷᠬᠡᠭ ᠰᠢᠷᠬᠡᠭ ᠡᠪᠡᠰᠦ ᠬᠥᠳᠡᠯᠮᠦᠷᠢᠴᠢᠳ ᠤᠨ ᠳᠠᠭᠤᠤ ᠪᠠᠷ ᠭᠠᠩᠬᠤᠨᠠ | ᠴᠢᠭᠢᠭ᠂ ᠢᠯᠴᠢ᠂ ᠭᠡᠷᠡᠯ ᠢ ᠭᠠᠷ ᠠᠴᠠ ᠴᠢᠨᠢ ᠭᠦᠷᠲᠡᠭᠡᠳ ᠲᠡᠷᠡ ᠰᠢᠦ | ᠰᠢᠪᠡᠭᠡᠨ ᠳᠣᠲᠣᠷᠠᠬᠢ ᠥᠨᠥᠴᠢᠨ ᠬᠤᠷᠠᠭᠠ ᠬᠥᠳᠡᠯᠮᠦᠷᠢᠴᠢᠳ ᠤᠨ ᠭᠠᠷ ᠢᠶᠠᠷ ᠬᠥᠷᠥᠪᠡᠵᠢᠨᠡ | ᠴᠢᠩ ᠵᠢᠷᠦᠬᠡᠨ ᠠᠴᠠ ᠴᠢᠨᠢ ᠤᠨᠳᠤᠷᠣᠬᠰᠠᠨ ᠬᠠᠶᠢᠷᠠ ᠶᠢ ᠭᠦᠷᠲᠡᠭᠡᠳ ᠲᠠᠷᠠ ᠰᠢᠦ | | | ᠬᠠᠪᠤᠷ ᠤᠨ ᠰᠠᠯᠬᠢᠨ ᠳᠤ ᠬᠥᠳᠡᠯᠮᠦᠷᠢᠴᠢᠳ ᠬᠠᠪᠢᠷᠭᠠ ᠪᠠᠨ ᠨᠡᠪᠳᠡᠯᠡᠭᠦᠯᠵᠤ ᠶᠠᠪᠤᠬᠤ ᠳᠠᠭᠠᠨ | ᠬᠠᠶᠠ ᠴᠤᠬᠤᠶᠢᠬᠤ ᠨᠢᠯᠬᠠ ᠨᠣᠭᠤᠭᠠ ᠠᠴᠠ ᠲᠠᠶᠢᠳᠬᠤᠷᠠᠯ ᠤᠨ ᠵᠢᠷᠭᠠᠯ ᠣᠯᠳᠠᠭ ᠭᠡᠨᠡ | ᠬᠠᠯᠠᠭᠤᠨ ᠵᠤᠨ ᠢᠶᠠᠷ ᠬᠥᠳᠡᠯᠮᠦᠷᠢᠴᠢᠳ ᠨᠠᠷᠠᠨ ᠤ ᠳᠣᠣᠷᠠ ᠵᠢᠳᠬᠦᠬᠦ ᠳᠡᠭᠡᠨ | ᠬᠠᠶᠠ ᠰᠡᠪᠢᠯᠵᠡᠬᠦ ᠰᠡᠷᠢᠭᠦᠨ ᠵᠢᠪᠠᠷ ᠠᠴᠠ ᠦᠯᠡᠮᠵᠢ ᠶᠢᠨ ᠲᠠᠭᠠ ᠶᠢ ᠡᠳ᠋ᠯᠡᠳᠡᠭ ᠭᠡᠨᠡ | | | ᠨᠠᠮᠤᠷ ᠤᠨ ᠬᠡᠭᠡᠷᠡ ᠬᠥᠳᠡᠯᠮᠦᠷᠢᠴᠢᠳ ᠡᠪᠡᠰᠦᠨ ᠤ ᠶᠠᠷᠢᠶᠠ ᠶᠢ ᠴᠢᠩᠨᠠᠬᠤ ᠳᠤ | ᠨᠡᠯᠦ᠋ᠢᠵᠦ ᠪᠠᠶᠢᠭᠠ ᠬᠠᠳᠤᠯᠠᠩ ᠠᠴᠠ ᠪᠠᠨ ᠥᠩ ᠡᠪᠦᠯ ᠢᠶᠠᠨ ᠮᠡᠳᠡᠷᠡᠳᠡᠭ ᠭᠡᠨᠡ | ᠡᠪᠦᠯ ᠤᠨ ᠬᠦᠢᠲᠡᠨ ᠳᠤ ᠤᠲᠤᠮᠠᠯ ᠳᠠᠪᠠᠯ ᠲᠠᠢ ᠰᠠᠯᠬᠢ ᠰᠥᠷᠦᠨ ᠳᠠᠪᠬᠢᠭᠤᠯᠬᠤ ᠳᠠᠭᠠᠨ | ᠥᠯᠴᠢᠷ ᠪᠠᠶᠢᠭᠠᠯᠢ ᠶᠢᠨ ᠮᠥᠩᠭᠦᠨ ᠡᠪᠦᠷ ᠲᠤ ᠦᠷᠡ ᠶᠢᠨ ᠶᠣᠰᠣᠭᠠᠷ ᠪᠥᠮᠪᠥᠷᠢᠳᠡᠭ ᠭᠡᠨᠡ | | | ᠠᠮᠤ ᠳᠠᠷᠢᠶᠠ ᠠᠴᠠ ᠠᠰᠬᠠᠷᠠᠵᠤ ᠢᠷᠡᠬᠦ ᠮᠥᠬᠦᠯᠢᠭ ᠮᠥᠬᠦᠯᠢᠭ ᠠᠯᠳᠠ | ᠬᠥᠳᠡᠯᠮᠦᠷᠢᠴᠢᠨ ᠲᠦᠮᠡᠨ ᠤ ᠳᠤᠰᠤᠯ ᠳᠤᠰᠤᠯ ᠬᠥᠯᠥᠰᠦ ᠶᠤᠮ ᠰᠢᠦ | ᠠᠶᠢᠯ ᠤᠨ ᠠᠷᠤ ᠳᠤ ᠨᠡᠯᠦ᠋ᠢᠭᠰᠡᠨ ᠪᠠᠶᠠᠨ ᠴᠠᠭᠠᠨ ᠰᠦᠷᠦᠭ | ᠬᠥᠳᠡᠯᠮᠦᠷᠢᠴᠢᠨ ᠤᠯᠠᠨ ᠤ ᠥᠷᠯᠥᠭᠡ ᠦᠳᠡᠰᠢ ᠶᠢᠨ ᠵᠢᠳᠬᠦᠯ ᠶᠤᠮ ᠰᠢᠦ | | | ᠬᠤᠷᠸᠠ ᠲᠠᠨ ᠤ ᠠᠯᠠᠭᠠᠨ ᠳᠡᠭᠡᠷᠡ ᠲᠠᠶᠢᠪᠤᠩ ᠡᠷᠭᠢᠨᠡ ᠭᠡᠵᠦ ᠪᠤᠳᠤᠬᠤ ᠳᠤ | ᠬᠡᠨ ᠠᠴᠠ ᠴᠤ ᠠᠭᠤᠤ ᠲᠠᠨ ᠰᠢᠭ᠋ ᠬᠥᠮᠥᠨ ᠢ ᠪᠢ ᠡᠷᠢᠵᠦ ᠣᠯᠬᠤ ᠦᠭᠡᠢ ᠶᠤᠮ ᠠ᠋ | ᠬᠡᠳᠦᠬᠡᠨ ᠪᠠᠳᠠᠭ ᠰᠢᠯᠦᠭ ᠢᠶᠠᠷ ᠠᠯᠳᠠᠷ ᠢ ᠴᠢᠨᠢ ᠮᠢᠯᠢᠶᠠᠭᠰᠠᠨ ᠢᠶᠠᠨ ᠪᠤᠳᠤᠬᠤ ᠳᠤ | ᠬᠡᠲᠦᠷᠬᠡᠢ ᠠᠤᠭᠠ ᠵᠢᠳᠬᠦᠯ ᠤᠨ ᠴᠢᠨᠢ ᠳᠡᠷᠭᠡᠳᠡ ᠳᠡᠩᠳᠡᠭᠦᠦ ᠥᠴᠥᠬᠡᠨ ᠭᠡᠵᠦ ᠵᠣᠪᠠᠭ᠋ᠤ ᠶᠤᠮ ᠠ᠋ ᠁ | |