| ᠶᠠᠭᠠᠨ ᠴᠠᠭᠠᠨ ᠴᠡᠴᠡᠭᠡᠰ ᠢᠰᠪᠡᠯᠵᠡᠨ ᠵᠠᠳᠠᠷᠠᠨᠠ | ᠶᠠᠭᠠᠬᠢᠬᠤ ᠳᠠᠭᠠᠨ ᠰᠠᠯᠬᠢ ᠡᠩᠭᠡᠷ ᠤᠷᠤᠭᠤ ᠰᠡᠪᠡᠯᠵᠡᠭᠡᠳ ᠪᠠᠶᠢᠬᠤ ᠪᠤᠢ | ᠶᠠᠮᠠᠷ ᠶᠡᠭᠡ ᠳᠣᠭᠳᠣᠯᠤᠯ ᠮᠥᠷᠥᠭᠡᠳᠦᠯ ᠪᠤᠢ᠂ ᠶᠡᠭᠡ ᠪᠠᠶᠢᠭᠠᠯᠢ ᠶᠢᠨ ᠡᠮᠦᠨᠡ | ᠨᠠᠮᠤᠭᠤᠬᠠᠨ ᠲᠣᠭᠲᠠᠭᠤᠨ ᠁ | ᠬᠤᠷᠠ ᠪᠣᠷᠣᠭᠠᠨ ᠤᠳᠠᠯ ᠦᠭᠡᠢ ᠢᠷᠡᠨᠡ᠂ ᠬᠤᠨ ᠰᠢᠪᠠᠭᠤᠳ ᠴᠦ ᠢᠷᠡᠨᠡ | ᠢᠷᠡᠬᠦ ᠶᠣᠰᠣᠲᠠᠢ ᠵᠦᠢᠯ ᠤᠳ ᠪᠦᠷ ᠢᠷᠡᠨᠡ | ᠶᠡᠭᠡ ᠬᠠᠶᠢᠷᠠ ᠶᠢᠨ ᠳᠣᠭᠳᠣᠯᠤᠯ ᠢᠶᠠᠨ ᠮᠥᠴᠢᠷ ᠪᠦᠭᠦᠨ ᠳᠤ ᠡᠯᠭᠦᠭᠡᠳ | ᠳᠡᠯᠭᠡᠷᠡᠵᠦ ᠴᠡᠴᠡᠭᠯᠡᠵᠦ᠂ ᠦᠷᠡᠯᠡᠵᠦ ᠵᠢᠮᠢᠰᠯᠡᠬᠦ ᠶᠢ ᠬᠦᠯᠢᠶᠡᠨᠡ | ᠬᠠᠪᠤᠷ ᠠᠴᠠ ᠨᠠᠮᠤᠷ ᠪᠤᠯᠳᠠᠯᠠ ᠬᠦᠯᠢᠶᠡᠨᠡ | ᠨᠠᠮᠤᠷ ᠠᠴᠠ ᠬᠠᠪᠤᠷ ᠤᠷᠭᠤᠳᠠᠯᠠ ᠬᠦᠯᠢᠶᠡᠨᠡ | ᠴᠠᠭ ᠬᠤᠭᠤᠴᠠᠭᠠ᠂ ᠭᠱᠠᠨ ᠵᠠᠭᠤᠷᠠ ᠪᠠ ᠥᠨᠢ ᠮᠥᠩᠬᠡ ᠶᠢ ᠬᠡᠯᠬᠢᠭᠡᠳ | ᠰᠠᠶᠢᠪᠤᠷᠯᠠᠨᠠ᠂ ᠭᠠᠯᠭᠢᠭᠤᠯᠤᠨᠠ᠂ ᠳᠠᠪᠬᠢᠨᠠ ᠁ | ᠴᠢᠪ ᠴᠢᠮᠡᠭᠡ ᠦᠭᠡᠢ ᠪᠠᠶᠢᠲᠠᠯᠠ ᠳᠡᠷᠭᠡᠳᠡ ᠴᠢᠨᠢ ᠳᠡᠪᠳᠡᠷᠢᠨ ᠢᠷᠡᠬᠦ | ᠴᠢᠩ ᠬᠠᠶᠢᠷᠠ ᠶᠢᠨ ᠴᠡᠩᠬᠡᠷ ᠲᠠᠯᠠᠪᠴᠢ ᠲᠠᠢ ᠰᠢᠪᠠᠭᠤᠬᠠᠢ | ᠤᠯᠠᠨ ᠵᠢᠯ ᠤᠨ ᠡᠮᠦᠨᠡ ᠮᠥᠷᠥᠭᠡᠳᠦᠯ ᠤᠨ ᠮᠥᠴᠢᠷ ᠳᠡᠭᠡᠷᠡ ᠭᠠᠩᠭᠠᠨᠠᠭᠰᠠᠨ | ᠲᠡᠷᠡ ᠯᠠ ᠰᠢᠪᠠᠭᠤᠬᠠᠢ ᠪᠠᠶᠢᠵᠠᠢ ᠁ | | | ᠬᠤᠯᠠ ᠶᠢᠨ ᠬᠤᠯᠠ ᠶᠢ ᠵᠣᠷᠢᠭᠠᠳ | ᠬᠢᠵᠠᠭᠠᠷ ᠦᠭᠡᠢ ᠬᠤᠯᠠ ᠶᠢᠨ ᠬᠤᠯᠠ ᠶᠢ ᠵᠣᠷᠢᠭᠠᠳ | ᠬᠡᠨ ᠳᠤ ᠴᠦ ᠦᠯᠦ ᠦᠵᠡᠭᠳᠡᠮᠡᠷ | ᠬᠡᠵᠢᠶᠡ ᠴᠦ ᠡᠷᠭᠢᠵᠦ ᠢᠷᠡᠮᠡᠷ ᠦᠭᠡᠢ ᠤᠳᠬᠤ ᠶᠢ ᠬᠦᠰᠡᠨᠡᠮ | ᠬᠡᠨ ᠨᠢᠭᠡ ᠶᠢ ᠲᠣᠬᠤᠶᠢᠯᠳᠠᠨ ᠨᠢᠳᠦ ᠪᠠᠨ ᠠᠨᠢᠭᠠᠳ | ᠬᠠᠷᠠᠬᠤ ᠴᠦ ᠦᠭᠡᠢ᠂ ᠰᠣᠨᠣᠷᠳᠠᠬᠤ ᠴᠦ ᠦᠭᠡᠢ | ᠰᠡᠳᠬᠢᠯ ᠢᠶᠠᠷ ᠢᠶᠠᠨ ᠵᠠᠮᠨᠠᠬᠤ ᠶᠢ ᠳᠤᠷᠠᠯᠠᠨᠠᠮ︕ | ᠬᠠᠪᠤᠷ ᠤᠨ ᠰᠠᠯᠬᠢ ᠪᠠᠷ ᠢᠯᠪᠢᠭᠦᠯᠦᠭᠰᠡᠭᠡᠷ | ᠵᠤᠨ ᠤ ᠶᠢᠷᠲᠢᠨᠴᠦ ᠶᠢ ᠴᠢᠭᠯᠡᠨᠡᠮ | ᠵᠢᠷᠤᠭ ᠤᠨ ᠶᠤᠮ ᠰᠢᠭ᠋ ᠭᠠᠩᠭᠠᠩ ᠪᠠᠶᠢᠭᠠᠯᠢ ᠳᠤ | ᠵᠠᠭᠤᠨ ᠴᠡᠴᠡᠭᠡᠰ ᠲᠠᠢ ᠬᠠᠮᠲᠤ ᠳᠡᠯᠭᠡᠷᠡᠬᠦ ᠶᠢ ᠬᠦᠰᠡᠨᠡᠮ︕ | ᠨᠠᠮᠤᠷ ᠤᠨ ᠨᠠᠮᠤᠷ ᠲᠤ ᠦᠭᠡᠢ ᠠᠩᠭᠢᠷᠬᠠᠨ ᠡᠳᠦᠷ ᠤᠳ ᠢ | ᠨᠠᠪᠴᠢᠰ ᠲᠠᠢ ᠬᠠᠮᠲᠤ ᠬᠤᠮᠢᠨ ᠬᠤᠷᠢᠶᠠᠮᠠᠷ | ᠨᠠᠷᠠᠨ ᠤ ᠦᠨᠦᠷ ᠰᠢᠩᠭᠡᠭᠰᠡᠨ ᠲᠡᠷᠯᠢᠭ ᠤᠨ ᠢᠶᠠᠨ ᠬᠤᠷᠮᠣᠢ ᠶᠢ | ᠨᠢᠮᠪᠠᠶᠢᠯᠠᠨ ᠨᠢᠮᠪᠠᠶᠢᠯᠠᠨ ᠬᠠᠳᠠᠭᠠᠯᠠᠮᠠᠷ | ᠲᠡᠷᠡ ᠬᠤᠯᠠ ᠶᠢᠨ ᠡᠪᠦᠯ ᠢ ᠵᠣᠷᠢᠭᠠᠳ | ᠳᠡᠩᠳᠡᠭᠦᠦ ᠨᠠᠮᠤᠭᠤᠬᠠᠨ ᠨᠦᠢᠷᠰᠤᠮᠠᠷ᠃ | | |