| ᠨᠤᠲᠤᠭ ᠬᠡᠮᠡᠵᠦ ᠵᠠᠯᠠᠭᠤ ᠪᠠᠭᠠ ᠳᠠᠭᠠᠨ ᠰᠠᠯᠵᠤ ᠶᠠᠪᠤᠬᠤ ᠶᠢ ᠬᠦᠰᠡᠬᠦ ᠠᠲᠠᠯᠠ ᠬᠥᠭᠰᠢᠷᠡᠪᠡᠯ ᠬᠦᠷᠴᠦ ᠣᠴᠢᠬᠤ ᠪᠠᠷ ᠮᠥᠷᠥᠭᠡᠳᠳᠡᠭ ᠭᠠᠵᠠᠷ ᠪᠢᠯᠡ᠃ ᠡᠨᠡ ᠬᠦ | ᠵᠢᠷᠤᠮ ᠢ ᠮᠥᠷᠳᠡᠵᠦ ᠥᠨᠥᠳᠥᠷ ᠪᠢ ᠬᠡᠳᠦᠨ ᠵᠠᠭᠤᠨ ᠭᠠᠵᠠᠷ ᠤᠨ ᠵᠠᠮ ᠢ ᠡᠪᠬᠡᠵᠦ ᠠᠮᠠᠷᠠᠭ ᠬᠠᠨᠢ᠂ ᠬᠡᠦᠬᠡᠳ ᠰᠢᠤᠬᠠᠳ ᠲᠠᠢ ᠪᠠᠨ ᠨᠤᠲᠤᠭ ᠢᠶᠠᠨ ᠡᠷᠭᠢᠵᠦ ᠨᠠᠭᠠᠴᠤ | ᠡᠮᠡᠭᠡ ᠶᠢᠨ ᠬᠢ ᠪᠠᠷ ᠢᠶᠠᠨ ︽ᠣᠷᠣᠭᠠᠳ ᠭᠠᠷᠬᠤ︾ ᠭᠡᠵᠦ ᠵᠣᠷᠢᠵᠤ ᠶᠠᠪᠤᠨᠠ᠃ ᠨᠤᠲᠤᠭ ᠤᠨ ᠪᠠᠷᠠ ᠣᠶᠢᠷᠠᠳᠬᠤ ᠳᠤ ︽ᠭᠠᠵᠠᠷ ᠤᠨ ᠲᠠᠮᠠᠭᠠ︾ ᠪᠣᠯᠵᠤ | ᠬᠤᠴᠣᠷᠤᠭᠰᠠᠨ ᠮᠣᠩᠭᠤᠯ ᠭᠡᠷ ᠤᠨ ᠪᠠᠭᠤᠷᠢ᠂ ᠨᠠᠭᠠᠳᠴᠤ ᠥᠰᠦᠭᠰᠡᠨ ᠵᠢᠵᠢᠭ ᠠᠯᠠᠭ ᠴᠢᠯᠠᠭᠤᠳ ᠪᠠ ᠰᠢᠯ ᠱᠠᠭᠠᠵᠠᠩ ᠤᠨ ᠬᠠᠭᠠᠷᠬᠠᠢ ᠨᠤᠭᠤᠳ ᠨᠠᠷᠠᠨ ᠤ | ᠭᠡᠷᠡᠯ ᠳᠤ ᠭᠢᠯᠲᠠᠭᠠᠨᠠᠨ ᠬᠠᠷᠠᠭᠳᠠᠨᠠ᠃ ᠲᠡᠮᠡᠭᠡᠨ ᠤᠶᠠᠭᠠᠨ ᠤ ᠡᠮᠦᠨᠡᠭᠦᠷᠬᠢ ᠵᠥᠷᠢᠭ ᠤᠨ ᠬᠠᠵᠠᠭᠤ ᠪᠠᠷ ᠴᠥᠷᠬᠡᠯᠡᠭᠰᠡᠨ ᠮᠡᠲᠦ ᠵᠢᠭᠰᠠᠭᠠᠨ ᠬᠥᠮᠥᠷᠢᠭᠰᠡᠨ ᠲᠣᠮᠣᠬᠠᠨ | ᠴᠠᠭᠠᠨ ᠸᠠᠭᠠᠷ ᠤᠳ ᠣᠷᠣᠨ ᠳᠠᠭᠠᠨ ᠵᠢᠭᠳᠡᠷᠡᠬᠦ ᠨᠢ ᠨᠢᠳᠦᠨ ᠳᠤ ᠡᠭᠡᠯᠢᠲᠡᠢ ᠲᠤᠰᠴᠤ ᠤᠯᠠᠨ ᠶᠠᠭᠤᠮᠠ ᠪᠤᠳᠤᠬᠳᠠᠭᠤᠯᠬᠤ ᠶᠤᠮ᠃ | ᠬᠠᠷᠠ ᠪᠠᠭᠠ ᠠᠴᠠ ᠪᠠᠨ ᠨᠠᠭᠠᠴᠤ ᠡᠮᠡᠭᠡ ᠶᠢᠨ ᠢᠶᠠᠨ ᠳᠡᠷᠭᠡᠳᠡ ᠥᠰᠦᠭᠰᠡᠨ ᠪᠢ ᠠᠵᠢᠯ ᠤᠨ ᠭᠠᠷᠤᠭᠠ ᠡᠯᠭᠦᠭᠰᠡᠨ ᠠᠴᠠ ᠬᠤᠶᠢᠰᠢ ᠵᠢᠯ ᠳᠤ ᠨᠢᠭᠡ ᠬᠤᠶᠠᠷ | ᠤᠳᠠᠭᠠ ᠨᠠᠭᠠᠴᠤ ᠡᠮᠡᠭᠡ ᠪᠠᠨ ᠡᠷᠭᠢᠵᠦ ᠦᠵᠡᠳᠡᠭ᠃ ᠨᠠᠮᠠᠶᠢ ᠬᠦᠷᠴᠦ ᠣᠴᠢᠬᠤ ᠪᠣᠯᠭᠠᠨ᠄ ︽ᠴᠢ ᠮᠢᠨᠢ ᠭᠦᠷᠦᠭᠡᠳ ᠢᠷᠡᠪᠡ ᠦᠦ︖ ᠮᠢᠨᠤ ᠨᠠᠷᠨ ᠭᠠᠷᠬᠤ ᠰᠢᠭ᠋ | ᠪᠣᠯᠣᠯᠠ ᠁︾ ᠭᠡᠵᠦ ᠮᠣᠩᠭᠤᠯ ᠭᠡᠷ ᠤᠨ ᠢᠶᠠᠨ ᠵᠡᠭᠦᠨ ᠲᠠᠯᠠ ᠳᠤ ᠵᠠᠪᠢᠯᠠᠨ ᠰᠠᠭᠤᠵᠤ ᠮᠦᠰᠢᠶᠡᠨ ᠢᠨᠢᠶᠡᠴᠢᠬᠡᠭᠰᠡᠨ ᠨᠠᠭᠠᠴᠤ ᠡᠮᠡᠭᠡ ᠶᠢᠨ ᠮᠢᠨᠢ ᠳᠦᠷᠢ ᠰᠡᠳᠬᠢᠯ | ᠵᠢᠷᠦᠬᠡᠨ ᠳᠤ ᠱᠤᠭᠤᠮᠠᠯ ᠭᠦᠷᠦᠭ ᠰᠢᠭ ᠬᠠᠳᠠᠩᠰᠢᠭᠰᠠᠨ ᠶᠤᠮ᠃ | - ᠲᠠᠨᠠᠷ ᠰᠠᠶᠢᠨ ᠶᠠᠪᠤᠭᠠᠳ ᠢᠷᠡᠪᠡ ᠦᠦ︖ | - ᠠᠵᠢᠯ ᠦᠢᠯᠡᠰ ᠴᠢᠨᠢ ᠶᠠᠭᠠᠷᠠᠤ ᠦᠦ︖ | - ᠲᠠᠨ ᠤ ᠬᠤᠳᠠ ᠳᠤ ᠰᠣᠨᠢᠨ ᠰᠠᠶᠢᠬᠠᠨ ᠶᠠᠭᠤ ᠪᠠᠶᠢᠨᠠ︖ | - ᠲᠡᠭᠷᠢ ᠠᠭᠠᠷ ᠬᠦᠢᠲᠡᠨ ᠤᠤ︖ ᠴᠠᠰᠤ ᠮᠥᠰᠥ ᠶᠡᠬᠡᠲᠡᠢ ᠤᠤ︖ | - ᠬᠡᠦᠬᠡᠨ ᠴᠢᠨᠢ ᠶᠠᠭᠠᠬᠢᠭᠰᠠᠨ ᠰᠦᠷᠡᠬᠡᠢ ᠥᠰᠦᠭᠰᠡᠨ ᠪᠤᠢ᠂ ᠳᠡᠭᠡᠷᠡ ᠤᠳᠠᠭᠠ ᠢᠷᠡᠬᠦ ᠳᠤ ᠥᠯᠥᠭᠡᠢ ᠲᠠᠢ ᠪᠠᠶᠢᠭᠰᠠᠨ ᠰᠢᠭ᠋ ᠪᠢᠯᠡ ᠤᠤ᠂ ᠠᠷᠭᠠ ᠴᠤ ᠦᠭᠡᠢ | ᠶᠤᠮ ᠳ᠋ᠠ᠂ ᠪᠢ ᠥᠲᠡᠯᠦᠭᠡᠳ ᠶᠠᠪᠤᠵᠤ ᠰᠠᠭᠤᠬᠤ ᠳᠠᠭᠠᠨ ᠲᠦᠭᠦᠮ ᠦᠭᠡᠢ ᠪᠣᠯᠵᠤ᠂ ᠮᠣᠩᠭᠤᠯ ᠭᠡᠷ ᠲᠡᠭᠡᠨ ᠰᠢᠷᠭᠤᠭᠠᠳ ᠢᠴᠡᠭᠡᠯᠡᠭᠰᠡᠨ ᠶᠤᠮ ᠰᠢᠭ᠋ ᠪᠣᠯᠤᠭᠰᠠᠨ | ᠠᠮᠢᠳᠠᠨ᠃ | - ᠶᠠᠭᠤ ᠬᠦᠰᠡᠪᠡᠯ ᠲᠡᠭᠦᠨ ᠢ ᠪᠡᠶᠡᠯᠡᠭᠦᠯᠦᠭᠡᠳ ᠦᠭᠳᠡᠭ ᠮᠥᠩᠬᠡ ᠶᠢᠨ ᠷᠠᠰᠢᠶᠠᠨ ᠢᠶᠠᠷ ᠤᠮᠳᠠᠯᠠᠵᠤ᠂ ᠲᠠᠪᠤᠨ ᠲᠠᠩᠰᠤᠭ ᠲᠠᠷᠢᠶᠠ ᠪᠠᠷ ᠬᠤᠭᠤᠯᠠᠯᠠᠵᠤ᠂ ᠬᠥᠪᠥᠩ | ᠡᠭᠦᠯᠡ ᠪᠠᠷ ᠳᠡᠪᠢᠰᠬᠡᠷ ᠵᠤᠯᠠᠵᠤ᠂ ᠬᠥᠬᠡ ᠲᠡᠭᠷᠢ ᠪᠠᠷ ᠭᠦᠨᠵᠢᠯᠨ ᠬᠢᠵᠦ᠂ ᠨᠠᠷᠠᠨ ᠳᠤ ᠡᠭᠡᠭᠡᠨ᠂ ᠰᠠᠷᠠᠨ ᠳᠤ ᠵᠤᠭᠠᠴᠠᠨ ᠨᠤᠲᠤᠭ ᠢᠶᠠᠨ ᠰᠠᠬᠢᠬᠤ ᠳᠡᠭᠡᠳᠦ ᠶᠢᠨ ᠵᠢᠷᠭᠠᠯ | ᠡᠳ᠋ᠯᠡᠬᠦ ᠰᠢᠭ ᠶᠡᠭᠡ ᠵᠠᠶᠠᠭᠠ ᠠᠴᠠ ᠥᠭᠡᠷᠡ ᠶᠠᠭᠤ ᠪᠠᠶᠢᠬᠤ ᠪᠢᠯᠡ︖ | - ᠲᠠᠨᠠᠷ ᠢ ᠬᠡᠵᠢᠶᠡ ᠢᠷᠡᠬᠦ ᠪᠣᠯ ᠠ᠋ ᠭᠡᠵᠦ ᠰᠠᠨᠠᠵᠤ ᠰᠠᠭᠤᠭᠰᠠᠨ ᠳ᠋ᠠ᠃ ᠢᠮᠠᠭᠠᠨ ᠤ ᠰᠢᠷᠠ ᠲᠣᠰᠣ᠂ ᠥᠷᠥᠮᠡ ᠬᠤᠷᠤᠳ᠂ ᠪᠤᠷᠠᠮ ᠰᠢᠬᠢᠷ ᠲᠠᠢ ᠨᠤᠬᠤᠭᠠᠳ | ᠢᠳᠡᠬᠦ ᠨᠢ ᠨᠠᠳᠠ ᠳᠠᠭᠠᠨ ᠵᠢᠷᠭᠠᠯ ᠰᠢᠤ ᠭᠡᠵᠦ ᠤᠳᠠᠭᠠ ᠪᠦᠷᠢ ᠶᠠᠷᠢᠳᠠᠭ ᠦᠭᠡ ᠨᠢ ᠣᠯᠠᠨ ᠵᠢᠯ ᠤᠨ ᠲᠡᠷᠲᠡᠭᠡ ᠠᠴᠠ ᠴᠢᠬᠢᠨ ᠳᠤ ᠪᠤᠰᠤ ᠴᠡᠭᠡᠵᠢᠨ ᠤ ᠭᠦᠨ ᠠᠴᠠ | ᠳᠣᠭᠤᠯᠳᠠᠬᠤ ᠮᠡᠲᠦ᠃ ᠨᠠᠭᠠᠴᠤ ᠡᠮᠡᠭᠡ ᠶᠢᠨ ᠢᠶᠠᠨ ᠢᠩᠭᠢᠵᠦ ᠶᠠᠷᠢᠵᠤ ᠪᠠᠶᠢᠭᠰᠠᠨ ᠢ ᠬᠠᠮᠢᠭᠠ ᠨᠢᠭᠡᠨ ᠵᠦᠭ ᠠᠴᠠ ᠰᠡᠪᠢᠯᠵᠡᠬᠦ ᠰᠠᠯᠬᠢᠨ ᠤ ᠦᠵᠦᠭᠦᠷ ᠢ ᠠᠨᠢᠷᠯᠠᠨ | ᠴᠢᠩᠨᠠᠵᠤ ᠵᠣᠭᠰᠣᠨᠠᠮ᠃ | ᠨᠠᠭᠠᠴᠤ ᠡᠮᠡᠭᠡ ᠮᠢᠨᠢ ᠪᠢᠳᠠᠨ ᠢ ᠢᠷᠡᠭᠡᠳ ᠶᠠᠪᠤᠬᠤᠯᠠᠷ ᠮᠥᠷ ᠢ ᠨᠢ ᠦᠯᠡᠳᠡᠭᠡᠶᠡ ᠬᠡᠮᠡᠨ ᠪᠡᠯᠭᠡᠰᠢᠶᠡᠵᠦ᠂ ᠢᠷᠡᠵᠦ ᠪᠤᠴᠠᠭᠰᠠᠨ ᠮᠥᠷ ᠳᠡᠭᠡᠷᠡ ᠲᠣᠮᠣ ᠴᠠᠭᠠᠨ | ᠸᠠᠭᠠᠷ ᠤᠳ ᠢ ᠬᠥᠮᠥᠷᠢᠨ ᠲᠠᠯᠪᠢᠵᠤ ︽ᠬᠠᠳᠠᠭᠠᠯᠠᠳᠠᠭ︾ ᠪᠠᠶᠢᠭᠰᠠᠨ ᠰᠠᠨ᠃ ᠠᠷᠪᠠ ᠬᠤᠷᠢᠨ ᠵᠢᠯ ᠥᠩᠭᠡᠷᠡᠭᠰᠡᠨ ᠠᠲᠠᠯᠠ ᠲᠡᠳᠡᠭᠡᠷ ᠭᠦᠮᠤᠷᠢᠭᠡᠲᠠᠢ ᠸᠠᠭᠠᠷ ᠤᠨ | ᠳᠣᠣᠷᠠ ᠬᠠᠳᠠᠭᠠᠯᠠᠭᠳᠠᠭᠰᠠᠨ ᠮᠥᠷ ᠨᠢ ᠰᠢᠪ ᠰᠢᠨᠡᠬᠡᠨ᠂ ᠬᠠᠪ ᠬᠠᠯᠠᠭᠤᠨ ᠬᠡᠪ ᠢᠶᠠᠷ ᠢᠶᠠᠨ ᠪᠠᠶᠢᠬᠤ ᠨᠢ ᠦᠨᠡᠬᠡᠷ ᠭᠠᠶᠢᠬᠠᠯᠲᠠᠢ᠃ ᠡᠨᠡ ᠮᠥᠷ ᠤᠳ ᠣᠨ ᠵᠢᠯ ᠤᠨ | ᠨᠤᠭᠤᠴᠢᠭᠠᠨ ᠳᠤ ᠠᠷᠴᠢᠭᠳᠠᠵᠤ ᠠᠷᠢᠯᠤᠯ ᠦᠭᠡᠢ ᠮᠥᠩᠬᠡ ᠲᠠᠮᠠᠭᠠᠯᠠᠭᠳᠠᠵᠤ ᠦᠯᠡᠳᠡᠭᠰᠡᠨ ᠨᠢ ᠨᠡᠬᠡᠷᠡᠨ ᠭᠠᠶᠢᠬᠠᠮᠰᠢᠭ ᠭᠡᠵᠦ ᠬᠡᠯᠡᠬᠦ ᠠᠴᠠ ᠥᠭᠡᠷᠡ ᠠᠷᠭᠠ ᠦᠭᠡᠢ᠃ | ᠬᠡᠵᠢᠶᠡ ᠴᠦ ᠦᠯᠦ ᠪᠠᠯᠠᠷᠠᠬᠤ ᠲᠡᠦᠬᠡ ᠪᠣᠯᠣᠨ ᠤᠳᠬᠠ ᠭᠦᠨᠵᠡᠭᠡᠢ ᠳᠤᠷᠠᠰᠬᠠᠯ ᠪᠣᠯᠵᠤ ᠳᠤᠷᠠᠶᠢᠵᠤ ᠦᠯᠡᠳᠡᠭᠰᠡᠨ ᠪᠠᠶᠢᠨᠠᠮ᠃ | - ᠪᠢ ᠴᠤ ᠶᠠᠭᠠᠬᠢᠬᠤ ᠪᠤᠢ᠂ ᠬᠥᠭᠰᠢᠨ ᠢᠮᠠᠭᠠᠨ ᠤ ᠨᠠᠰᠤ ᠦᠭᠡᠢ ᠪᠣᠯᠤᠭᠰᠠᠨ ᠬᠥᠮᠥᠨ᠃ ᠡᠭᠦᠪᠡᠷ ᠥᠩᠭᠡᠷᠡᠭᠡᠳ ᠶᠠᠪᠤᠳᠠᠭ ᠬᠥᠮᠥᠨ ᠬᠠᠷᠠ ᠶᠢᠨ ᠪᠡᠷᠡ ᠴᠦ | ᠲᠠᠰᠤᠷᠠᠬᠰᠠᠨ᠃ ᠲᠠᠨᠣᠰ ᠢ ᠬᠠᠷᠠᠭᠠᠳ ᠮᠠᠰᠢ ᠪᠠᠶᠠᠷᠯᠠᠳᠠᠭ ᠰᠢᠦ᠃ ᠦᠷᠭᠦᠯᠵᠢ ᠢᠷᠡᠵᠤ ᠪᠠᠶᠢᠭᠠᠷᠠᠢ︕ ᠭᠡᠵᠦ ᠬᠦᠰᠡᠨ ᠰᠠᠨᠠᠵᠤ᠂ ᠢᠷᠡᠵᠦ ᠶᠠᠪᠤᠭᠰᠠᠨ ᠮᠥᠷ ᠢ | ᠲᠠᠨᠢ ︽ᠬᠠᠳᠠᠭᠠᠯᠠᠵᠤ︾ ᠲᠠᠯᠪᠢᠭᠰᠠᠨ ᠨᠢ ᠡᠨᠡ ᠰᠢᠦ ᠭᠡᠵᠦ ᠬᠥᠮᠥᠷᠢᠭᠰᠡᠨ ᠸᠠᠭᠠᠷ ᠢ ᠵᠢᠭᠠᠵᠤ ᠬᠡᠯᠡᠳᠡᠭ ᠪᠠᠶᠢᠭᠰᠠᠨ ᠨᠢ ᠴᠢᠬᠢᠨ ᠳᠤ ᠲᠣᠳᠣ ᠰᠣᠨᠣᠰᠳᠠᠨᠠ᠃ | - ᠮᠥᠷ ᠨᠢ ᠪᠠᠯᠠᠷᠠᠬᠤ ᠦᠭᠡᠢ ᠴᠠᠭ ᠲᠤ ᠵᠠᠮ ᠨᠢ ᠡᠭᠦᠷᠢᠳᠡ ᠵᠤᠷᠠᠶᠢᠳᠠᠭ ᠶᠣᠰᠣ ᠭᠡᠨᠡᠮ᠃ ᠵᠠᠮ ᠲᠠᠢ ᠪᠠᠶᠢᠭᠰᠠᠨ ᠴᠠᠭ ᠲᠤ ᠲᠠᠨᠠᠷ ᠮᠢᠨᠢ ᠦᠷᠭᠦᠯᠵᠢ ᠨᠠᠭᠠᠰᠢ | ᠴᠠᠭᠠᠰᠢ ᠢᠷᠡᠵᠦ ᠪᠤᠴᠠᠬᠤ ᠨᠢ ᠮᠡᠳᠡᠭᠡᠵᠢ᠃ ᠨᠠᠰᠤ ᠶᠠᠪᠤᠭᠰᠠᠨ ᠪᠢ ᠴᠦ ᠰᠦᠨᠡᠰᠦ ᠪᠠᠨ ᠰᠠᠬᠢᠭᠠᠳ ᠠᠳᠠ ᠤᠷᠭᠤᠭᠠ ᠬᠠᠳᠠ ᠰᠢᠭ᠋ ᠰᠠᠭᠤᠬᠤ ᠠᠴᠠ ᠥᠭᠡᠷᠡ ᠠᠷᠭᠠ | ᠠᠯᠠᠭᠠ᠃ ︽ᠦᠬᠦᠲᠡᠯᠡ ᠣᠷᠣᠰᠢᠬᠤ ᠮᠥᠩᠬᠡ ᠶᠢᠨ ᠣᠷᠣᠨ︾ ᠳᠠᠭᠠᠨ ᠦᠶᠡ ᠶᠢᠨ ᠦᠶᠡ ᠳᠤ ᠨᠤᠲᠤᠭᠰᠢᠨ ᠰᠠᠭᠤᠭᠴᠢ ᠠᠴᠠ ᠬᠠᠮᠤᠭ ᠰᠡᠭᠦᠯᠴᠢ ᠶᠢᠨ ᠬᠢᠨᠢ ᠠᠷᠠᠢ | ᠪᠢ ᠪᠢᠰᠢ ᠪᠠᠶᠢᠭᠠᠰᠠᠢ ᠭᠡᠵᠦ ᠰᠠᠨᠠᠭᠠ ᠵᠣᠪᠠᠨᠢᠩᠭᠤᠢ ᠬᠡᠯᠡᠳᠡᠭ ᠨᠢ ᠴᠠᠭᠠᠨᠠ ᠪᠠᠨ ᠶᠡᠭᠡ ᠤᠴᠢᠷᠲᠠᠢ᠃ | - ᠡᠨᠡ ᠶᠡᠭᠡ ᠭᠤᠪᠢ ᠶᠢᠨ ᠭᠦᠨ᠂ ᠭᠠᠵᠠᠷ ᠤᠨ ᠵᠠᠬᠠ ᠳᠤ ᠬᠥᠮᠥᠨ ᠠᠮᠢᠲᠠᠨ ᠵᠢᠯ ᠲᠣᠲᠣᠮ ᠴᠥᠭᠡᠷᠡᠵᠦ ᠪᠠᠶᠢᠨᠠ᠃ ᠬᠢᠵᠠᠭᠠᠷ ᠨᠤᠲᠤᠭ ᠢᠶᠠᠨ ᠰᠠᠬᠢᠵᠤ | ᠰᠠᠭᠤᠭᠰᠠᠨ ᠮᠢᠨᠤ ᠦᠶᠡ ᠶᠢᠨ ᠬᠥᠬᠡ ᠡᠪᠦᠭᠡᠳ ᠰᠢᠷᠠ ᠡᠮᠡᠭᠡᠳ ᠶᠢᠷᠲᠢᠨᠴᠦ ᠶᠢᠨ ᠵᠢᠮᠡ ᠪᠠᠷ ᠬᠠᠰᠤᠭᠳᠠᠵᠤ ᠯᠠ ᠪᠠᠶᠢᠨᠠ᠃ ᠬᠡᠦᠬᠡᠳ ᠵᠠᠯᠠᠭᠤᠴᠤᠳ ᠶᠠᠭᠠᠬᠢᠭᠠᠳ | ᠶᠤᠮ ᠪᠤᠣ ᠮᠡᠳᠡ᠂ ᠡᠨᠡ ᠡᠵᠡᠭᠦᠢ ᠬᠥᠨᠳᠡᠢ ᠳᠤ ᠲᠣᠭᠲᠠᠵᠤ ᠴᠢᠳᠠᠬᠤ ᠪᠠᠨ ᠪᠣᠯᠢᠵᠠᠢ᠃ ᠬᠠᠶ᠋ᠨ ᠦᠵᠡᠭᠳᠡᠬᠦ ᠵᠡᠭᠡᠷᠡ ᠭᠥᠷᠥᠭᠡᠰᠦ ᠠᠴᠠ ᠥᠭᠡᠷᠡ ᠨᠢᠳᠦᠨ ᠳᠤ ᠲᠣᠷᠬᠤ | ᠠᠮᠢ ᠲᠠᠢ ᠶᠠᠭᠤᠮᠠ ᠭᠡᠵᠦ ᠠᠯᠠᠭᠠ ᠪᠣᠯᠵᠤ ᠪᠠᠶᠢᠭᠠ ᠪᠣᠯᠬᠤᠷ ᠶᠠᠭᠤ ᠭᠡᠵᠦ ᠠᠳᠡ ᠰᠠᠭᠤᠬᠤ ᠪᠤᠢ ᠳ᠋ᠡ᠂ ᠬᠥᠭᠡᠷᠦᠬᠦ᠋ᠢᠰ᠃ ᠬᠤᠳᠠ ᠰᠠᠭᠤᠷᠢᠨ ᠤᠷᠤᠭᠤ ᠨᠡᠭᠦᠵᠦ | ᠯᠡ ᠲᠠᠭᠠᠷᠠᠨᠠ᠃ ᠲᠡᠭᠡᠯᠡ ᠭᠡᠳ ᠲᠠᠨᠠᠷ ᠤᠨ ᠴᠢᠰᠤᠨ ᠳᠣᠲᠣᠷᠠ ᠪᠢᠳᠠᠨ ᠤ ᠬᠠᠯᠠᠭᠤᠨ ᠴᠢᠰᠤ ᠤᠷᠤᠰᠴᠤ ᠪᠠᠶᠢᠳᠠᠭ ᠤᠨ ᠤᠴᠢᠷ ᠡᠨᠡ ᠨᠤᠲᠤᠭ ᠤᠨ ᠬᠥᠬᠡ ᠭᠠᠯ | ᠥᠨᠢᠳᠡ ᠲᠠᠨᠠᠷ ᠤᠨ ᠬᠢ ᠭᠡᠳᠡᠭ ᠲᠤ ᠪᠢ ᠡᠷᠡᠭᠡᠯᠵᠡᠬᠦ ᠦᠭᠡᠢ ᠪᠠᠶᠢᠨᠠ᠃ ᠲᠠᠨᠠᠷ ᠪᠠᠶᠢᠭᠠ ᠪᠣᠯᠬᠤᠷ ᠨᠤᠲᠤᠭ ᠤᠰᠤ ᠮᠢᠨᠢ ᠬᠡᠵᠢᠶᠡᠳᠡ ᠬᠤᠭᠤᠰᠤᠷᠠᠬᠤ ᠦᠭᠡᠢ︕ | ᠭᠡᠵᠦ ᠢᠲᠡᠭᠡᠯ ᠳᠦᠭᠦᠷᠡᠩ ᠬᠡᠯᠡᠭᠰᠡᠨ ᠦᠭᠡ ᠨᠢ ᠰᠠᠶ᠋ᠢᠬᠠᠨ ᠶᠤᠮ ᠰᠢᠭ᠋ ᠰᠠᠨᠠᠭᠳᠠᠨᠠ᠃ | ᠠᠯᠠᠱᠠ ᠨᠤᠲᠤᠭ ᠮᠢᠨᠢ ᠡᠨᠡ ᠵᠢᠯ ᠶᠡᠭᠡ ᠥᠩ ᠲᠠᠢ ᠪᠠᠶᠢᠯᠠ᠃ ᠨᠠᠭᠠᠴᠤ ᠡᠮᠡᠭᠡ ᠶᠢᠨ ᠮᠢᠨᠢ ᠳᠠᠷᠢᠭᠰᠠᠨ ᠵᠠᠭ ᠪᠠᠶᠢᠭᠠᠯᠢ ᠶᠢᠨ ᠵᠠᠭ ᠲᠠᠢ ᠨᠡᠶᠢᠯᠡᠯᠳᠦᠭᠡᠳ ᠤᠢ | ᠰᠢᠭᠤᠢ ᠮᠡᠲᠦ ᠪᠠᠭᠰᠢᠷᠠᠨ᠂ ᠪᠢᠳᠠᠨ ᠤ ᠵᠦᠭ ᠬᠠᠨᠳᠤᠨ ᠶᠣᠰᠣᠯᠠᠵᠤ ᠪᠠᠶᠢᠭᠠ ᠶᠤᠮ ᠰᠢᠭ᠋ ᠨᠠᠶᠢᠭᠤᠨ ᠪᠥᠬᠦᠯᠵᠡᠬᠦ ᠨᠢ ᠨᠠᠭᠠᠴᠤ ᠡᠮᠡᠭᠡ ᠮᠢᠨᠢ ᠥᠨᠳᠥᠷ ᠲᠡᠭᠷᠢ ᠠᠴᠠ | ᠮᠠᠨᠤᠰ ᠤᠨ ᠬᠠᠷᠢᠵᠤ ᠢᠷᠡᠭᠰᠡᠨ ᠢ ᠬᠠᠷᠠᠭᠠᠳ ᠪᠠᠶᠠᠰᠴᠤ ᠪᠠᠶᠢᠨᠠ ᠭᠡᠵᠦ ᠰᠢᠪᠡᠨᠡᠬᠦ ᠮᠡᠲᠦ᠃ | ᠪᠢᠳᠠ ᠪᠤᠴᠠᠬᠤ ᠪᠣᠯᠣᠯᠠ᠃ ᠬᠤᠯᠠᠳᠠᠬᠤ ᠲᠤᠳᠤᠮ ᠴᠠᠭᠠᠨ ᠸᠠᠭᠠᠷ ᠤᠳ ᠤᠯᠠᠮ ᠥᠩᠭᠡᠯᠢᠭ᠂ ᠨᠡᠩ ᠰᠣᠨᠢᠬᠠᠨ ᠪᠣᠯᠵᠤ᠂ ᠵᠠᠬᠠ ᠬᠢᠵᠠᠭᠠᠷ ᠦᠭᠡᠢ ᠶᠡᠭᠡ | ᠭᠤᠪᠢ ᠶᠢᠨ ᠵᠦᠢᠷᠯᠡᠰᠢ ᠦᠭᠡᠢ ᠰᠠᠶᠢᠬᠠᠨ ᠭᠤᠶᠣᠯᠠᠯ ᠴᠢᠮᠡᠭ ᠪᠣᠯᠵᠤ ᠬᠠᠷᠠᠭᠳᠠᠨᠠ᠃ ᠮᠢᠨᠤ ᠨᠢᠳᠦᠨ ᠳᠤ ᠲᠡᠳᠡᠭᠡᠷ ᠸᠠᠭᠠᠷ ᠤᠳ ᠲᠣᠮᠣᠷᠠᠨ ᠲᠣᠮᠣᠷᠠᠭᠰᠠᠭᠠᠷ ᠨᠠᠷᠨᠨ | ᠮᠡᠲᠦ ᠭᠡᠷᠡᠯᠳᠤᠵᠤ᠂ ᠰᠠᠷᠨᠨ ᠮᠡᠲᠦ ᠲᠡᠷᠭᠡᠯᠰᠢᠵᠦ ᠪᠠᠶᠢᠭᠰᠠᠭᠠᠷ ᠲᠡᠭᠷᠢ ᠶᠢᠨ ᠣᠶᠣᠳᠠᠯ ᠮᠡᠲᠦ ᠢᠷᠠᠯᠵᠠᠨ ᠦᠵᠡᠭᠳᠡᠨᠡ᠃ ᠪᠣᠲᠣᠭᠤᠨ ᠪᠣᠷᠣ ᠵᠡᠷᠭᠡᠯᠭᠡᠨ ᠳᠤ ᠠᠮᠢᠯᠠᠨ | ᠰᠡᠨᠵᠢᠷᠡᠵᠦ᠂ ᠲᠡᠭᠷᠢ ᠶᠢᠨ ᠬᠠᠶᠠᠭᠠᠨ ᠤ ᠬᠥᠬᠡ ᠠᠭᠤᠯᠠᠰ ᠲᠠᠢ ᠭᠦᠭᠡᠭᠡᠴᠡᠯᠳᠦᠩᠭᠡᠨ ᠲᠣᠭᠯᠠᠵᠤ ᠪᠠᠶᠢᠭᠠ ᠰᠢᠭ᠋᠂ ᠪᠢᠳᠡᠨ ᠠᠴᠠ ᠰᠠᠯᠵᠤ ᠶᠠᠳᠠᠨ ᠲᠠᠭᠤᠵᠤ ᠭᠦᠶᠦᠭᠡᠳ | ᠪᠠᠶᠢᠭᠠ ᠴᠦ ᠶᠤᠮ ᠰᠢᠭ᠋᠂ ᠲᠠᠭᠢᠭᠠᠳ ᠢᠷᠡᠬᠦ ᠶᠢ ᠳᠠᠯᠠᠯᠤᠨ ᠳᠠᠭᠤᠳᠠᠭᠠᠳ ᠴᠦ ᠪᠠᠶᠢᠭᠠ ᠰᠢᠭ᠋᠃ | ᠪᠢ ᠲᠡᠰᠬᠡᠯ ᠦᠭᠡᠢ ᠤᠶᠠᠷᠠᠨ ᠳᠣᠭᠳᠣᠯᠵᠤ᠂ ᠪᠤᠴᠠᠵᠤ ᠣᠴᠢᠭᠠᠳ ᠰᠥᠭᠦᠳᠥᠨ ᠮᠥᠷᠭᠦᠮᠡᠷ ᠰᠠᠨᠠᠭᠳᠠᠪᠠ᠃ ᠲᠡᠶᠢᠮᠤ ᠠ᠋᠂ ᠬᠡᠦᠬᠡᠨ ᠲᠠᠢ ᠮᠢᠨᠢ ᠠᠳᠠᠯᠢᠬᠠᠨ | ᠵᠠᠯᠠᠭᠤ ᠪᠠᠭᠠᠴᠤᠤᠯ ᠡᠪᠦᠭᠡ ᠳᠡᠭᠡᠳᠦᠰ ᠤᠨ ᠢᠶᠠᠨ ᠨᠤᠲᠤᠭ ᠤᠰᠤᠨ ᠳᠤ ᠡᠵᠡᠨ ᠰᠢᠭ ᠡᠵᠡᠨ ᠰᠠᠭᠤᠵᠤ᠂ ᠪᠦᠲᠦᠭᠡᠨ ᠴᠣᠭᠴᠠᠯᠠᠬᠤ ᠶᠢ ᠨᠠᠭᠠᠴᠤ ᠡᠮᠡᠭᠡ ᠶᠢᠨ ᠮᠢᠨᠢ | ᠭᠡᠭᠡᠨ ᠰᠦᠨᠡᠰᠦ᠂ ᠡᠬᠡ ᠨᠤᠲᠤᠭ ᠤᠨ ᠮᠢᠨᠢ ᠡᠪᠡᠰᠦ ᠤᠷᠭᠤᠮᠠᠯ᠂ ᠠᠭᠤᠯᠠ ᠬᠠᠳᠠᠨ ᠤ ᠡᠵᠡᠨ ᠰᠠᠬᠢᠭᠤᠰᠤ ᠭᠦᠷᠲᠡᠯᠡ ᠵᠠᠬᠢᠭᠠᠳ ᠪᠠᠶᠢᠬᠤ ᠰᠢᠭ᠋᠂ ᠪᠠᠰᠠ ᠬᠦᠰᠡᠨ | ᠬᠦᠯᠢᠶᠡᠭᠡᠳ ᠪᠠᠶᠢᠬᠤ ᠰᠢᠭ᠋᠃ ᠭᠠᠯ ᠬᠠᠯᠠᠭᠤᠨ ᠮᠡᠳᠡᠷᠡᠮᠵᠢ ᠵᠦᠩ ᠪᠢᠯᠢᠭ ᠤᠨ ᠮᠢᠨᠢ ᠲᠡᠭᠷᠢ ᠳᠤ ᠡᠶᠢᠨ ᠬᠦ ᠭᠡᠭᠡ ᠲᠠᠲᠠᠨ ᠵᠡᠷᠭᠡᠯᠭᠡᠨᠲᠦᠵᠦ ᠪᠢᠯᠡ᠃ |