| ᠡᠵᠢ ᠶᠢᠨ ᠢᠶᠠᠨ ᠰᠦ ᠶᠢ ᠴᠠᠳᠲᠠᠯᠠ ᠬᠥᠬᠦᠴᠢᠬᠡᠭᠡᠳ ᠮᠠᠨᠴᠤᠢ ᠳᠣᠲᠣᠷᠠ ᠪᠠᠨ ᠦᠯᠦ ᠮᠡᠳᠡᠭᠬᠡᠨ ᠢᠨᠢᠶᠡᠮᠰᠦᠭᠯᠡᠯ ᠤᠨ ᠲᠤᠶᠠᠭᠠ ᠰᠠᠴᠤᠷᠠᠭᠤᠯᠤᠨ ᠤᠨᠲᠠᠵᠤ | ᠪᠠᠶᠢᠭᠠ ᠬᠥᠮᠥᠨ ᠤ ᠣᠷᠴᠢᠯᠠᠩ ᠳᠤ ᠰᠠᠶ᠋ᠢᠬᠠᠨ ᠢᠷᠡᠭᠰᠡᠨ ᠤᠯᠠᠭᠠᠨ ᠨᠢᠯᠬᠠ ᠠᠮᠢᠲᠠᠨ ᠢ ᠦᠵᠡᠬᠦ ᠪᠦᠷᠢ᠂ ᠡᠵᠢ ᠨᠢ ᠭᠠᠳᠠᠨᠠ ᠠᠴᠠ ᠣᠷᠣᠭᠠᠳ ᠢᠷᠡᠬᠦ ᠳᠤ | ᠶᠢᠷᠲᠢᠨᠴᠦ ᠶᠢᠨ ᠬᠠᠮᠤᠭ ᠤᠨ ᠬᠥᠭᠡᠷᠦᠬᠦᠨ ᠴᠡᠴᠡᠭ ᠳᠡᠯᠪᠢ ᠪᠠᠨ ᠵᠠᠳᠠᠯᠬᠤ ᠰᠢᠭ᠋ ᠬᠤᠶᠠᠷ ᠭᠠᠷ ᠢᠶᠠᠨ ᠳᠡᠷᠪᠡᠯᠵᠡᠭᠦᠯᠦᠨ ᠲᠣᠰᠣᠭᠠᠳ ᠭᠦᠶᠦᠬᠦ ᠰᠠᠶ᠋ᠢ ᠯᠠ ᠬᠥᠯ ᠳᠤ | ᠣᠷᠣᠵᠤ ᠪᠠᠶᠢᠭᠠ ᠬᠡᠦᠬᠡᠳ ᠢ ᠬᠠᠷᠠᠬᠤ ᠪᠦᠷᠢ᠂ ᠥᠷᠯᠥᠭᠡ ᠶᠢᠨ ᠨᠠᠷᠠᠨ ᠤ ᠰᠠᠴᠤᠷᠠᠭ ᠢ ᠪᠤᠯᠪᠠᠷᠠᠢ ᠬᠠᠴᠠᠷ ᠳᠡᠭᠡᠷᠡ ᠪᠠᠨ ᠪᠥᠮᠪᠥᠷᠢᠭᠦᠯᠦᠨ᠂ ᠡᠵᠢ ᠲᠠᠢ ᠪᠠᠨ | ᠬᠥᠲᠥᠯᠥᠯᠴᠡᠨ ᠬᠥᠯ ᠬᠥᠳᠡᠯᠭᠡᠭᠡᠨ ᠶᠡᠬᠡᠲᠡᠢ ᠭᠤᠳᠤᠮᠵᠢ ᠶᠢᠨ ᠵᠠᠮ ᠣᠭᠲᠣᠯᠣᠨ ᠶᠠᠮᠠᠷ ᠴᠦ ᠠᠶᠤᠵᠤ ᠰᠣᠴᠢᠬᠤ ᠶᠢᠨ ᠰᠡᠳᠬᠢᠯ ᠤᠨ ᠰᠡᠭᠦᠳᠡᠷ ᠦᠭᠡᠢ ᠳᠡᠭᠳᠡᠵᠦ | ᠶᠠᠪᠤᠭᠠ ᠴᠡᠴᠡᠷᠯᠢᠭ ᠪᠤᠶᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠨᠠᠰᠤᠨ ᠤ ᠬᠡᠦᠬᠡᠳ ᠤᠳ ᠢ ᠠᠵᠢᠬᠤ ᠪᠦᠷᠢ᠂ ᠠᠯᠤᠰ ᠬᠤᠯᠠ ᠶᠢᠨ ᠬᠠᠮᠢᠭᠠ ᠨᠢᠭᠡ ᠭᠠᠵᠠᠷ ᠠᠴᠠ ᠭᠡᠷ ᠲᠡᠭᠡᠨ | ᠬᠠᠷᠢᠵᠤ ᠢᠷᠡᠭᠡᠳ ᠡᠵᠢ ᠶᠢᠨ ᠢᠶᠠᠨ ᠡᠯᠢᠭᠡᠨ ᠳᠤ ᠲᠣᠯᠣᠭᠠᠢ ᠪᠠᠨ ᠨᠠᠭᠠᠵᠤ ᠴᠣᠷᠭᠢᠷᠠᠲᠠᠯᠠ ᠤᠭᠢᠯᠠᠨ᠂ ᠡᠵᠢ ᠪᠠᠷ ᠢᠶᠠᠨ ᠦᠨᠦᠰᠦᠭᠦᠯᠵᠦ ᠪᠡᠲᠡᠭᠢᠷᠡᠲᠡᠯᠡ | ᠰᠠᠨᠠᠭᠰᠠᠨ ᠢᠶᠠᠨ ᠲᠠᠶᠢᠯᠵᠦ ᠵᠣᠬᠰᠣᠬᠤ ᠬᠡᠨ ᠨᠢᠭᠡᠨ ᠲᠠᠢ ᠲᠠᠭᠠᠷᠠᠬᠤ ᠪᠦᠷᠢ ᠁ ᠪᠢ ᠰᠡᠳᠬᠢᠯ ᠰᠡᠮᠡᠷᠡᠨ ᠨᠢᠯᠪᠤᠰᠤ ᠮᠡᠯᠲᠡᠭᠡᠨᠡᠭᠦᠯᠵᠦ ᠡᠵᠢ ᠲᠠᠢ ᠬᠤᠷᠸᠠ ᠭᠡᠵᠦ | ᠶᠠᠮᠠᠷ ᠠᠮᠤᠷ ᠠᠮᠤᠭᠤᠯᠠᠩ᠂ ᠶᠠᠮᠠᠷ ᠠᠵᠠ ᠵᠢᠷᠭᠠᠯᠲᠠᠢ ᠶᠤᠮ ᠪᠤᠢ ᠭᠡᠵᠦ ᠥᠪᠡᠷ ᠤᠨ ᠮᠡᠳᠡᠯ ᠦᠭᠡᠢ ᠳᠠᠭᠤ ᠠᠯᠳᠠᠳᠠᠭ ᠰᠠᠨ᠃ | ᠲᠡᠶᠢᠮᠦ ᠠ᠋᠂ ᠡᠵᠢ ᠲᠠᠢ ᠬᠥᠮᠥᠨ ᠰᠠᠶᠢᠬᠠᠨ᠃ ᠡᠵᠢ ᠲᠠᠢ ᠬᠤᠷᠸᠠ ᠠᠮᠤᠭᠤᠯᠠᠩ᠃ ︽ᠡᠵᠢ ᠲᠠᠢ ᠪᠠᠨ ᠪᠠᠶᠢᠬᠤ ᠳᠤ ᠪᠢ ᠪᠠᠶᠠᠨ ᠪᠠᠶᠢᠭᠰᠠᠨ ᠁︾ ᠭᠡᠵᠦ | ᠠᠭᠤᠤ ᠰᠢᠯᠦᠭᠴᠢ ᠶᠢᠨ ᠪᠢᠴᠢᠳᠡᠭ ᠰᠢᠭ ᠡᠵᠢ ᠲᠠᠢ ᠪᠠᠨ ᠪᠠᠶᠢᠬᠤᠢ ᠳᠤ ᠬᠤᠷᠸᠠ ᠳᠡᠯᠡᠬᠡᠢ ᠬᠡᠵᠢᠶᠡᠳᠡ ᠠᠮᠤᠭᠤᠯᠠᠩ ᠲᠠᠶᠢᠪᠤᠩ ᠰᠠᠨᠠᠭᠳᠠᠳᠠᠭ ᠠᠵᠢ᠃ | ᠶᠡᠷᠦᠨᠢ ᠲᠡᠭᠡᠭᠡᠳ ᠭᠠᠭᠴᠠᠬᠠᠨ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠲᠡᠳᠦᠢ ᠪᠤᠰᠤ ᠶᠠᠮᠠᠷᠪᠠ ᠠᠮᠢᠲᠠᠨ ᠤ ᠦᠷᠡ ᠲᠥᠯ ᠪᠦᠷ ᠡᠬᠡ ᠶᠢᠨ ᠢᠶᠠᠨ ᠳᠡᠷᠭᠡᠳᠡ ᠪᠠᠶᠢᠪᠠᠯ ᠡᠩᠬᠡ | ᠲᠤᠩᠬᠠ ᠠᠮᠤᠷ ᠵᠢᠮᠤᠷ ᠡᠷᠬᠡ ᠳᠠᠷᠭ᠋ᠠ ᠶᠢ ᠡᠳ᠋ᠯᠡᠵᠦ᠂ ᠬᠠᠮᠢᠭᠠ ᠨᠢᠭᠡᠨᠲᠡᠭᠡ ᠠᠴᠠ ᠠᠶᠤᠯ ᠠᠶᠤᠮᠰᠢᠭ ᠭᠠᠷᠤᠭᠠᠳ ᠢᠷᠡᠪᠡᠯ ᠴᠣᠷᠢ ᠶᠢᠨ ᠭᠠᠭᠴᠠ ᠠᠪᠤᠷᠠᠯ ᠤᠨ | ᠨᠠᠶᠢᠳᠠᠪᠤᠷᠢ ᠨᠢ ᠲᠡᠭᠦᠨ ᠤ ᠡᠵᠢ ᠯᠡ ᠪᠠᠶᠢᠳᠠᠭ ᠶᠤᠮ ᠰᠢᠭ᠋ ᠰᠠᠨᠠᠭᠳᠠᠳᠠᠭ ᠨᠢ ᠠᠮᠢᠲᠠᠨ ᠪᠦᠭᠦᠨ ᠳᠤ ᠵᠠᠶᠠᠭᠠᠭᠰᠠᠨ ︽ᠲᠥᠷᠥᠯᠬᠢ ᠴᠢᠨᠠᠷ︾ ᠭᠡᠯᠲᠡᠢ᠃ ᠶᠠᠮᠠᠷ ᠨᠢᠭᠡᠨ | ᠶᠠᠭᠤᠮᠠᠨ ᠠᠴᠠ ᠦᠷᠭᠦᠵᠦ ᠰᠣᠴᠢᠭᠰᠠᠨ ᠪᠣᠲᠣᠭᠤ ᠴᠦ ᠲᠡᠷᠡ᠂ ᠤᠨᠠᠭᠠ ᠴᠦ ᠲᠡᠷᠡ᠂ ᠢᠨᠵᠠᠭᠠ ᠴᠦ ᠲᠡᠷᠡ᠂ ᠰᠢᠪᠠᠭᠤᠨ ᠤ ᠳᠡᠭᠳᠡᠭᠡᠬᠡᠢ ᠴᠦ ᠲᠡᠷᠡ᠂ ᠴᠢᠨ᠋ᠸᠠ ᠶᠢᠨ | ᠪᠡᠯᠲᠡᠷᠭᠡ ᠴᠦ ᠲᠡᠷᠡ ᠪᠦᠷ ᠡᠩ ᠲᠡᠷᠢᠭᠦᠨ ᠳᠤ ᠡᠵᠢ ᠶᠢᠨ ᠢᠶᠠᠨ ᠵᠦᠭ ᠨᠢᠰᠬᠦ ᠮᠡᠲᠦ ᠬᠠᠷᠠᠶᠢᠵᠤ ᠣᠴᠢᠳᠠᠭ ᠢ ᠪᠢᠳᠡ ᠰᠠᠶᠢᠨ ᠮᠡᠳᠡᠬᠦ ᠪᠢᠯᠡ᠃ ᠠᠮᠢᠲᠠᠨ ᠤ ᠡᠬᠡ | ᠠᠷᠢᠶᠠᠲᠠᠨ ᠤ ᠳᠣᠪᠲᠤᠯᠤᠯᠲᠠ ᠠᠴᠠ ᠦᠷᠡ ᠪᠠᠨ ᠬᠡᠷᠬᠢᠨ ᠠᠮᠢ ᠲᠡᠮᠡᠴᠡᠨ ᠬᠠᠮᠠᠭᠠᠯᠠᠵᠤ ᠪᠠᠶᠢᠭᠰᠠᠭᠠᠷ ᠬᠦᠨᠳᠦ ᠰᠢᠷᠬᠠᠲᠤᠬᠤ ᠪᠤᠶᠤ ᠡᠴᠦᠰ ᠲᠡᠭᠡᠨ ᠦᠷᠡᠭᠳᠡᠵᠦ | ᠳᠠᠭᠤᠰᠳᠠᠭ ᠢ ᠠᠮᠢᠳᠤᠷᠠᠯ ᠠᠬᠤᠢ᠂ ᠦᠯᠢᠭᠡᠷ ᠳᠣᠮᠤᠭ᠂ ᠨᠣᠮ ᠰᠤᠳᠤᠷ᠂ ᠮᠡᠳᠡᠭᠡᠯᠡᠯ ᠤᠨ ᠬᠡᠷᠡᠭᠰᠡᠯ ᠵᠡᠷᠭᠡ ᠠᠴᠠ ᠲᠠ ᠪᠦᠭᠦᠨ ᠲᠤᠭᠠ ᠦᠭᠡᠢ ᠣᠯᠠᠨ ᠦᠵᠡᠵᠦ | ᠬᠠᠷᠠᠭᠰᠠᠨ ᠪᠠᠶᠢᠬᠠ᠃ ᠲᠡᠭᠡᠭᠡᠳ ᠪᠤᠳᠣᠬᠤ ᠳᠤ ᠲᠡᠭᠷᠢ ᠪᠠᠷ ᠨᠢᠰᠦᠭᠴᠢ᠂ ᠭᠠᠵᠠᠷ ᠢᠶᠠᠷ ᠮᠥᠯᠬᠦᠭᠴᠢ᠂ ᠤᠰᠤ ᠪᠠᠷ ᠰᠡᠯᠢᠭᠴᠢ ᠪᠦᠭᠦ ᠠᠮᠢᠲᠠᠨ ᠡᠬᠡ ᠶᠢᠨ ᠢᠶᠠᠨ | ᠳᠡᠷᠭᠡᠳᠡ ᠪᠠᠶᠢᠬᠤ ᠳᠤ ᠶᠠᠮᠠᠷ ᠶᠡᠭᠡ ᠥᠮᠥᠭ ᠲᠦᠰᠢᠭ ᠲᠠᠢ᠂ ᠶᠠᠮᠠᠷ ᠶᠡᠭᠡ ᠥᠨᠢᠷ ᠵᠢᠷᠭᠠᠯᠲᠠᠢ ᠪᠠᠶᠢᠳᠠᠭ ᠢ ᠪᠢᠳᠡ ᠮᠡᠳᠡᠵᠦ ᠪᠤᠯᠬᠤ ᠨᠢ ᠠ᠋᠃ ᠠᠮᠢᠲᠠᠨ ᠤ ᠡᠬᠡ ᠭᠡᠳᠡᠭ | ᠦᠷᠡ ᠶᠢᠨ ᠢᠶᠠᠨ ᠲᠥᠯᠥᠭᠡ ᠶᠠᠭᠠᠬᠢᠬᠤ ᠠᠴᠠ ᠴᠦ ᠪᠤᠴᠠᠳᠠᠭ ᠦᠭᠡᠢ ᠠᠭᠤᠤ ᠶᠡᠭᠡ ︽ᠪᠠᠭᠠᠲᠤᠷ ᠤᠨ ᠪᠠᠭᠠᠲᠤᠷ︾᠂ ᠬᠠᠶᠢᠷᠠ ᠶᠢᠨ ᠬᠦᠴᠦᠲᠦ ᠴᠤᠭᠯᠠᠷᠠᠯ ᠶᠤᠮ | ᠭᠡᠳᠡᠭ ᠢ ᠪᠢᠳᠡ ᠵᠢᠷᠦᠬᠡ ᠰᠡᠳᠬᠢᠯ ᠠᠴᠠ ᠪᠠᠨ ᠮᠡᠳᠡᠷᠡᠬᠦ ᠠᠴᠠ ᠥᠭᠡᠷᠡ ᠠᠷᠭᠠ ᠦᠭᠡᠢ᠃ | ᠶᠠᠮᠠᠷ ᠨᠢᠭᠡᠨ ᠭᠠᠢ ᠵᠣᠪᠠᠯᠠᠩ ᠲᠣᠬᠢᠶᠠᠯᠳᠤᠬᠤ ᠦᠶᠡᠰ ᠡᠵᠢ ᠶᠢ ᠪᠠᠨ ᠪᠤᠳᠣᠬᠤ ᠲᠠᠢ ᠵᠡᠷᠭᠡ ᠲᠡᠷᠡ ᠨᠢ ᠵᠠᠶᠢᠯᠠᠵᠤ ᠣᠳᠳᠠᠭ ᠲᠣᠬᠢᠶᠠᠯᠳᠤᠯ ᠪᠠᠶᠢᠳᠠᠭ ᠰᠠᠨᠵᠠᠢ᠃ | ᠳᠡᠯᠡᠬᠡᠢ ᠶᠢᠨ ᠬᠤᠶᠠᠳᠤᠭᠠᠷ ᠳᠠᠶᠢᠨ ᠤ ᠦᠶᠡ ᠳᠤ ᠲᠣᠬᠢᠶᠠᠯᠳᠤᠭᠰᠠᠨ ᠤᠴᠢᠷ ᠶᠤᠮ ᠭᠡᠨᠡ᠄ ᠨᠢᠭᠡ ᠪᠠᠶᠢᠯᠳᠤᠭᠴᠢ ᠬᠦᠨᠳᠦ ᠰᠢᠷᠬᠠᠲᠤᠭᠠᠳ ᠪᠣᠰᠴᠤ ᠴᠢᠳᠠᠬᠤ ᠦᠭᠡᠢ | ᠠᠮᠢ ᠨᠠᠭᠠᠨᠠ ᠲᠠᠮᠤ ᠴᠠᠭᠠᠨᠠ ᠬᠡᠪᠲᠡᠵᠦ ᠪᠠᠶᠢᠵᠠᠢ᠃ ᠳᠠᠶᠢᠴᠢᠨ ᠨᠥᠬᠦᠳ ᠨᠢ ᠪᠠᠷᠤᠭ ᠪᠦᠭᠦᠨ ᠢᠶᠠᠷ ᠢᠶᠠᠨ ᠦᠬᠦᠵᠦ ᠦᠷᠡᠭᠳᠡᠭᠡᠳ᠂ ᠬᠠᠶᠠ ᠨᠢᠭᠡ ᠬᠦᠨᠳᠦ | ᠰᠢᠷᠬᠠᠲᠤᠭᠰᠠᠳ ᠨᠢ ᠶᠣᠣᠯᠠᠬᠤ ᠪᠤᠶᠤ ᠴᠢᠴᠡᠪᠭᠢᠨᠡᠨ ᠠᠮᠢ ᠲᠠᠰᠤᠷᠠᠬᠤ ᠨᠢ ᠦᠨᠡᠬᠡᠷ ᠨᠢᠳᠦ ᠬᠠᠯᠲᠤᠷᠢᠮᠠ᠃ ᠲᠡᠭᠡᠵᠦ ᠪᠠᠶᠢᠲᠠᠯᠠ ᠳᠠᠶᠢᠰᠤᠨ ᠤ ᠴᠡᠷᠢᠭ ᠬᠦᠷᠴᠦ | ᠢᠷᠡᠭᠡᠳ ᠲᠡᠳᠡ ᠨᠠᠷ ᠤᠨ ᠠᠮᠢᠳᠤ ᠪᠠᠶᠢᠬᠤ ᠡᠰᠡᠬᠦ ᠶᠢ ᠨᠢ ᠦᠯᠦ ᠬᠠᠮᠢᠶᠠᠷᠤᠨ ᠵᠠᠬᠠ ᠳᠠᠷᠠᠭᠠᠯᠠᠨ ᠨᠢᠭᠡᠪᠦᠷᠢᠴᠢᠯᠡᠨ ᠲᠣᠯᠣᠭᠠᠢ ᠴᠡᠭᠡᠵᠢ ᠤᠷᠤᠭᠤ ᠨᠢ ᠶᠠᠪᠤᠭᠤᠲᠠ | ᠳᠤᠮᠳᠠ ᠪᠠᠨ ᠫᠤᠤᠳᠠᠬᠤ ᠶᠤᠮ ᠦᠦ ᠵᠢᠳᠠᠯᠠᠵᠤ ᠭᠠᠷᠬᠤ ᠨᠢ ᠲᠡᠷᠡ᠃ ᠥᠨᠥᠬᠢ ᠪᠠᠶᠢᠯᠳᠤᠭᠴᠢ ᠲᠡᠷᠡᠬᠡᠨ ᠭᠱᠠᠨ ᠳᠤ ᠴᠡᠷᠢᠭ ᠲᠤ ᠮᠣᠷᠳᠠᠬᠤ ᠳᠤᠨᠢ ᠦᠨᠦᠰᠦᠭᠡᠳ | ᠤᠭᠢᠯᠠᠭᠠᠳ ᠬᠤᠴᠣᠷᠤᠭᠰᠠᠨ ᠬᠥᠭᠡᠷᠦᠬᠦᠢ ᠮᠠᠭᠤ ᠡᠵᠢ ᠶᠢ ᠪᠠᠨ ᠪᠤᠳᠣᠯ ᠳᠠᠭᠠᠨ ᠲᠣᠳᠣᠷᠠᠭᠤᠯᠤᠨ᠄ | - ᠢᠩᠭᠢᠭᠡᠳ ᠯᠠ ᠡᠵᠢ ᠲᠠᠢ ᠪᠠᠨ ᠤᠴᠠᠷᠠᠵᠤ ᠴᠢᠳᠠᠬᠤ ᠦᠭᠡᠢ ᠳᠠᠶᠢᠰᠤᠨ ᠤ ᠭᠠᠷ ᠲᠤ ᠠᠷᠠᠴᠢᠭᠠ ᠦᠭᠡᠢ ᠦᠬᠦᠳᠡᠭ ᠪᠠᠶᠢᠵᠠᠢ᠃ ᠡᠵᠢ ᠶᠢ ᠮᠢᠨᠢ ᠪᠤᠷᠬᠠᠨ | ᠥᠷᠥᠰᠢᠶᠡᠵᠦ᠂ ᠤᠷᠲᠤ ᠨᠠᠰᠤᠯᠠᠭᠤᠯᠵᠤ ᠬᠠᠶᠢᠷᠠᠯᠠ︕ ᠬᠡᠮᠡᠨ ᠳᠣᠲᠣᠷᠠ ᠪᠠᠨ ᠵᠠᠯᠪᠠᠷᠢᠩᠭᠠᠨ ᠨᠢᠳᠦ ᠪᠠᠨ ᠠᠨᠢᠵᠤ᠂ ᠳᠠᠶᠢᠰᠤᠨ ᠤ ᠵᠢᠳᠠ ᠬᠡᠵᠢᠶᠡ ᠴᠡᠭᠡᠵᠢ ᠪᠠᠷ ᠨᠢ | ᠰᠦᠯᠪᠡᠬᠦ ᠶᠢ ᠭᠥᠯᠢᠶᠡᠨ ᠬᠡᠪᠲᠡᠵᠦ ᠪᠠᠶᠢᠭᠰᠠᠨ ᠴᠢᠨᠢ ᠬᠠᠷᠢᠨ ᠬᠠᠴᠢᠷᠬᠠᠯᠲᠠᠢ ᠤᠴᠢᠷ ᠡᠭᠦᠰᠴᠦ᠂ ᠳᠠᠶᠢᠰᠤᠨ ᠲᠡᠭᠦᠨ ᠢ ᠠᠯᠤᠰᠯᠠᠭᠠᠳ ᠥᠩᠭᠡᠷᠡᠴᠢᠬᠡᠵᠦ ᠭᠡᠨᠡ᠃ | ᠬᠡᠳᠦᠨ ᠴᠠᠭ ᠤᠨ ᠳᠠᠷᠠᠭᠠ ᠥᠪᠡᠷ ᠤᠨ ᠬᠢᠨᠢ ᠲᠠᠯᠠ ᠶᠢᠨ ᠴᠡᠷᠢᠭ ᠢᠷᠡᠭᠡᠳ ᠬᠡᠭᠦᠷ ᠴᠡᠪᠡᠷᠯᠡᠬᠦ ᠦᠶᠡ ᠳᠤ ᠲᠡᠷᠡ ᠪᠠᠷ ᠠᠪᠤᠷᠠᠭᠳᠠᠵᠤ᠂ ᠬᠤᠵᠢᠮ ᠨᠢ ᠠᠮᠢᠳᠤ ᠮᠡᠨᠳᠦ | ᠭᠡᠷ ᠲᠡᠭᠡᠨ ᠬᠠᠷᠢᠭᠰᠠᠨ ᠭᠡᠰᠡᠨ ᠦᠨᠡᠨ ᠲᠡᠦᠬᠡ ᠶᠢ ᠪᠢ ᠨᠢᠭᠡᠨ ᠳᠤᠷᠠᠰᠤᠮᠵᠢ ᠠᠴᠠ ᠤᠩᠰᠢᠭᠰᠠᠨ ᠢᠶᠠᠨ ᠰᠠᠨᠠᠵᠤ ᠪᠠᠶᠢᠨᠠ᠃ | ᠡᠵᠢ ᠬᠥᠮᠥᠨ ᠳᠡᠷᠭᠡᠳᠡ ᠪᠢᠰᠢ ᠳᠡᠯᠡᠬᠡᠢ ᠶᠢᠨ ᠴᠠᠭᠠᠨᠠ ᠪᠠᠶᠢᠯᠠ ᠴᠦ ᠡᠵᠢ ᠶᠢ ᠪᠠᠨ ᠳᠠᠩᠳᠠ ᠵᠢᠷᠦᠬᠡ ᠰᠡᠳᠬᠢᠯ ᠤᠨ ᠢᠶᠠᠨ ᠬᠤᠶᠢᠮᠤᠷ ᠲᠤ ᠲᠡᠭᠡᠭᠡᠭᠡᠳ ᠶᠠᠪᠤᠵᠤ | ᠪᠠᠶᠢᠭᠰᠠᠨ ᠴᠠᠭ ᠲᠤ᠂ ᠡᠵᠢ ᠶᠢ ᠪᠠᠨ ᠪᠤᠷᠬᠠᠨ ᠰᠢᠭ᠋ ᠳᠡᠭᠡᠳᠦᠯᠡᠨ ᠰᠠᠨᠠᠵᠤ ᠶᠠᠪᠤᠭᠰᠠᠨ ᠴᠠᠭ ᠲᠤ ᠶᠠᠮᠠᠷ ᠨᠢᠭᠡᠨ ᠠᠶᠤᠯ ᠲᠦᠭᠰᠢᠭᠦᠷᠢ᠂ ᠭᠠᠢ ᠪᠠᠷᠴᠢᠳ ᠠᠴᠠ | ᠲᠣᠭᠤᠷᠢᠵᠤ ᠭᠠᠷᠬᠤ ᠮᠠᠭᠠᠳᠯᠠᠯ ᠪᠠᠶᠢᠳᠠᠭ᠃ ᠦᠷᠡ ᠬᠡᠦᠬᠡᠳ ᠠᠴᠠ ᠨᠢ ᠵᠠᠶᠢᠯᠠᠭᠰᠠᠨ ᠰᠦᠨᠡᠰᠦ ᠶᠢ ᠡᠵᠢ ᠨᠢ ᠬᠥᠬᠦ ᠪᠠᠷ ᠢᠶᠠᠨ ᠳᠠᠯᠠᠯᠤᠨ ᠳᠠᠭᠤᠳᠠᠭᠠᠳ ᠠᠪᠴᠢᠷᠠᠵᠤ | ᠪᠠᠶᠢᠭᠰᠠᠨ ᠲᠤᠬᠠᠢ ᠬᠠᠭᠤᠴᠢ ᠶᠠᠷᠢᠶᠠ ᠵᠥᠩᠳᠡᠭᠡᠨ᠃ ᠲᠡᠶᠢᠮᠦ ᠠᠴᠠ ᠡᠵᠢ ᠲᠠᠢ ᠬᠥᠮᠥᠨ ᠦᠬᠦᠳᠡᠭ ᠦᠭᠡᠢ ᠭᠡᠰᠡᠨ ᠦᠭᠡ ᠭᠠᠷᠤᠭᠰᠠᠨ ᠪᠢᠵᠡ᠃ ᠨᠢᠭᠡ ᠲᠠᠨᠢᠯ ᠮᠢᠨᠢ | ᠨᠠᠳᠠᠳᠤ ᠬᠡᠯᠡᠬᠦ ᠳᠡᠭᠡᠨ᠂ ᠲᠡᠷᠡ ᠪᠠᠷ ᠬᠦᠨᠳᠦ ᠡᠪᠡᠳᠴᠢᠨ ᠳᠤ ᠲᠠᠷᠴᠢᠯᠠᠨ ᠡᠮᠴᠢᠯᠡᠭᠡᠨ ᠳᠤ ᠬᠡᠪᠲᠡᠵᠦ ᠪᠠᠶᠢᠬᠤ ᠳᠠᠭᠠᠨ ᠲᠡᠷᠡ ᠬᠤᠯᠠ ᠲᠡᠭᠷᠢ ᠶᠢᠨ ᠬᠠᠶᠠᠭᠠᠨ ᠳᠤ | ᠪᠠᠶᠢᠭᠠ ᠡᠵᠢ ᠪᠠᠨ ᠪᠤᠳᠣᠬᠤ ᠪᠦᠷᠢ ᠰᠠᠨᠠᠭᠠ ᠳᠠᠭᠠᠭᠠᠳ ᠴᠦ ᠶᠤᠮ ᠦᠦ ᠡᠪᠡᠳᠴᠢᠨ ᠨᠢ ᠨᠠᠮᠳᠠᠳᠠᠭ ᠪᠠᠶᠢᠭᠰᠠᠨ ᠭᠡᠨᠡ᠃ ᠲᠡᠭᠦᠨ ᠠᠴᠠ ᠪᠣᠯᠤᠭᠰᠠᠨ ᠦᠦ ᠪᠤᠤ ᠮᠡᠳᠡ | ᠦᠬᠦᠯ ᠤᠨ ᠬᠠᠷᠠ ᠰᠠᠪᠠᠷ ᠠᠴᠠ ᠮᠤᠯᠲᠤᠷᠠᠵᠤ᠂ ᠡᠷᠡᠭᠦᠯ ᠰᠠᠷᠠᠭᠤᠯ ᠪᠣᠯᠣᠭᠠᠳ ᠣᠳᠣ ᠡᠩᠬᠡ ᠰᠠᠶᠢᠬᠠᠨ ᠠᠮᠢᠳᠤᠷᠠᠵᠤ᠂ ᠡᠵᠢ ᠶᠢ ᠪᠠᠨ ᠢᠯᠡᠭᠦᠦ ᠶᠡᠭᠡ ᠬᠦᠨᠳᠦᠯᠡᠵᠦ | ᠬᠠᠶᠢᠷᠠᠯᠠᠳᠠᠭ ᠪᠣᠯᠤᠭᠰᠠᠨ ᠭᠡᠳᠡᠭ᠃ ᠡᠵᠢ ᠬᠥᠮᠥᠨ ᠲᠠᠭᠠᠯᠠᠯ ᠲᠡᠭᠦᠰᠬᠦ ᠳᠡᠭᠡᠨ ᠪᠣᠯᠵᠤ ᠥᠭᠪᠡᠯ ᠦᠷᠡ ᠬᠡᠦᠬᠡᠳ ᠤᠨ ᠢᠶᠠᠨ ᠭᠠᠢ ᠯᠠᠨᠴᠢᠭ᠂ ᠵᠣᠪᠠᠯᠠᠩ | ᠰᠢᠨᠠᠯᠤᠯ ᠢ ᠨᠢ ᠠᠪᠤᠭᠠᠳ ᠥᠭᠡᠷᠡ ᠶᠢᠷᠲᠢᠨᠴᠦ ᠤᠷᠤᠭᠤ ᠣᠴᠢᠬᠤ ᠰᠠᠨ ᠭᠡᠵᠦ ᠪᠤᠳᠣᠳᠠᠭ ᠭᠡᠨᠡ ᠰᠢᠦ᠂ ᠬᠥᠭᠡᠷᠦᠬᠦᠢ᠃ ︽ᠦᠬᠦᠲᠡᠯᠡ ᠦᠷᠡ ᠬᠠᠷᠠᠮ︾ | ᠭᠡᠳᠡᠭ ᠨᠢ ᠲᠡᠷᠡ ᠪᠠᠶᠢᠬᠠ ᠳ᠋ᠠ᠃ ᠦᠷᠡ ᠤᠳᠤᠮ ᠢᠶᠠᠨ ᠬᠤᠷᠣᠮ ᠪᠦᠷᠢ ᠮᠠᠭᠤ ᠡᠷᠴᠢᠰ ᠠᠴᠠ ᠬᠠᠮᠠᠭᠠᠯᠠᠵᠤ ᠬᠠᠭᠠᠴᠠᠶᠢᠯᠠᠵᠤ ᠪᠠᠶᠢᠳᠠᠭ ᠡᠵᠢ ᠬᠥᠮᠥᠨ ᠤ ᠡᠨᠡᠷᠢᠯ | ᠲᠡᠭᠦᠰ ᠵᠢᠱᠢᠶᠡ ᠶᠢ ᠠᠯᠢ ᠶᠢ ᠨᠢ ᠲᠡᠷᠡ ᠭᠡᠬᠦ ᠪᠤᠢ᠃ | ᠡᠵᠢ ᠪᠣᠯ ᠲᠡᠷᠡ ᠮᠥᠷ ᠢᠶᠠᠷ ᠢᠶᠠᠨ ᠠᠭᠤᠤ ᠬᠠᠶᠢᠷᠠ ᠶᠢᠨ ᠬᠠᠭᠠᠨ ᠶᠤᠮ᠃ ᠦᠷᠡ ᠶᠢᠨ ᠢᠶᠠᠨ ᠲᠥᠯᠥᠭᠡ ᠡᠵᠢ ᠶᠢᠨ ᠵᠢᠷᠦᠬᠡ ᠶᠠᠭᠠᠬᠢᠵᠤ ᠴᠣᠬᠢᠯᠠᠵᠤ ᠪᠠᠶᠢᠳᠠᠭ ᠢ | ᠪᠢ ᠦᠭᠡ ᠪᠠᠷ ᠢᠯᠡᠳᠬᠡᠵᠦ ᠦᠯᠦ ᠴᠢᠳᠠᠨᠠᠮ᠃ ᠶᠠᠮᠠᠷ ᠪᠠᠶᠠᠨ ᠲᠠᠩᠰᠤᠭ ᠭᠡᠯᠡ ᠭᠡᠯᠡ ᠴᠦ ᠦᠭᠡᠰ ᠤᠨ ᠰᠠᠩ ᠳᠤᠲᠠᠬᠤ ᠰᠢᠭ᠋ ᠰᠠᠨᠠᠭᠳᠠᠨᠠ᠃ | ᠬᠤᠷᠸᠠ ᠳᠡᠯᠡᠬᠡᠢ ᠶᠢᠨ ᠠᠮᠤᠷ ᠠᠮᠤᠭᠤᠯᠠᠩ ᠭᠡᠷ ᠪᠦᠯᠢ ᠠᠴᠠ ᠡᠬᠢᠯᠡᠳᠡᠭ᠃ ᠲᠤᠬᠠᠶᠢᠯᠠᠪᠠᠯ ᠡᠵᠢ ᠠᠴᠠ ᠡᠬᠢᠯᠡᠳᠡᠭ᠃ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠲᠡᠦᠬᠡᠨ ᠳᠠᠬᠢ | ᠪᠦᠭᠦ ᠠᠮᠵᠢᠯᠲᠠ ᠳᠡᠪᠰᠢᠯ ᠤᠨ ᠴᠠᠭᠠᠨᠠ ᠡᠵᠢ ᠬᠥᠮᠥᠨ ᠤ ᠬᠠᠶᠢᠷᠠ ᠬᠠᠯᠠᠮᠵᠢ᠂ ᠬᠠᠲᠠᠭᠤ ᠲᠡᠪᠴᠢᠶᠡᠷᠢ ᠨᠢᠭᠤᠭᠳᠠᠵᠤ ᠪᠠᠶᠢᠳᠠᠭ᠃ ᠡᠵᠢ ᠪᠣᠯ ᠰᠠᠶᠢᠨ ᠰᠠᠶᠢᠬᠠᠨ | ᠪᠦᠭᠦᠨ ᠤ ᠡᠬᠢᠯᠡᠯ᠃ ᠨᠠᠷᠠᠨ ᠤ ᠭᠡᠷᠡᠯ ᠳᠤ ᠠᠭᠠᠷ ᠲᠡᠭᠷᠢ ᠭᠡᠭᠡᠨ ᠲᠤᠩᠭᠠᠯᠠᠭ ᠣᠷᠣᠰᠢᠳᠠᠭ ᠪᠣᠯ ᠡᠵᠢ ᠶᠢᠨ ᠬᠠᠶᠢᠷᠠ ᠳᠤ ᠬᠡᠦᠬᠡᠳ ᠤᠨ ᠢᠨᠢᠶᠡᠳᠦ ᠳᠡᠯᠡᠬᠡᠢ | ᠳᠦᠭᠦᠷᠡᠩ ᠴᠤᠤᠷᠢᠶᠠᠯᠠᠳᠠᠭ ᠪᠠᠶᠢᠨᠠᠮ᠃ | ︽ᠡᠵᠢ ᠠ᠋︕︾ ᠭᠡᠵᠦ ᠣᠷᠴᠢᠯᠠᠩ ᠳᠦᠭᠦᠷᠭᠡᠵᠦ ᠳᠠᠭᠤᠳᠠᠬᠤ ᠳᠤ ᠡᠪᠡᠰᠦ ᠪᠣᠯᠭᠠᠨ ᠤ ᠰᠡᠵᠢᠭᠦᠷ ᠳᠡᠭᠡᠷᠡ ᠲᠡᠭᠷᠢ ᠶᠢᠨ ᠨᠢᠯᠪᠤᠰᠤ ᠮᠡᠯᠲᠡᠭᠡᠨᠡᠵᠦ᠂ ᠣᠳᠣ | ᠪᠦᠭᠦᠨ ᠤ ᠠᠨᠢᠰᠬᠠᠨ ᠳᠡᠭᠡᠷᠡ ᠤᠶᠠᠩᠭᠠ ᠶᠢᠨ ᠣᠴᠢᠰ ᠴᠠᠭᠢᠯᠤᠨ᠂ ᠬᠠᠮᠢᠭᠠ ᠬᠤᠯᠠ ᠶᠢᠨ ᠭᠤᠣᠯ ᠮᠥᠷᠡᠨ ᠳᠣᠯᠭᠢᠰ ᠢᠶᠠᠨ ᠬᠥᠭᠯᠡᠨ ᠨᠠᠮᠢᠶᠠᠲᠠᠵᠤ᠂ ᠬᠠᠬᠢᠷ ᠴᠡᠪᠳᠡᠭ | ᠬᠠᠳᠠ ᠴᠢᠯᠠᠭᠤ ᠭᠦᠷᠲᠡᠯᠡ ᠳᠣᠲᠣᠷᠠ ᠠᠴᠠ ᠪᠠᠨ ᠤᠶᠠᠷᠠᠨ ᠮᠡᠭᠰᠢᠳᠡᠭ ᠭᠡᠨᠡᠮ᠃ | ᠨᠢᠳᠦᠨ ᠳᠤ ᠦᠵᠡᠭᠳᠡᠬᠦ ᠭᠠᠭᠴᠠᠬᠠᠨ ᠲᠡᠭᠷᠢ᠂ ᠰᠡᠳᠬᠢᠯ ᠵᠢᠷᠦᠬᠡᠨ ᠤ ᠬᠡᠷᠡᠯᠳᠦ ᠶᠢᠷᠲᠢᠨᠴᠦ - ᠡᠵᠢ ᠪᠣᠯ ᠠᠮᠢᠳᠤ ᠰᠠᠬᠢᠭᠤᠰᠤ᠂ ᠡᠩᠬᠡ ᠮᠥᠩᠬᠡ ᠶᠢᠨ ᠡᠬᠢ | ᠡᠭᠦᠰᠪᠦᠷᠢ ᠪᠢᠯᠡ᠃ ᠲᠡᠷᠡ ᠶᠡᠭᠡ ᠬᠠᠶᠢᠷᠠ ᠶᠢᠨ ᠤᠷᠤᠰᠬᠠᠯ ᠭᠡᠷ ᠤᠨ ᠬᠤᠶᠢᠮᠤᠷ ᠠᠴᠠ ᠡᠬᠢᠯᠡᠭᠡᠳ ᠬᠢᠵᠠᠭᠠᠷ ᠦᠭᠡᠢ ᠶᠢᠨ ᠬᠢᠵᠠᠭᠠᠷ ᠲᠤ ᠭᠦᠷᠳᠡᠭ᠃ ᠳᠡᠯᠡᠬᠡᠢ ᠶᠢ | ᠠᠷᠭᠠᠳᠠᠬᠤ ᠳᠤ ᠡᠰᠡᠬᠦᠯᠡ ᠠᠪᠤᠷᠠᠬᠤ ᠳᠤ ᠡᠵᠢ ᠪᠦᠭᠦᠨ ᠤ ᠬᠠᠶᠢᠷᠠ ᠲᠡᠷᠢᠭᠦᠨ ᠵᠡᠷᠭᠡ ᠶᠢᠨ ᠵᠣᠷ ᠪᠤᠯᠳᠠᠭ᠃ ᠠᠶᠤᠮᠰᠢᠭᠲᠤ ᠳᠠᠶᠢᠨ ᠤ ᠭᠠᠯ ᠡᠵᠢ ᠬᠥᠮᠥᠨ ᠤ | ᠠᠷᠢᠭᠤᠨ ᠨᠢᠯᠪᠤᠰᠤ᠂ ᠠᠭᠤᠤ ᠵᠠᠯᠪᠠᠷᠢᠯ ᠬᠤᠶᠠᠷ ᠲᠤ ᠯᠠ ᠤᠨᠲᠠᠷᠠᠬᠤ ᠤᠴᠢᠷᠲᠠᠢ ᠭᠡᠵᠦ ᠪᠤᠳᠣᠨᠠᠮ᠃ ᠡᠵᠢ ᠪᠣᠯ ᠶᠢᠷᠲᠢᠨᠴᠦ ᠶᠢᠨ ᠡᠬᠢᠯᠡᠯ᠂ ᠬᠠᠶᠢᠷᠠ ᠪᠣᠯ | ᠠᠮᠢᠳᠤᠷᠠᠯ ᠤᠨ ᠦᠨᠳᠦᠰᠦ᠂ ᠭᠡᠷᠡᠯ ᠪᠣᠯ ᠬᠤᠷᠮᠤᠰᠲᠠ ᠶᠢᠨ ᠷᠠᠰᠢᠶᠠᠨ᠂ ᠠᠮᠤᠭᠤᠯᠠᠩ ᠪᠣᠯ ᠬᠤᠲᠠᠯᠠ ᠶᠢᠨ ᠮᠥᠷᠥᠭᠡᠳᠦᠯ ᠶᠤᠮ᠃ | ᠡᠵᠢ ᠮᠣᠳᠣᠨ ᠤ ᠰᠠᠯᠠᠭᠠᠨ ᠳᠡᠭᠡᠷᠡ ᠬᠠᠶᠢᠷᠠ ᠶᠢᠨ ᠦᠷᠡ ᠵᠢᠮᠢᠰ ᠨᠠᠷᠠᠨ ᠳᠤ ᠡᠷᠬᠡᠯᠡᠵᠦ᠂ ᠰᠠᠷᠠᠨ ᠳᠤ ᠲᠤᠨᠢᠷᠬᠠᠨ ᠬᠡᠵᠢᠶᠡ ᠮᠥᠩᠬᠡᠳᠡ ᠤᠷᠭᠤᠨᠠᠮ᠃ ᠰᠠᠯᠬᠢ | ᠰᠢᠭᠤᠷᠭᠠ᠂ ᠴᠠᠰᠤ ᠪᠣᠷᠣᠭᠠᠨ ᠠᠴᠠ ᠦᠯᠦ ᠰᠢᠯᠲᠠᠭᠠᠯᠠᠨᠠᠮ᠃ | ᠳᠡᠯᠡᠬᠡᠢ ᠡᠵᠢ ᠠᠮᠤᠭᠤᠯᠠᠩ ᠪᠣᠯ ᠠᠮᠢᠳᠤᠷᠠᠯ ᠤᠨ ᠮᠣᠳᠣ ᠪᠣᠯᠭᠠᠨ ᠴᠡᠴᠡᠭᠯᠡᠨᠡ᠃ ︽ᠡᠵᠢ︾ ᠭᠡᠳᠡᠭ ᠦᠭᠡᠨ ᠠᠴᠠ ᠡᠨᠡᠷᠢᠯ ᠬᠠᠶᠢᠷᠠ᠂ ᠡᠩᠬᠡ ᠠᠮᠤᠭᠤᠯᠠᠩ ᠤᠨ | ᠭᠦᠨ ᠤᠳᠬᠠ ᠭᠡᠷᠡᠯᠲᠦᠨᠡ᠃ | ᠡᠵᠢ - ᠠᠮᠤᠷ ᠠᠮᠤᠭᠤᠯᠠᠩ ᠤᠨ ᠠᠩᠬᠠᠨ ᠤ ᠦᠰᠦᠭ᠂ ᠠᠭᠤᠤ ᠶᠡᠭᠡ ᠠᠰᠢᠳᠠ ᠶᠢᠨ ᠳᠠᠭᠤᠳᠠᠯᠭᠠ ᠪᠢᠯᠡ᠃ | ᠡᠵᠢ ᠲᠠᠢ ᠬᠤᠷᠸᠠ ᠠᠮᠤᠭᠤᠯᠠᠩ ᠪᠠᠶᠢᠬᠤ ᠠᠴᠠ ᠥᠭᠡᠷᠡ ᠠᠷᠭᠠ ᠦᠭᠡᠢ ᠶᠤᠮ ᠳ᠋ᠠ᠃ |